Yohana 20:26 - Eriiraghano Eriihë

²⁶ Hano chaasiko mohungate chehetiri, abhaanabheegha bha Yesu bhaghiikomana haghirohamu wiiki mo‑nyumba. Orosiko ruyo Tomaso woose naare haghirohamu nabho. Charwighe ncheere chigheere, hayo hayo, Yesu akaacha, akiimeerera ghateghate yaabho, akabhakëëri akabhugha, “Nekobhakëëri. Omurëmbë ubhe na niinyu!”

Yohana 20:26 ပူးပေါင်းရင်းမြစ်များ

Mataayo 17:1

Hano chehetiri chaasiko ishaasabhe, Yesu akiimoki Bheetero, na Yakobho na Yohana ömööbhö Yakobho. Aghatiira nabho mo‑gheghoro kire, ahaghiro hano abhaato bhataanyi.

Maariko 16:14

Antenero, Yesu ˆakabharwera abhaanabheegha bhaache ikomi na umwa, hano bhaare haghirohamu, bhararaaghëra. Akabhahiinya gho ghiri e bhuköngʼu bho metema gheebho, gho kubha ꞉mbaangiri ghoghakumi amangʼana gha bhaghëndi bhaabho bhano bhamorooche Yesu hano ꞉aryokiibhu mo‑bhaku.

Ruuka 24:36

Abhaanabheegha bhayo bha Yesu, hano bhaare bhakeere bharasiikëra ighoro e ghayo, hayo hayo Yesu omwene akiimeerera ghate yaabho. Akabhabhoorera akabhugha, “Omurëmbë ubhe na niinyu!”

Ruuka 9:28

Chaasiko inyaanye chiiche koheta korwera hano asiikiire amangʼana ghayo, Yesu akabhiimoki Bheetero, na Yohana, na Yakobho, aghatiira nabho mo‑gheghoro, gho ghiri asabhe Eryobha iyo.

Yohana 11:16

Omoonamwegha umu eriina reeche Tomaso uno bhamobherekiire Eghisare, akabhabhoorera abhaanabheegha bhaghëndi bhaache akabhugha, “Tughëndë na niitu toku haghirohamu nawe.”

Yohana 14:27

Hano neghutanura, nekobhatighera omurëmbë, omurëmbë waane nekobhaha. Omurëmbë uno taanyi kinya uno okoru mo‑se. Motiitumata mo‑metema gheenyu, wiiki motatiina ghyokyose.

Yohana 20:19

Ekabha omughörööbha orosiko ruyo ruyo o rumbërë, abhaanabheegha bha Yesu mbaare bhiikomiine mo‑nyumba imu na ghwighara charwighe gho kubha mbaare bharabhatiina abhakangati bha Bhayahuuti. Yesu akaacha akiimeerera ghateghate yaabho, akabhakëëri akabhugha, “Nekobhakëëri. Omurëmbë ubhe na niinyu!”

Yohana 20:21

Yesu akabhabhoorera wiiki akabhugha, “Omurëmbë ubhe na niinyu. Kinya bhuno Eryobha rentomiri eni, hangʼu hangʼu na neeni ˆnekabhatoma inyu mo‑se ino.”

Yohana 21:1

Hano ghayo ghahetiri, Yesu akabharwera wiiki abhaanabheegha bhaache rubhareka ro nyancha e Tibheeriya.

Yohana 21:14

Iyo neere mara e ghatato Yesu kobharwera abhaanabheegha bhaache, korwera hano Eryobha remoryokiri koru mo‑bhaku.

Amaköri gha Bhatomu 1:3

Kwo riibhagha re chaasiko miröngö ene achekumara koryoka, akabha ariyëërëkani kwo bhatomu bhaache mara kaaru, kubha bhakumi iwe m‑muhöru. Wiiki akabha arabheeghi amangʼana ighoro e bhutëmi bho Ryobha.