Yohana 17:25 - Eriiraghano Eriihë

²⁵ Oo Taata uno onyi no obhuhëënë, abhaato bha se ino bhatakweche. Amare eni nekweche, wiiki abhaanabheegha bhaane mbeeche kubha n‑iye ontomiri.

Yohana 17:25 ပူးပေါင်းရင်းမြစ်များ

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

Mataayo 16:16

Simiyooni Bheetero akamugharokeri akabhugha, “Iye niiye Kirisito, Omoona o Ryobha rino reenyi ihöru.”

Ruuka 10:22

Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”

Yohana 1:18

Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

Yohana 10:15

kinya bhuno Taata anyeche eni, na neeni nemweche. Na neeni nekobhoruusi obhuhöru bhoone, gho ghiri e changʼöndu cheene.

Yohana 15:21

Amare mbakobhakörëra ghoose ghayo, gho ghiri e ghuntambana eni, gho kubha bhatamweche uno antomiri.

Yohana 16:27

Taata omwene nabhasiighiri inyu, gho kubha inyu monsiighiri eni, wiiki moghokumi kubha neruure o‑Taata.

Yohana 16:3

Mbakobhakörëra hangʼu, gho kubha bhatamweche Taata, wiiki bhatanyeche eni.

Yohana 16:30

Ibheere tokamënya kubha nogheeche ghoose, wiiki tookwënda omooto akobhoori ghyokyose. Gho ghayo, toghakumi kubha noruure kwo Waryobha.”

Yohana 17:11

Eni nteekubha wiiki mo‑se ino, amare ibheere ˆnekaacha ghokoocho. Amare ibho mbakwëndërëra kubha mo‑se ino. Oo Taata Omutööbhiyu, ˆneghaghusabha obhachonge kwo bhotoro bho riina reecho rino oheere, kubha bhabhe egheghiro kimu kinya bhuno itu toonyi.

Yohana 17:18

Kinya bhuno ontomiri eni mo‑se, hangʼu hangʼu na neeni nebhatomiri mo‑se.

Yohana 17:21

Neghusabha kubha bhayo bhabhe egheghiro kimu. Taata, neghusabha bhabhe moose yiito, kinya bhuno iye onyi moose yaane, na neeni neenyi moose yaacho. Neghusabha kubha bhabhe egheghiro kimu, kubha abhaato bha mo‑se bhatore ghwishereri kubha n‑iye ontomiri.

Yohana 17:23

Eni neenyi moose yaabho, na niiye noonyi moose yaane. Neghusabha kubha bhabhe egheghiro kimu inkongʼorimu, kubha gho nchëra iyo abhaato bhoose bha se bhamënyë kubha n‑iye uno ontomiri, wiiki bhamënyë kubha nobhasiighiri kinya bhuno onsiighiri eni.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

Yohana 17:8

gho kubha nebhabhooriire ghoose ghano ombooriire, nabho mbaghasongʼaaniri. Mbeeche hëënë kubha neruure ghokoocho, wiiki mbakumiri kubha n‑iye ontomiri.

Yohana 3:17

Eryobha retaamotomiri Omoona waache kubha atenere abhaato ekiina, amare abhaato bhatooribhu gho kohetera iwe.

Yohana 6:19

Hano abhaanabheegha bha Yesu ꞉bhaare bhahikiri obhurë bho chakiromeeta ishaano hamu ishaasabhe, bhakamorighi Yesu araghënda ighoro e manche, akabha ˆaghatingʼi obhwato. Ibho bhaghatiina chwee.

Yohana 7:29

Eni neryeche gho kubha neruure ghokooche, wiiki niryo rentomiri ghokoonyu.”

Yohana 8:19

Niho Amabharisaayo bhakamobhoori Yesu bhakabhugha, “Kana, Iso hayi anyi?” Yesu akabhagharokeri akabhugha, “Inyu motanyeche eni, koru Taata waane motamweche. Erabha mongamënyiri eni, mongamumënyiri na Taata waane woose.”

Yohana 8:55

Inyu motaryeche Eryobha, amare eni neryeche. Erabha neghosiikëra kubha nteryeche Eryobha, mbe, neekubha muröngö kinya inyu. Amare eni neryeche Eryobha, wiiki ghano rekobhugha, neghoghatambana.

Amaköri gha Bhatomu 17:23

Hano neere neraheta mo‑moghya uno, ꞉neerooche ebheghiro bhino moore morasëngëra. Nekarighi koru ahaghiro ha koruuseri amaruusi hano haandëkiri amangʼana ghano, ‘kwo ryobha rino retamënyëkiine.’ Eryobha rino moore morasëngëra ino motaryeche, niryo riyo eni nekobhamënyi inyu.

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Abharuumi 1:28

Mbe, gho kubha abhaato mbaangiri korimënya Eryobha, ryose ndebhatighiri bhabhe bharatambana amiihëëbhö ghaabho ghano ghakobharumeeri. Ibheere mbaghuköra amangʼana ghano ghataakurëngʼaanera ghuköru.

Abharuumi 3:11

Taanyi‑ho omooto uno akumënya amangʼana gha Ryobha, wiiki taanyi‑ho uno aghutabhara korimënya.

Abharuumi 3:26

Wiiki ꞉ndiiköriri hangʼu, kubha ryërëki obhuhëënë bhooche mo‑riibhagha rino, iryo n‑ihëënë hano reemurööniri Omutëmi Yesu kwo masari gha bhano bhakomokumi, na hano rekobhabharera kubha m‑bha bhuhëënë ambërë yaache.

1 Abhakorinto 1:21

Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.

1 Abhakorinto 15:34

Musëëmë kuhökëri obhongo bhoonyu wiiki kinya bhuno mokwëndëru, na ghotigha ghuköra amasari, gho kubha abhamu ghate yaanyu bhataryeche Eryobha. Neghosiikëra ghayo, kubha nebhasooki.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

2 Abhatesaronike 1:8

Yesu niwe akobharööna bhoose bhano bhakoryanga Eryobha na bhano bhataaghosooka Angʼana yaache Anchömu.

Abheebhuraaniya 8:11

Taakubha‑ho omooto wowoose uno akubha areeghi omughëndi, hamu o komobhoorera omughëndi waache kubha, ‘Omumënyë Omutëmi Waryobha.’ Omooto woose korwera omosuuhu mbagha omokoro mbakuumënya eni.

1 Yohana 1:9

Torabhugha kubha ntuköriri amasari, Eryobha ndeghotwabhëra na ghotweri amabhe ghoose, gho kubha iryo n‑de hëënë wiiki n‑de bhuhëënë.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

Obhohunyurëru 16:5

Nekamara nekooghu marayika omwimeerereri o manche arabhugha, “Oo Waryobha Omutööbhiyu, uno ore‑ho na uno onyi‑ho ibheere, iye niiye omuhëënë, na ghotena ekiina keecho kuno n‑kwo bhuhëënë.