Yohana 3:35 - Eriiraghano Eriihë

³⁵ Taata Waryobha namosiighiri Omoona waache, wiiki namoheere obhotoro ighoro e bheghiro bhyose.

Yohana 3:35 ပူးပေါင်းရင်းမြစ်များ

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Mataayo 28:18

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

Mataayo 3:17

Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”

Ruuka 10:22

Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”

Yohana 13:3

Yesu ꞉naamënyiri kubha Taata namoheere obhotoro bho kobhikangata ebheghiro bhyose. Wiiki ꞉naamënyiri kubha ꞉naaruure kwo Waryobha, na kubha naghugharuka wiiki kwo Waryobha.

Yohana 15:9

Kinya bhuure Taata ansiighiri, nibhu na neeni nebhasiighiri inyu. Mbe, mwikare mo‑bhosiighi bhoone.

Yohana 17:2

Noheere obhotoro bho kobhakangata abhaato bhoose, kubha nebhahë abhaato bhano oheere obhuhöru bho miishe ghyose.

Yohana 17:23

Eni neenyi moose yaabho, na niiye noonyi moose yaane. Neghusabha kubha bhabhe egheghiro kimu inkongʼorimu, kubha gho nchëra iyo abhaato bhoose bha se bhamënyë kubha n‑iye uno ontomiri, wiiki bhamënyë kubha nobhasiighiri kinya bhuno onsiighiri eni.

Yohana 17:26

Eni nebheeghiri kebhuno iye onyi, wiiki nekwëndërëra ghuköra hangʼu, kubha bhasiighane kinya bhuno onsiighiri eni, wiiki nibhe moose yaabho.”

Yohana 5:20

Taata namosiighiri Omoona, nikyo ahamwërëki emeremo ghyose ghino aghuköra, wiiki nakomwërëki ghuköra ebheroghooro bhekoro ghokera bhiyo, na niinyu mokoroghoora chwee.

Yohana 5:22

Taata tahamotenera ekiina omooto wowoose wuure, amare namoheere Omoona obhotoro bho kobhatenera ekiina abhaato bhoose.

1 Abhakorinto 15:27

Amandëkö Amatööbhiyu ngakobhugha kubha, “Eryobha ndetooriri ebheghiro bhyose haase e bhukangati bhooche.” Amangʼana ghayo, “ebheghiro bhyose,” taanyi kubha Eryobha ryose ndetooruru haase e bhukangati bhuyo. Tiyaanyi, gho kubha iryo niryo retooriri ebheghiro bhiyo haase e bhukangati bho Kirisito.

Abhaebheeso 1:22

Eryobha ndetooriri ebheghiro bhyose bhibhe haase e bhukangati bho Yesu na ndemotooriri mo‑riikanisa arikangate, iwe uno anyi omokoro ighoro e bheghiro bhyose, kinya omutu mo‑mobhere.

Abheebhuraaniya 1:2

Amare chaasiko chino che ntenero, Eryobha ndeghosiikëra na niitu kohetera Omoona waache. ꞉Ndeemwahwire Omoona uyo abhe omughabhi o bheghiro bhyose, wiiki gho kohetera ghokooche Eryobha ꞉ndiitëëmiri ase.

1 Bheetero 3:22

Iwe naghiire Mwishaaro, ni ibheere niikeere okubhökö gho kwiro kwo Waryobha, ahaghiro ha sooko chwee. Naghukangata bhamarayika, ne ebhetyenyi bhyose bhe bhotoro, na bhe changuru.