Yohana 18:17 - Eriiraghano Eriihë

¹⁷ Mbe, omuukë uyo omochongi, akamobhoori Bheetero akabhugha, “Kana, iye woose taanyi umu mo‑bhaanabheegha bha mooto uno?” Bheetero akamugharokeri akabhugha, “Tiyaanyi, taanyi eni.”

Yohana 18:17 ပူးပေါင်းရင်းမြစ်များ

Mataayo 26:33

Akamara Bheetero akamobhoorera Yesu akabhugha, “Koru erabha abhaghëndi bhaane bhoose bhaghoghotigha, eni nteeghoghotigha naabha!”

Ruuka 22:54

Hayo hayo, abhachongi bha Risëngërö bhakamughööta Yesu, bhakamohira awaache Omuchaama Omokoro. Bheetero akabharu anyuma gho kurë.

Yohana 18:16

Amare Bheetero akiimeerera anche mo‑kehita. Niho omoonamwegha owonde uno Omuchaama Omokoro are amweche, akahoroka anche. Aghasiikëra no omuukë umu uno are arachonga ekehita, akamwisherereri Bheetero ghusöha mo‑riigho.

Yohana 18:25

Mbe, eriibhagha Bheetero are ikeere araata omororo, abhaato nyarebhe bhakamobhoori bhakabhugha, “Kana, na niiye taanyi umu o bhaanabheegha bha mooto uno?” Bheetero akabhagharokeri akabhugha, “Tiyaanyi, taanyi eni.”

Yohana 18:5

Ibho bhakamugharokeri bhakabhugha, “Ntokomutabhara Yesu uno aruure Nasareeti.” Yesu akabhagharokeri akabhugha, “Eni niwe.” Yuuta uno ꞉amwigharoriini Yesu naare imeeriire haghirohamu nabho.

Yohana 18:8

Yesu akabhabhoorera akabhugha, “Nebhabhooriire kubha, Eni niwe. Aribha moghuntabhara eni, mbe, mobhatighe abhaato bhano bhaanyi haghirohamu na neeni bhaghëndë.”

Yohana 21:15

Hano bhamariri kuraaghëra, Yesu akamobhoori Bheetero akabhugha, “Simiyooni, omoona o Yohana, kana, nonsiighiri eni ghokera bhuno bhano bhansiighiri?” Bheetero akamugharokeri akabhugha, “Hee, Omutëmi, weeche kubha neghosiighiri.” Yesu akamobhoorera akabhugha, “Oriishi abhaana bha changʼöndu cheene.”

Amaköri gha Bhatomu 12:13

Bheetero aghaköngʼööta eghisëku mo‑kehita ghe nche. Omuukë umu omutamishi, eriina reeche Roota, akaacha komwighorera.