Yohana 4:21 - Eriiraghano Eriihë

²¹ Yesu akamugharokeri akabhugha, “Oo omukari iye, onkumi, eriibhagha ndekuucha rino motaakomusëngëra Taata Waryobha mo‑gheghoro kino hamu mo‑Risëngërö re Yerusareemu.

Yohana 4:21 ပူးပေါင်းရင်းမြစ်များ

Mataayo 18:20

Nekobhugha hangʼu gho kubha aribha bhaanyi‑ho abhaato bhabhere hamu bhatato bhano bhatëmëriine kwo riina reene, na neeni neekubha haghirohamu nabho.”

Mataayo 28:19

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru.

Ruuka 21:24

Abhaato abhande, mbaghwitu gho kinyamiino. Wiiki abhande, mbaghughöötu na kohiru mo‑chaase echende. Mo‑moghya o Yerusareemu, abhaato bha matöngö mbakuucha na kowukangata gho changuru, mbagha chaasiko cheebho chehikeerane.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 16:2

Abhaato mbakobhahëëbha mo‑masinaghooghi. Ndekuucha eriibhagha rino omooto aramwita umu ghate yaanyu, nakwihëëbha kubha, nakorihökëri Ryobha.

Yohana 16:32

Eriibhagha ˆreghatingʼi, wiiki ˆrekahika, hano moghusanchana, omooto woose naaghuye bhowaabho, na ghontigha eni omwene chiri. Amare nteekubha eni omwene chiri, gho kubha Taata naanyi haghirohamu na neeni.

Yohana 4:23

Eriibhagha ndekuucha, wiiki ˆrekahika, abhaato bhano bhakwënda korisëngëra Eryobha kwo bhuhëënë, mbakomusëngëra Taata mo‑körö no obhuhëënë. Taata Waryobha nakwënda abhaato bhano bhakomusëngëra gho nchëra iyo.

Yohana 5:25

Mahëënë ˆnekabhabhoorera, eriibhagha ndekuucha, wiiki ˆrekahika, bhano bhakuure mbakooghu eriiraka re Moona o Ryobha. Niho bhano bhakooghu, mbaakubha no obhuhöru bho miishe ghyose.

Yohana 5:28

Motahagha ighoro e ghayo! Ndekuucha eriibhagha rino abhaku bhoose mbakooghu eriiraka reeche,

Amaköri gha Bhatomu 6:14

Wiiki ntomooghwire arabhugha kubha, Yesu o Nasareeti nakuhaanyura Erisëngërö rino re Ryobha, wiiki naghugharura chaasughara chino Musa atotighiire.”

Abhaebheeso 2:18

Gho ghayo, gho kohetera iwe, itu bhoose Abhayahuuti na abhaato bha matöngö ntoghotora komwishukerera Taata gho nchëra imu, gho kohetera Akörö Ahörëëru.

Abhaebheeso 3:14

Gho ghayo, nekohighama ambërë e Taata Waryobha,

1 Timotewo 2:8

Gho ghayo, ahaghiro hoose hano moghwikomana ghusabha, nekwënda abhasubhe hano bhaakubha bharasabha bhaghongi amabhökö ghaabho ighoro, bhakörë hangʼu kwo mukörö mwero ino bhataaghushangʼaana hamu ghukarara.

1 Bheetero 1:17

Inyu mokorebherekera Eryobha, Taata. Iryo retaakwahukani omooto wowoose, amare ndeghotenera ekiina abhaato bhoose kurëngʼaana na amaköri ghano ꞉bhaaköriri. Gho ghayo, mumanye gho korisëngëra Eryobha kwo riibhagha rino risaaghiri ghokoonyu re kumanya hano mo‑se kinya abhaghëni.

Obhohunyurëru 21:22

Nterooche Erisëngërö re Ryobha mo‑moghya uyo, gho kubha Omutëmi Waryobha o Bhotoro Bhoose, haghirohamu no Omoona o Ngʼöndu niryo Erisëngërö reeche. Gho ghayo, hataanyi na amënda ha haghiro ha ghusëngëra.