Yohana 19:4 - Eriiraghano Eriihë

⁴ Bhiraato akahoroka anche wiiki, akarebhoorera erikinda re bhaato bhaare akabhugha, “Mutëghëërërë, nemurëëtiri omooto uno ghokoonyu, motore kumënya kubha eni ntiimara ndighi eriisari ryoryose re komusëma.”

Yohana 19:4 ပူးပေါင်းရင်းမြစ်များ

Mataayo 27:19

Bhiraato hano are ikeere mo‑ghetumbe keeche ghe ghotenera ekiina, mukaache akamotomera amangʼana akabhugha, “Otaacha komukörëra ibhe ryoryose omooto uyo taanyi ne eriisari ryoryose, gho kubha ninyaakiri chwee obhotiko mwiröötö gho ghiri yaache.”

Mataayo 27:24

Hano Bhiraato amënyiri kubha taaghotora ghugharura amiihëëbhö gha bhaato bhayo na kubha bhaghasëëma anyööri, akiimoki amanche na ghwishaabha amabhökö ghaache ambërë yaabho kwërëki kubha taanyi ne eriisari ryoryose. Niho akabhabhoorera akabhugha, “Nteenyi ne eriisari ryoryose kwo mooto uno anyi o bhuhëënë. Ghano mokwënda ghuköra, n‑ighoro yaanyu inyu bheene!”

Mataayo 27:4

Akabhabhoorera akabhugha, “Niköriri amasari komuhaana mo‑mabhökö ghaanyu omooto uno ataanyi ne eriisari ryoryose kubha itu.” Amare ibho bhakabhugha, “Ghayo ghataaghotusakeri itu, n‑gha ghaacho iye mwene.”

Mataayo 27:54

Akamara omokoro o bhaashirikare haghirohamu na bhano ꞉bhaare bharamochonga Yesu hano bharooche ekerighito na aghande ghoose ghano gharweriire, bhaghatiina chwee, bhakabhugha, “Mahëënë, omooto uno naare Omoona o Ryobha!”

Ruuka 23:4

Ibheere, Bhiraato akabhabhoorera abhakoro bhayo bha bhachaama, haghirohamu no obhoyo bho bhaato akabhugha, “Omooto uno, taanyi ne eriisari ryoryose rino nerooche ghokooche.”

Ruuka 23:41

Amare itu, ntoteniiru ekiina kwo bhuhëënë, kurëngʼaana na amaköri ghiito, amare uno, taanyi ne eriisari rino aköriri.”

Ruuka 23:47

Omokoro o bhaashirikare bhayo, hano arooche ghayo, akareghongi Eryobha, arabhugha, “Oo! Hëënë, omooto uno m‑muhëënë are!”

Yohana 18:33

Mbe, Bhiraato aghasöha wiiki mo‑nyumba e ghitëmi, akahatëka kubha bhamurëëtë Yesu ghokooche, akamobhoori akabhugha, “Kana, iye niiye uno bhakobhugha, Omutëmi o Bhayahuuti?”

Yohana 18:38

Bhiraato akamobhoori akabhugha, “Obhuhëënë n‑ghento ke?” Hano Bhiraato abhughiri ghayo, akahoroka anche wiiki, akabhabhoorera abhakangati bha Bhayahuuti akabhugha, “Eni ntiimara ndighi eriisari ryoryose re komusëma.

Yohana 19:6

Mbe, eriibhagha abhakoro bha bhachaama na abhachongi bha Risëngërö bhamorooche Yesu, bhaghaköra eriireghe bharabhugha, “Mumambe! Mumambe!” Niho Bhiraato akabhabhoorera akabhugha, “Momwimoki inyu bheene momumambe mo‑musarabha, gho kubha eni nteekorighi eriisari ryoryose ighoro yaache.”

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

Abheebhuraaniya 7:26

Omuchaama Omokoro anga uyo nakwëndëru chwee ghokwito gho kubha iwe m‑Mutööbhiyu, na taanyi ni isörö, wiiki taaköriri amasari ghoghoose ghaare. Eryobha ndemwahwire koru mo‑bhaköri bha masari, rekamotiiri ghuye Mwishaaro.

1 Bheetero 1:19

Amare, ndebhatooriri gho kuhökëri amasaahë ghano ghaanyi ne eriighori ikoro. Amasaahë ghayo n‑gha Kirisito, iwe naare kinya omoona o ngʼöndu uno ataanyi no obhurëma koru ghosuuheru.

1 Bheetero 2:22

Iwe taaköriri amasari ghoghoose, koru ghosiikëra obhuröngö bhobhoose.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

1 Yohana 3:5

Mweche kubha Kirisito ꞉niichiri koruusi amasari ghiito. Wiiki iwe taaghuköra amasari ghoghoose.