Yohana 17:13 - Eriiraghano Eriihë

¹³ “Oo Taata, ibheere ˆnekaacha ghokoocho. Eni nekobhabhoorera abhaanabheegha bhaane ghoose ghano eriibhagha nekeere neenyi mo‑se ino, kubha ghuchömëru koone koose kubhe mo‑metema gheebho.

Yohana 17:13 ပူးပေါင်းရင်းမြစ်များ

Yohana 13:3

Yesu ꞉naamënyiri kubha Taata namoheere obhotoro bho kobhikangata ebheghiro bhyose. Wiiki ꞉naamënyiri kubha ꞉naaruure kwo Waryobha, na kubha naghugharuka wiiki kwo Waryobha.

Yohana 15:11

“Nebhabhooriire amangʼana ghano kubha ghuchömëru koone kubhe moose yaanyu, na ghuchömëru koonyu kohikeerane.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Yohana 17:11

Eni nteekubha wiiki mo‑se ino, amare ibheere ˆnekaacha ghokoocho. Amare ibho mbakwëndërëra kubha mo‑se ino. Oo Taata Omutööbhiyu, ˆneghaghusabha obhachonge kwo bhotoro bho riina reecho rino oheere, kubha bhabhe egheghiro kimu kinya bhuno itu toonyi.

Yohana 3:29

Omokwiru nahëëndëru ghuye kwo mokwiri. Eni neenyi kinya bhuure omusaani o uno aghokwira, niimeeriire rubhareka rooche na neghuchömëru eriibhagha nekooghu eriiraka reeche. Mahëënë neghuchömëru ne emeremo ghino chwee.

Yohana 7:33

Niho Yesu akabhabhoorera abhaato bhayo akabhugha, “Neekubha na niinyu kwo riibhagha ighuhe hangʼu, neramara neghugharuka wiiki ghokooche uno antomiri.

Amaköri gha Bhatomu 13:52

Amare abhaghëndi bha Yesu bhano ꞉bhaasaaghiri iyo Antiyokiya e Bhisitiya bhaghachömëru chwee, bhaghiichoribhu Akörö Ahörëëru.

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

1 Yohana 1:4

Ntokobhaandëkëra ghano mo‑nyaarubha ino, kubha oghuchömëru kwito bhoose kohikeerane.

2 Yohana 1:12

Ibheere neenyi na amangʼana maaru ghano nekwënda kobhabhoorera, amare nteekwënda kobhaandëkëra ghayo mo‑nyaarubha ino. Amare, neghwitëngʼëra kuucha kobhataarera na ghosiikëra haghirohamu na niinyu obhosho kwo bhosho, kubha ghuchömëru kwito kohikeerane.