Yohana 19:30 - Eriiraghano Eriihë

³⁰ Hano Yesu asamiri adivaayi iyo, aghasiikëra akabhugha, “Emeremo gheene ghekahikeerana!” Mbe, akahiinya omutu, aghaye mo‑bhaaru.

Yohana 19:30 ပူးပေါင်းရင်းမြစ်များ

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Mataayo 27:50

Mbe, Yesu akarera wiiki kwo riiraka ikoro, aghatena akörö.

Mataayo 3:15

Yesu akamugharokeri akabhugha, “Nwishereri ibhe hangʼu kwi ibheere, gho kubha ntokwëndëru ghuköra ghaare ghoose Eryobha rekwënda.” Mbe, Yohana aghiishereri, akamubhatiisa.

Maariko 15:37

Amare Yesu akarera kwo riiraka ikoro, aghaku.

Ruuka 22:37

Yandëkuru, ‘Nabhareriinu haghirohamu na amanyangara.’ Amangʼana ghano ngaandëkuru ighoro yaane. ˆNekabhabhoorera kubha nekwëndëru ghaköru ghokoone, nagho haghuhe ghaanyi kohikeerana.”

Ruuka 23:46

Yesu aghakuura kwo riiraka ikoro akabhugha, “Oo Taata! Akörö yaane ˆnekayetoora mo‑mabhökö ghaacho.” Hano amariri kobhugha ghayo, aghatena akörö.

Yohana 10:11

“Eni n‑omoriishi omuhöriicho. Omoriishi omuhöriicho nakobhoruusi obhuhöru bhooche gho ghiri e changʼöndu cheeche.

Yohana 10:18

Taanyi‑ho omooto uno aghotora kuuhöka obhuhöru bhoone. Eni neenyi no obhotoro bho kobhoruusi obhuhöru bhoone, wiiki eni neenyi no obhotoro bho kobhwimoki wiiki obhuhöru bhoone. Hangʼu nibhu Taata ꞉andagheriiri ghuköra.”

Yohana 17:4

Eni neghoghongiri hano mo‑se, gho kohikeerani emeremo ghino ontomiri ghoghiköra.

Yohana 19:28

Hano ghayo ghahetiri, Yesu akamënya kubha naare amariri ghoghiköra emeremo gheeche ghyose. Mbe, aghasiikëra akabhugha, “Nekooghu anyööta.” Ghayo ꞉ngaarweriire ghahikeerane ghano ghaandëkuru mo‑Mandëkö Amatööbhiyu.

Yohana 4:34

Yesu akabhagharokeri akabhugha, “Ekiinyakurë keene n‑ghuköra amiigha gha uno antomiri, wiiki nimare emeremo gheeche.

Abharuumi 10:4

Kirisito nahikeriini emeghiro ghyose ghe Musa, kubha abhaato bhoose bhano bhakomokumi, bhabhareru kubha mbaanyi no obhuhëënë ambërë e Ryobha.

Abharuumi 3:25

Eryobha ndemuköriri Yesu abhe amaruusi gha ghutëmëërani abhaato ne Eryobha, kubha bhaabhëru amasari ghaabho, gho ghokumi kubha Yesu ꞉naakuure gho ghiri yaabho. Eryobha ꞉ndiiköriri hangʼu, kubha ryërëki kubha iryo n‑ihëënë, ndekurööna bhano bhaanyi na amasari. Mööhi, iryo retabharööniri kwo masari ghaabho ghano ꞉bhaaköriri eriibhagha re hayo ekeenyuma.

1 Abhakorinto 5:7

Mbe, mubhe moriiyeri, gho nchëra e komoruusi omooto uyo omobhe ghate yaanyu, kinya koruusi ekimëra ghe kare. Hayo mookubha abhaato abhahë, kinya omughaate omuhë uno otaanyi ne ekimëra. Hangʼu nibhu moonyi, gho kubha Kirisito, Omoona o Ngʼöndu o Bhaasaka, namariri koruusibhu kubha amaruusi atotoori.

Abhabhiribhi 2:8

Hano are kinya omooto, ꞉niinyööhiri, akaresooka Eryobha, aghiishereri ghoku, koru ghoku mo‑musarabha!

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Abheebhuraaniya 9:22

Kurëngʼaana ne emeghiro ghe Musa, amasaahë nigho ꞉ghaare gharamusa nanga kira egheghiro. Aribha amasaahë ghatiitekiri, Eryobha retaakobhaabhëra abhaato amasari ghaabho.