Yohana 17:18 - Eriiraghano Eriihë

¹⁸ Kinya bhuno ontomiri eni mo‑se, hangʼu hangʼu na neeni nebhatomiri mo‑se.

Yohana 17:18 ပူးပေါင်းရင်းမြစ်များ

Mataayo 10:5

Yesu akabhatoma bhayo ikomi na bhabhere, akabharaghereri akabhugha, “Motaheta mo‑chaase che bhaato bha matöngö, wiiki motasöha mo‑moghya wowoose o Bhasamaariya.

Mataayo 23:34

“Gho ghiri iyo, mööhi, ˆnekabhatoma ghokoonyu abharööti bha Ryobha, na abhaato bhano bhaanyi bha mangʼiini gha Ngʼana e Ryobha na abheeghi bha meghiro kubha inyu mwigharure koru mo‑masari ghaanyu. Amare abhamu inyu mokobhiita na kobhamamba mo‑musarabha, abhande mokobhatëma ne emicharicho mo‑masinaghooghi ghaanyu. Na abhande mokobhasëëta mo‑meghya ghyose na kobhanyaaki.

Yohana 17:21

Neghusabha kubha bhayo bhabhe egheghiro kimu. Taata, neghusabha bhabhe moose yiito, kinya bhuno iye onyi moose yaane, na neeni neenyi moose yaacho. Neghusabha kubha bhabhe egheghiro kimu, kubha abhaato bha mo‑se bhatore ghwishereri kubha n‑iye ontomiri.

Yohana 17:23

Eni neenyi moose yaabho, na niiye noonyi moose yaane. Neghusabha kubha bhabhe egheghiro kimu inkongʼorimu, kubha gho nchëra iyo abhaato bhoose bha se bhamënyë kubha n‑iye uno ontomiri, wiiki bhamënyë kubha nobhasiighiri kinya bhuno onsiighiri eni.

Yohana 17:25

Oo Taata uno onyi no obhuhëënë, abhaato bha se ino bhatakweche. Amare eni nekweche, wiiki abhaanabheegha bhaane mbeeche kubha n‑iye ontomiri.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

Yohana 17:8

gho kubha nebhabhooriire ghoose ghano ombooriire, nabho mbaghasongʼaaniri. Mbeeche hëënë kubha neruure ghokoocho, wiiki mbakumiri kubha n‑iye ontomiri.

Yohana 20:21

Yesu akabhabhoorera wiiki akabhugha, “Omurëmbë ubhe na niinyu. Kinya bhuno Eryobha rentomiri eni, hangʼu hangʼu na neeni ˆnekabhatoma inyu mo‑se ino.”

Yohana 3:17

Eryobha retaamotomiri Omoona waache kubha atenere abhaato ekiina, amare abhaato bhatooribhu gho kohetera iwe.

Yohana 4:38

꞉Neebhatomiri inyu ghughësa bhino moteemiri. Abhaato abhande ꞉mbaaköriri emeremo ghyose emiköngʼu, amare inyu mokubhöna obhwëra korwera mo‑meremo gheebho.”

2 Abhakorinto 5:20

Ibheere, Kirisito natotomiri ghuköra emeremo gheeche, na gho kohetera ghokwito Eryobha ndekobhasasaama mubhe no obhoghwani naryo. Nikyo gheghughëri torahënërëra ighoro e Kirisito kubha, mubhe no obhoghwani ne Eryobha.

Abhaebheeso 3:7

Mbe, eni ꞉niiköruru kubha omutamishi o kuraghani Angʼana Anchömu, gho kihaano ghe ghareeya e Ryobha kino ꞉reeheere gho kurëngʼaana no obhotoro bhooche.