Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yohana 5:19 - Eriiraghano Eriihë

19 Yesu akabhabhoorera abhakangati bhaare akabhugha, “Mahëënë ˆnekabhabhoorera, Omoona taaghotora ghuköra ghyokyose gho changuru cheeche. Naghotora ghuköra ghano arooche Ishe araghaköra, wiiki ghoose ghano Ishe aghuköra, nigho ghayo ghayo Omoona aghuköra.

အခန်းကိုကြည့်ပါ။ ကော်ပီ




Yohana 5:19
43 ပူးပေါင်းရင်းမြစ်များ  

Aghiishuka ambërë hasuuhu, akiirëkëra haase kebhuuma kubha asabhe Eryobha, akabhugha, “Oo Taata waane, aribha ekubha, neghoghusabha onduuseri eghisënchö kino ke nyaako! Otaacha ghuköra kinya bhuno nekwënda, amare ukörë kinya bhuno okwënda.”


Eni mwene, nekobhaha amangʼiini na amangʼana ghano moghosiikëra, koru abhabhisa bhaanyu bhataaghotora ghoghaanga hamu kobhakinda.


Taanyi‑ho omooto uno aghotora kuuhöka obhuhöru bhoone. Eni neenyi no obhotoro bho kobhoruusi obhuhöru bhoone, wiiki eni neenyi no obhotoro bho kobhwimoki wiiki obhuhöru bhoone. Hangʼu nibhu Taata ꞉andagheriiri ghuköra.”


Neekubha hangʼu gho kubha, ntesiikiire kwo bhotoro bhoone eni omwene, amare Taata uno antomiri, niwe ꞉andagheriiri ghano neghosiikëra, na kebhuno nekuucha ghughamba.


Wiiki, nyeeche kubha amaraghereri ghaache ngakobhaha abhaato obhuhöru bho miishe ghyose. Mbe, eni neghosiikëra ghaare agheene Taata ꞉andagheriiri nesiikërë.”


Kana, toghokumi kubha eni neenyi moose e Taata, na Taata naanyi moose yaane? Amangʼana ghano nekobhabhoorera ghataakoru mo‑miihëëbhö ghaane, amare Taata, uno anyi moose yaane, naghuköra emeremo gheeche.


Yesu akabhabhoorera akabhugha, “Muhaanyure Erisëngërö rino, eni nekoryabhëka gho chaasiko ishato.”


Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru mara e kabhere.”


Kebhuno Taata akobharyoki abhaku na kobhaha obhuhöru bho miishe ghyose, hangʼu hangʼu Omoona nahaabhaha obhuhöru abhaato bhano asiighiri kobhaha.


Eni niichiri koru Mwishaaro kubha nibhe neraköra amiigha gha Taata uno antomiri. Ntiichiri ghuköra amiigha ghaane.


Mbe, Yesu akabhabhoorera akabhugha, “Hano mookubha momotiiriri Omoona o Mooto kubha momwite, niho mokuucha kumënya kubha ‘Eni Neeni.’ Wiiki mokuucha kumënya kubha ghoose ghano neghuköra, nteeghuköra gho changuru cheene, amare neghoghasiikëra ghano Taata anyeeghiri.


Eriibhagha hakeere omwishe, ntokwëndëru ghuköra emeremo ghe Ryobha rino rentomiri. Obhotiko mbokuucha, hano omooto ataaghotora ghuköra emeremo ghiyo.


Amare Eryobha rekamotoori koru mo‑mabhe ghayo gho komoryoki koru mo‑bhaku, gho kubha oroko rotangatoriri komwangera Yesu!


Hano tubhatiisuru, ntoore kinya tokuure na koryeku haghirohamu nawe, kubha kinya Kirisito aryokiri koru mo‑bhaku gho changuru inkoro che Waryobha Taata, hangʼu hangʼu, koru itu ntoghotora kumanya eriimanya eriihë.


Akörö Ahörëëru ino eghwikara moose yaanyu, niyo Akörö e Ryobha ino emoryokiri Kirisito Yesu koru mo‑bhaku. Gho ghayo, Eryobha ndeghoghiha obhuhöru emebhere gheenyu ghino ghehaaku, gho changuru che Körö Ahörëëru ino eghwikara moose yaanyu.


Ibheere, aribha ekuraghanibhu kubha Kirisito naryokiri koru mo‑bhaku, ibheere ngwake abhande ghate yaanyu bhakobhugha kubha abhaku bhataakoryoka?


Ntoghosiikëra hangʼu, gho kubha ntweche kubha Eryobha rino remoryokiri Omutëmi Yesu, ndeghotoryoki na niitu. Iryo ndeghototoora haghirohamu na niinyu, kubha twikare na Yesu.


Hangʼu keenyi, gho kubha itu bhoose ntokwimeerera ambërë e ghetumbe ghe Kirisito ghe ghotenera ekiina. Gho ghayo, omooto woose naghosongʼaana amareho kurëngʼaana na ghano aghuköra mo‑se ino, ghabhe amachömu hamu ghabhe amabhe.


nikyo retoheere obhuhöru haghirohamu na Kirisito. ꞉Ndiiköriri hangʼu nangabha itu toore tokuure mo‑chaakörö, gho ghiri e masari ghiito. ꞉Ndeetotooriri gho ghareeya yaache.


Nekorisabha, kurëngʼaana no obhwaru bho bhokumi bhooche obhokoro, gho nchëra e Körö yaache, rebhahë changuru motore ghuköngʼëri mo‑metema gheenyu,


Iwe naanyi na changuru che ghotoora ebheghiro bhyose bhibhe haase e bhukangati bhooche. Gho nchëra e changuru chiyo, naghugharura emebhere ghiito ghe bhutöbhu, ghibhe no obhokumi obhokoro kinya omobhere waache onyi.


Neghotora ghuköra ghoose ghayo, gho kubha Kirisito niwe akuuha changuru.


Ntoghusabha kubha Eryobha ryëndërërë kobhatoori gho changuru cheeche chino chetaanyi ne ekirëngërë, kubha motore ghoghumereri. Mbe, muchömëru


Gho kubha gho kohetera ghokooche, ebheghiro bhyose ꞉mbiitëëmuru, bhino bheenyi mwishaaro, na bhino bheenyi mo‑se, bhino bhekorighibhu, na bhino bhetaakorighibhu, erabha bhano bhaanyi n‑obhotoro, hamu abhatëmi, na abhakoro, hamu bha changuru. Bhyose ꞉mbiitëëmuru gho kohetera iwe, na gho ghiri yaache.


Itu, ntweche kubha Yesu ꞉naakuure, akaryoka. Hangʼu hangʼu ntoghwitëngʼëra kubha Eryobha ndekobharyoki abhaato bhoose bhano bhakuure mo‑bhokumi, mbakuucha haghirohamu nawe.


Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.


Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ