20 Taata namosiighiri Omoona, nikyo ahamwërëki emeremo ghyose ghino aghuköra, wiiki nakomwërëki ghuköra ebheroghooro bhekoro ghokera bhiyo, na niinyu mokoroghoora chwee.
Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.
Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”
Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”
Rekamara, Erishambu rekamwimoki Yesu reeghaye nawe ighoro arososooni ro gheghoro kire, rekamwërëki obhutëmi bhoose bho chaase choose no obhwame bhooche,
Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”
Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.
Amare iwe akabhabhoorera akabhugha, “Nëbhëërëkiri ebhiraghe bhyaru ebhichömu, bhino ꞉niiköriri gho changuru che Taata. N‑ngʼana ke mo‑ghayo ino eghughëri mwëndë kundasa na amabhohe?”
Mahëënë ˆnekabhabhoorera, omooto wowoose uno aghonkumi, naghuköra emeremo ghiire ghiire eni neghuköra. Wiiki naghuköra emeremo mekoro ghokera ghino niköriri, gho kubha ˆneeghaye o‑Taata.
Korwera ibheere, nteekubha nerabhabherekera wiiki kubha abhasësë bhaane, gho kubha omusësë teeche kino omutëmi waache aghuköra. Amare inyu nebhahunyuriire ghoose ghano nyoghwire koru o‑Taata, mbe, neekubha nerabhabherekera abhasaani bhaane.
Eni nebheeghiri kebhuno iye onyi, wiiki nekwëndërëra ghuköra hangʼu, kubha bhasiighane kinya bhuno onsiighiri eni, wiiki nibhe moose yaabho.”
Taata Waryobha namosiighiri Omoona waache, wiiki namoheere obhotoro ighoro e bheghiro bhyose.
Kebhuno Taata akobharyoki abhaku na kobhaha obhuhöru bho miishe ghyose, hangʼu hangʼu Omoona nahaabhaha obhuhöru abhaato bhano asiighiri kobhaha.
Mahëënë ˆnekabhabhoorera, eriibhagha ndekuucha, wiiki ˆrekahika, bhano bhakuure mbakooghu eriiraka re Moona o Ryobha. Niho bhano bhakooghu, mbaakubha no obhuhöru bho miishe ghyose.
mbaakoru mo‑chambeehera cheebho, mbakoryokibhu ne Eryobha. Bhano ꞉bhaare bharaköra amachömu, mbakuhaabhu obhuhöru bho miishe ghyose, amare bhano ꞉bhaare bharaköra amabhe, mbaghoteneru ekiina.”
Itu ntoore‑ho eriibhagha ahaabhuru asooko no obhokumi obhokoro koru o‑Taata Waryobha. Eriibhagha riyo, eriiraka rekaru kwo Waryobha uno anyi Obhokumi Obhokoro, rerabhugha, “Uno n‑Omoona waane omosiighani, uno neghuchömëru nawe.”