Yohana 5:24 - Eriiraghano Eriihë

²⁴ “Mahëënë ˆnekabhabhoorera, abhaato bhoose bhano bhaghoghooghu amangʼana ghaane na korekumi Eryobha rino rentomiri mbaanyi no obhuhöru bho miishe ghyose. Bhataaghoteneru ekiina kwo masari ghaabho, amare mbatëënyiri koru mo‑roko na ghusöha mo‑bhuhöru bho miishe ghyose.

Yohana 5:24 ပူးပေါင်းရင်းမြစ်များ

Mataayo 25:46

“Niho abhaköri bha masari bhaare bhaghutanura na ghuye ghoteneru ekiina ke miishe ghyose. Amare bhaare abhahëënë, mbaghusöha mo‑bhuhöru bho miishe ghyose.”

Maariko 16:16

Omooto wowoose uno aghokumi na kubhatiisu, naghotooribhu. Amare, omooto wowoose uno akwanga ghokumi, naghoteneru ekiina.

Yohana 11:26

Wowoose uno anyi muhöru ino arankumi eni, taaghoku naabha. Kana, noghoghakumi ghayo?”

Yohana 12:44

Mbe, Yesu aghatiiri amaraka akabhugha, “Omooto uno aghonkumi eni, taaghonkumi eni omwene chiri, amare nakomokumi na uno antomiri.

Yohana 20:31

Amare ebhyërëkërëri bhino bheenyi mo‑ghitabhu kino bhyandëkuru motore ghokumi kubha Yesu niwe Kirisito, Omoona o Ryobha, na gho komokumi mubhönë obhuhöru bho miishe ghyose kwo riina reeche.

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Yohana 3:18

Eryobha retaakomotenera ekiina omooto uno akorekumi, amare omooto uno ataakorekumi namariri ghoteneru ekiina gho kubha, taamokumiri Omoona waache omwene chiri.

Yohana 3:36

Omooto wowoose uno akomokumi Omoona o Ryobha naanyi no obhuhöru bho miishe ghyose. Amare omooto wowoose uno akomwanga taanyi no obhuhöru, gho kubha ghukarara kwo Waryobha ngokwëndërëra kubha ighoro yaache.

Yohana 4:36

Omughësi nakubhöna amareho ghaache, na ghokoma omunöghö gho ghiri e bhuhöru bho miishe ghyose. Mbe, omobhusuri no omughësi bhoose mbaghuchömëru haghirohamu.

Yohana 6:40

Amiigha gha Taata n‑ghano, omooto woose uno akumënya kubha eni n‑Omoona waache na ghonkumi, abhe no obhuhöru bho miishe ghyose. Eni nekuucha komoryoki mo‑rosiko ro ntenero.”

Yohana 6:47

“Mahëënë ˆnekabhabhoorera, omooto wowoose uno aghonkumi eni, naanyi no obhuhöru bho miishe ghyose.

Yohana 6:50

Amare hano nkeenyi‑ho ekiinyakurë kino gheghwika koru Mwishaaro. Aribha omooto ariire ekiinyakurë kiyo, taaghoku naabha.

Yohana 6:51

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”

Yohana 6:58

Mbe, eni n‑ekiinyakurë kino ghiikiri koru Mwishaaro, ghetanga kino bhasookoro bhaanyu ꞉bhaariire bhaaghaku. Amare omooto wowoose uno akurë ekiinyakurë kino, naakubha no obhuhöru bho miishe ghyose.”

Yohana 8:51

Mahëënë ˆnekabhabhoorera, omooto wowoose uno aghoghatambana ameeghi ghaane, taaghoku naabha.”

Abharuumi 8:1

Mbe, ibheere Eryobha retaakobharööna abhaato bhano bhaghöötiine na Kirisito Yesu.

1 Abhatesaronike 5:9

Eryobha retatwahwire itu kubha retosireekereri kwo bhororo bhooche, amare ndetwahwire kubha tubhönë obhotoori gho nchëra e Mutëmi wiito Yesu Kirisito.

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

1 Bheetero 1:5

Eryobha ndekobhachonga inyu gho changuru cheeche, gho nchëra e komokumi Yesu Kirisito. Moghochongu mbagha hano mokubhöna obhotoori bhuno bhokorighibhu mo‑chaasiko che ntenero.

1 Yohana 3:14

Itu ntweche kubha ntoruure mo‑changuru che roko, na ghusöha mo‑bhuhöru bho miishe ghyose. Ntweche hangʼu gho kubha ntobhasiighiri abhaghëndi bhiito. Omooto wowoose uno ataghöötë obhosiighi naanyi mo‑roko.

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.