Yohana 3:27 - Eriiraghano Eriihë

²⁷ Yohana akabhagharokeri akabhugha, “Omooto taaghotora kubhöna egheghiro ghyokyose, aribha Eryobha retamoheere.

Yohana 3:27 ပူးပေါင်းရင်းမြစ်များ

Mataayo 21:25

Kana, obhotoro bho Yohana bho kubhatiisa abhaato hayi ꞉bhoorweriire? ꞉Mboorweriire Mwishaaro kwo Waryobha ghasi mo‑bhaato?” Niho bhaghiisiikërëra bhakabhugha, “Aribha toragharokeri kubha ꞉mbooruure Mwishaaro, naghotobhoori kubha, ‘Mbe, ngwake kana motabhokumiri?’

Mataayo 25:15

Akamuha kira omusësë kurëngʼaana no obhotoro bhooche. Akamuha o mumbërë chataranta ishaano, no o kabhere chataranta ibhere no o ghatato ataranta imu, akamara aghaköra orughëndö.

Maariko 13:34

“Kuucha kooche ngotuubhiine no omooto uno aghuköra orughëndö. Akabha abhatighiri abhasësë bhaache bhamumööhëri aka yaache bhoheene. Akabhahööhi mooto woose omoremo o ghuköra. Akamara omochongi o mo‑kehita akamuraghereri akabhugha, atenge.”

Yohana 10:41

Abhaato bhaaru bhakamusëëta, bharabhugha, “Yohana taaköriri ekyërëkërëri koru kimu, amare amangʼana ghoose ghano Yohana ꞉asiikiire ighoro e Yesu ngaare gha hëënë.”

Yohana 6:65

Mbe, akëëndërëra ghosiikëra arabhugha, “Gho ghayo, ˆnekabhabhoorera, taanyi‑ho omooto uno aghotora kuucha ghokoone, aribha Taata atamotooreriiri.”

Abharuumi 1:5

Gho kohetera ghokooche Eryobha ndeheere aghareeya e kubha omotomu o Mutëmi Yesu, kubha nebharaghaneri Angʼana Anchömu abhaato bhoose bha matöngö, bhabhönë komokumi na komosooka.

Abharuumi 12:6

Gho ghayo, ntoonyi ne ebhihaano haghare haghare, kinya bhuno Eryobha ꞉reetoheere gho ghareeya yaache. Omooto uno ahaabhuru ekihaano ghe koruusi obhurööti, ahökëri ekihaano kiyo kurëngʼaana no obhokumi bhooche.

1 Abhakorinto 1:1

Anyaarubha ino neyandëkiri eni Bhawuro, uno nebherekiiru kubha omotomu o Yesu Kirisito, kwo mënda gha Ryobha. Eni no omohiiri wiito mo‑bhokumi Sositene,

1 Abhakorinto 12:11

Akörö iyo iyo imu neghuköra emeremo ghiyo ghyose. Iyo nekomuha omooto woose ekihaano keeche, kinya bhuno esiighiri ayeene.

1 Abhakorinto 15:10

Amare aghareeya e Ryobha niyo inköriri eni kubha omotomu. Na aghareeya yaache ghokoone teere bhoowa, gho kubha kohetera aghareeya iyo niköriri emeremo ghokera abhatomu bhoose. Ntiköriri ghayo gho changuru cheene omwene, amare na aghareeya e Ryobha niyo iköriri emeremo haghirohamu na neeni.

1 Abhakorinto 3:5

Mbe, ibheere, Abhooro n‑niwe? Na neeni Bhawuro n‑niwe? Itu n‑abhatamishi bhano Eryobha retotomiri kobhatoori inyu momokumi Yesu Kirisito. Omooto woose naghuköra emeremo ghino ahaabhuru no Omutëmi.

1 Abhakorinto 4:7

Ibheere, n‑niwe, uno aghuköriri kubha mokoro ghokera owonde? Taanyi Eryobha niryo rekoheere ebheghiro bhyose bhino onyi nabhyo? Aribha nuhaabhuru, ngwake okwihacha kinya bhuno tuhaabhuru?

Abhagharatiya 1:1

Anyaarubha ino neyandëkiri eni Bhawuro. Eni ntetomuru na abhaato hamu kuhatëku no omooto nyarebhe, amare ꞉neetomuru na Yesu Kirisito na Taata Waryobha uno amoryokiri Yesu koru mo‑bhaku.

Abhaebheeso 1:1

Anyaarubha ino neyandëkiri eni Bhawuro, uno nebherekiiru kubha omotomu o Yesu Kirisito, kwo mënda gha Ryobha. ˆNekabhaandëkëra inyu abhatööbhiyu bha Ryobha bhano mumanyiri Ebheeso, bhano momokumiri Kirisito Yesu.

1 Timotewo 2:7

Gho ghayo, eni netooruru kubha omotomu no omuraghani o Ngʼana Anchömu e hëënë e Yesu Kirisito mo‑bhaato bha matöngö, nebhahirere amangʼana ghayo na nebheeghi ighoro e ngʼana ino e bhokumi ne e bhuhëënë. Amangʼana ghano neghosiikëra n‑gha hëënë, nteekobhangʼiina.

Yakobho 1:17

Mumënyë egheghiro kyose eghichömu kino tokuhaabhu, ngekoru Mwishaaro kwo Ryobha omutëëmi o mirëngaari. Iryo retaaghotora ghwigharura kinya ekiriiri kehiigharura.