Yohana 17:17 - Eriiraghano Eriihë

¹⁷ Oo Taata, ˆneghaghusabha obhakörë kubha abhaato bhaacho inkongʼorimu mo‑bhuhëënë bhoocho, gho kubha angʼana yaacho niyo obhuhëënë.

Yohana 17:17 ပူးပေါင်းရင်းမြစ်များ

Ruuka 8:11

“Egheteemoro ghe ghetuubhaani kiyo n‑kubha, chambusuru, n‑angʼana e Ryobha.

Ruuka 8:15

“Chambusuru chino ꞉cheeghweriire mo‑riiröbhë ichömu, nchekwërëki abhaato bhano bhakooghu angʼana e Ryobha. Hano bhakumara kooghu, bhayighöötërëra mo‑metema gheebho kwo bhughöröröku. Wiiki bhëëngëra ghoghiihëëbha, bhayo mbahaaghumereri mbagha bharuusi amakorobhese amachömu.

Yohana 15:3

Inyu mumariri ghuköngööru, gho kubha moghokumi ameeghi ghaane.

Yohana 17:19

ˆNeghiitoora ghokuhökëri iye gho ghiri yaabho, kubha nabho bhatooru ghokoocho mo‑bhuhëënë.

Yohana 8:32

Wiiki mokobhumënya obhuhëënë. Nabho obhuhëënë bhuyo, mbokobhatoora huuru.”

Yohana 8:40

Amare ibheere moghutabhara anchëra e koonyita, koru nangabha nebhabhooriire obhuhëënë bhuno nyoghwire koru kwo Waryobha. Abhurahamu taaköriri kinya bhuno mokwënda ghunkörëra eni.

Amaköri gha Bhatomu 15:9

Mbe, Eryobha retaaköriri obhwahukani ghate yaabho na niitu, gho kubha bhoose n‑gho nchëra iyo iyo e komokumi Yesu niyo yeeriri emetema gheebho.

2 Abhakorinto 3:18

Ibheere itu bhoose bhano totaaghwikundekeri mo‑bhosho ne eghitambara, ntokwërëki obhokumi obhokoro bho Mutëmi kinya ekiröri. Omutëmi uno anyi Akörö, nahaatugharura totuubhaane nawe. Naakubha aratugharura koru obhokumi obhokoro mbagha kohika obhokumi obhokoro chwee.

Abhaebheeso 4:21

Aribha hangʼu keenyi, inyu mooghwire amangʼana ghaache na kweghibhu, kinya obhuhëënë bhoonyi ighoro e Yesu.

Abhaebheeso 5:26

꞉Naaköriri hangʼu, kubha amuse eriikanisa, gho koryeghi kwo manche gha bhubhatiiso, na kwo ngʼana e Ryobha.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

Yakobho 1:21

Gho ghayo, mutaane no obhobhe bhoose, haghirohamu na amabhe maaru ghano ghaghashiri. Moyighöötë gho kwinyööhi angʼana ino Eryobha retooriri mo‑metema gheenyu, gho kubha niyo eghotora kobhatoori.