Yohana 16:22 - Eriiraghano Eriihë

²² Inyu moonyi na amacheeche kwo riibhagha rino. Amare nekuucha wiiki ghokoonyu, na niinyu mookubha na ghuchömëru mo‑metema gheenyu. Taanyi‑ho uno akoruusi ghuchömëru kuyo mo‑metema gheenyu.

Yohana 16:22 ပူးပေါင်းရင်းမြစ်များ

Mataayo 28:8

Niho abhakari bhayo bhaghatanura bhwango koru mo‑mbeehera kwo haho na ghuchömëru ghokoro. Bhakayaara ghuye kobhaha amangʼana abhaanabheegha bha Yesu ghano marayika ꞉abhabhooriire.

Ruuka 10:42

Amare neenyi‑ho angʼana imu hangʼu ino ekwëndëru, wiiki n‑e hëënë ghokera ghoose. Mariyamu niyo ahwire, ghutëghëërëra angʼana yaane ino omooto wowoose ataaghotora komuhöka.”

Ruuka 16:25

“Amare, Abhurahamu akamugharokeri, ‘Oo omoona waane, ohiite kubha ꞉noobhwine amangʼana amachömu mo‑riimanya reecho, hano ore mo‑se. Rasaaro nawe, ꞉naabhwine amabhe. Amare ibheere, iwe nakuhönibhu hano, na niiye nokunyaaka.

Ruuka 19:26

“Akabhagharokeri akabhugha, ‘ˆNekabhabhoorera kubha, omooto woose uno anyi ne egheghiro nakuhaabhu, na kwëngëru bhyaru. Amare uno ataanyi ne egheghiro nakuhöku koru kiire are ararighi kubha naanyi nakyo.

Ruuka 24:41

Abhaanabheegha bhaache, bhaghasiighasiigha na koroghoora chwee, koru bhataakumiri aribha hëënë niwe. Niho Yesu akabhabhoori akabhugha, “Moonyi ne ekiinyakurë ghyokyose hano?”

Yohana 14:1

Yesu akëëndërëra kobheeghi akabhugha, “Motiitumata mo‑metema gheenyu, momokumi Waryobha, wiiki monkumi na neeni.

Yohana 14:19

Rekeere eriibhagha isuuhu abhaato bha mo‑se ino bhataakondighi wiiki. Amare inyu mokondighi, gho kubha eni m‑muhöru, na niinyu mookubha abhahöru.

Yohana 14:27

Hano neghutanura, nekobhatighera omurëmbë, omurëmbë waane nekobhaha. Omurëmbë uno taanyi kinya uno okoru mo‑se. Motiitumata mo‑metema gheenyu, wiiki motatiina ghyokyose.

Yohana 16:16

“Rekeere eriibhagha isuuhu hangʼu na niinyu motaakondighi, wiiki rekeere eriibhagha isuuhu hangʼu na niinyu mokondighi.”

Yohana 16:20

Mahëënë ˆnekabhabhoorera, inyu mokorera na kubha na amacheeche, amare abhaato bha se ino mbaghuchömëru. Mookubha na amacheeche kwo riibhagha ighuhe, amare amacheeche ghaanyu ngaghwigharura kubha ghuchömëru.

Yohana 16:6

Amare gho kubha nebhabhooriire ghayo, ˆmookabha na amacheeche chwee mo‑metema gheenyu.

Yohana 21:7

Omoonamwegha uno Yesu amosiighiri, akamobhoorera Bheetero akabhugha, “N‑Omutëmi!” Eriibhagha Simiyooni Bheetero oghwire kubha n‑Omutëmi, akabheeka changibho cheeche chino are aruusiri hano are araweesana, akiirëkëra mo‑nyancha.

Yohana 4:14

Amare omooto aranyo amanche ghano nekomuha eni, taakooghu anyööta emiishe ghyose. Amanche ghano nekomuha eni ngaakubha kinya ekerika ke manche moose yaache, ghataakooma naabha, ngaakubha gharamuha obhuhöru bho miishe ghyose.”

Amaköri gha Bhatomu 13:52

Amare abhaghëndi bha Yesu bhano ꞉bhaasaaghiri iyo Antiyokiya e Bhisitiya bhaghachömëru chwee, bhaghiichoribhu Akörö Ahörëëru.

Amaköri gha Bhatomu 16:25

Hano ehikiri obhotiko bho ghate, Bhawuro na Siira bhaakabha bhararisabha Eryobha na koryembera emyembo ghe koreghongi. Abhabhöhu bhaghëndi bhaabho, mbaare bharatëghëërëra.

Amaköri gha Bhatomu 2:46

Chaasiko choose mbaare bharatëmëërana haghirohamu Mwisëngërö. Mbaare bharasuura omughaate mo‑chanyumba cheebho, na kurë haghirohamu gho ghuchömëru na gho ghusambaaruka.

Amaköri gha Bhatomu 5:41

Abhatomu bhayo bhakahoroka mo‑riibharacha riyo bharasiighasiigha, kinya Eryobha rebhaheere asooko e ghutaraahu gho ghiri e riina re Yesu.

2 Abhakorinto 6:10

Wiiki ntokorighibhu kinya ntwitumatiri, amare eriibhagha ryose ntoghuchömëru. Ntokorighibhu kubha m‑bhahabhe toonyi, amare abhaaru ntobhaamihiri. Ntokorighibhu kubha totaanyi na ghyokyose, amare ntoonyi ne ebheghiro bhyose.

2 Abhatesaronike 2:16

Taata wiito Waryobha natosiighiri, na gho ghareeya yaache aghatughambisani emiishe ghyose na ghotuha amiitëngʼërö amachömu. Iwe ntokomusabha, haghirohamu no Omutëmi wiito Yesu Kirisito kubha,

Abheebhuraaniya 10:34

Wiiki moore morabharigheri changori abhaghëndi bhaanyu bhano ꞉bhaare bhabhöhuru mwighërëcha. Wiiki hano ꞉bhaare bharabhahöka obhwame bhoonyu, moore morachömëru mo‑metema gheenyu gho kubha moore mweche kubha moonyi ne ebheghiro bhyaru bhichömu chwee bhino bhetaaghosira naabha.

Abheebhuraaniya 6:18

Erabha Eryobha ndirahiiri na komuraghera, retaaghugharura naabha gho kubha iryo retaanyi ibhiihi. Iryo ꞉ndiiköriri ebheghiro bhibhere hangʼu, kuraheri na kuragha, kubha retuhë omukörö itu bhano tungʼösiire ghokooche, tubhe na amiitëngʼërö gho ghaare ghakuucha ambërë yiito.

1 Bheetero 1:8

Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,