Yohana 4:34 - Eriiraghano Eriihë

³⁴ Yesu akabhagharokeri akabhugha, “Ekiinyakurë keene n‑ghuköra amiigha gha uno antomiri, wiiki nimare emeremo gheeche.

Yohana 4:34 ပူးပေါင်းရင်းမြစ်များ

Mataayo 26:39

Aghiishuka ambërë hasuuhu, akiirëkëra haase kebhuuma kubha asabhe Eryobha, akabhugha, “Oo Taata waane, aribha ekubha, neghoghusabha onduuseri eghisënchö kino ke nyaako! Otaacha ghuköra kinya bhuno nekwënda, amare ukörë kinya bhuno okwënda.”

Mataayo 3:15

Yesu akamugharokeri akabhugha, “Nwishereri ibhe hangʼu kwi ibheere, gho kubha ntokwëndëru ghuköra ghaare ghoose Eryobha rekwënda.” Mbe, Yohana aghiishereri, akamubhatiisa.

Mataayo 9:19

Niho Yesu aghatanura haghirohamu na abhaanabheegha bhaache, bhakamutambana omukangati uyo.

Ruuka 15:10

“ˆNekabhabhoorera, hangʼu hangʼu, Eryobha ndeghuchömëru chwee ambërë e bhamarayika bhaache, hano omooto umu o masari akubha atuukuuniire amasari ghaache.”

Ruuka 19:10

Eni Omoona o Mooto niichiri ghutabhara na ghotoori bhano bhabhoriri.”

Ruuka 2:49

Akamugharokeri akabhugha, “Neke moore morantabharera? Moteeche kubha nekwëndëru kuhööya Mwisëngërö re Taata waane?”

Yohana 17:4

Eni neghoghongiri hano mo‑se, gho kohikeerani emeremo ghino ontomiri ghoghiköra.

Yohana 19:28

Hano ghayo ghahetiri, Yesu akamënya kubha naare amariri ghoghiköra emeremo gheeche ghyose. Mbe, aghasiikëra akabhugha, “Nekooghu anyööta.” Ghayo ꞉ngaarweriire ghahikeerane ghano ghaandëkuru mo‑Mandëkö Amatööbhiyu.

Yohana 19:30

Hano Yesu asamiri adivaayi iyo, aghasiikëra akabhugha, “Emeremo gheene ghekahikeerana!” Mbe, akahiinya omutu, aghaye mo‑bhaaru.

Yohana 4:32

Amare iwe akabhagharokeri akabhugha, “Eni neenyi ne ekiinyakurë kino inyu motakyeche.”

Yohana 5:30

Yesu akëëndërëra ghosiikëra arabhugha, “Ghetaanyi‑ho egheghiro ghyokyose kino neghotora ghuköra kwo bhotoro bhoone. Nekobhatenera ekiina abhaato kurëngʼaana na kebhuno Taata akomboorera. Gho ghiri iyo ghotena ekiina koone n‑kwo bhuhëënë, gho kubha nteeghuköra amënda ghaane eni mwene, amare n‑amiigha gha Ryobha rino rentomiri neghuköra.

Yohana 5:36

Amare eni neenyi no obhwibhateri bhokoro chwee ghokera bhuure bho Yohana. Gho ghayo, emeremo ghino Taata aheere ghuköra nighyo ghino gheghungambëra kubha Waryobha Taata niwe antomiri.

Yohana 6:33

Ekiinyakurë ke Ryobha n‑uno ikiri koru Mwishaaro, kubha abhahë abhaato bhoose bha mo‑se obhuhöru.”

Yohana 6:38

Eni niichiri koru Mwishaaro kubha nibhe neraköra amiigha gha Taata uno antomiri. Ntiichiri ghuköra amiigha ghaane.

Yohana 8:29

Uno antomiri naanyi haghirohamu na neeni. Tantighiri eni mwene, gho kubha eriibhagha ryose neghoghaköra ghano ghakomotegheri.”

Amaköri gha Bhatomu 20:35

Gho ghayo, neere nerabhëërëki kubha ntokwëndëru tubhe torahöki kwo bhigheri, kubha tubhönë ebheghiro bhe kobhatoori abhaato bhano bhataaghotora. Eriibhagha ryose mohiite amangʼana ghano Omutëmi Yesu omwene abhughiri, ‘Ngʼoni abhaato bhano bhakoruusi, ghokera bhano bhakuhaabhu.’”

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.