Yohana 16:17 - Eriiraghano Eriihë

¹⁷ Mbe, abhaanabheegha bhaache abhande bhakabhoorani bharabhugha, “Kana, egheteemoro ke mangʼana ghano akobhugha kubha, ‘Rekeere eriibhagha isuuhu hangʼu na niinyu motaakondighi, wiiki rekeere eriibhagha isuuhu hangʼu na niinyu mokondighi,’ na kubha, ‘ˆNeeghaye o‑Taata’?”

Yohana 16:17 ပူးပေါင်းရင်းမြစ်များ

Maariko 9:10

Abhaanabheegha bhaare bhaghaghööta amangʼana ghayo, amare bhaakabha bharabhoorani abheene kwo bheene bharabhugha, “Koryoka kooche koru mo‑bhaku egheteemoro keeche n‑ghento ke?”

Maariko 9:32

Abhaanabheegha bhaache bhataamënyiri ghano asiikiire, ibho bhaghatiina komobhoori.

Ruuka 18:34

Ibheere amangʼana ghano Yesu ꞉abhabhooriire abhatomu bhaache, bhataaghamënyiri. Angʼana iyo neere ebhisuru ghokoobho. Wiiki bhataamënyiri neke aghosiikërëra.

Ruuka 9:45

Amare, ghayo Yesu ꞉abhabhooriire, bhataaghamënyiri, gho kubha angʼana iyo neere ekeere ebhisuru ghokoobho, bhataayimënya. Bhaghatiina komobhoori ighoro e ngʼana iyo.

Yohana 12:16

Eriibhagha riyo, abhaanabheegha bha Yesu bhataamënyiri ghayo. Amare hano Yesu aryokiri, bhakahiita kubha ghano ghaandëkuru ighoro yaache, nibhu abhaato ꞉bhaamuköriire.

Yohana 14:22

Mbe, omoonamwegha umu eriina reeche Yuuta, taanyi Yuuta Isikariyoote, akamobhoori Yesu akabhugha, “Oo Omutëmi, nibhu ekubha wiyërëkani ghokwito, taanyi kwo bhaato bha mo‑se?”

Yohana 14:5

Niho, Tomaso akamobhoori Yesu akabhugha, “Oo Omutëmi, itu toteeche hano oghuye. Ibheere nibhu toghuköra toyimënyë anchëra iyo?”

Yohana 16:1

Yesu akëëndërëra kobhugha, “Nebhabhooriire ghoose ghano kubha motaacha ghotigha obhokumi bhoonyu.

Yohana 16:16

“Rekeere eriibhagha isuuhu hangʼu na niinyu motaakondighi, wiiki rekeere eriibhagha isuuhu hangʼu na niinyu mokondighi.”

Yohana 16:18

Mbe, bhakëëndërëra kobhoorani bharabhugha, “Egheteemoro ke ‘eriibhagha isuuhu’ n‑ghento ke? Itu toteeche ghano aghosiikëra.”

Yohana 16:19

Yesu akamënya kubha ꞉mbëëndiri komobhoori ghano abhughiri, akabhabhoori akabhugha, “Kana, mokobhoorani ghano nebhughiri kubha, ‘Rekeere eriibhagha isuuhu hangʼu na niinyu motaakondighi, wiiki rekeere eriibhagha isuuhu hangʼu na niinyu mokondighi?’

Yohana 16:5

Mbe, ibheere ˆneeghaye o‑Taata uno ꞉antomiri ghokoonyu. Amare taanyi‑ho wowoose ghate yaanyu uno akomboori kubha, ‘Kana, hayi oghuye?’