Yohana 16:14 - Eriiraghano Eriihë

¹⁴ Akörö iyo neekubha erabhëërëki obhokumi bhoone obhokoro, gho kubha nekobhabhoorera ghoose ghano ekubha eghabhwine ghokoone.

Yohana 16:14 ပူးပေါင်းရင်းမြစ်များ

Yohana 14:21

Omooto wowoose uno aghosongʼaana amaraghereri ghaane na ghoghaghööta, uyo niwe ansiighiri. Omooto uno aghonsiigha, Taata nakomosiigha, na neeni nekomosiigha na kwiyërëkani ghokooche.”

Yohana 15:26

“Hano akuucha ghokoonyu Omotoorereri, uno nekomotoma ghokoonyu koru o‑Taata, niyo Akörö Ahörëëru e hëënë ino ekoru o‑Taata, neghungambëra obhuhëënë ighoro yaane.

Yohana 7:39

Yesu naare arasiikërëra ighoro e Körö Ahörëëru, ino abhaato bhoose bhano bhakomokumi Yesu, mbakoyesongʼaana. Eriibhagha riyo, Eryobha ndeere rekeere ghotoma Akörö yaache ghokoobho, gho kubha Eryobha ndeere rekeere kwërëki haheero obhokumi obhokoro bho Yesu.

1 Abhakorinto 12:3

Mbe, ˆnekabhabhoorera kubha omooto wowoose uno aghukangatu na Akörö e Ryobha taaghotora kobhugha kubha, “Yesu ihiimu.” Wiiki taaghotora kobhugha kubha, “Yesu n‑Omutëmi,” aribha atakangaturu na Akörö Ahörëëru.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Abhagharatiya 5:5

Amare itu, kino toghwitëngʼëra kwo bhotoro bho Körö Ahörëëru n‑kubha, Eryobha ndeghotubhara kubha abhaato abhahëënë, gho kubha ntokomokumi Yesu.

1 Bheetero 2:7

Ghokoonyu inyu bhano moghokumi eriibhohe riyo, n‑de riighori chwee. Amare, ighoro e bhano bhataakorekumi, Amandëkö Amatööbhiyu ngakobhugha kubha, “Eriibhohe rino abhaabhëki ꞉bhaangiri, niryo ribheere eriibhohe ikoro re bhoroso.”

1 Yohana 3:23

Omoghiro waache niwe uno, kubha tomokumi Omoona waache, Yesu Kirisito, na ghosiighana, kinya bhuno ꞉aturagheriiri.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

1 Yohana 5:6

Mbe, Yesu Kirisito niwe ichiri kwo manche gha bhubhatiiso na kwo masaahë gha roko rooche. Taanyi kwo manche agheene, amare na kwo masaahë ghaache ghano ꞉ghiitëkiri mo‑musarabha.

Obhohunyurëru 19:10

Niho neghagho kebhuuma ambërë e marayika uyo, kubha nemusëngërë. Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhakoruusi obhwibhateri ighoro e Yesu. Mbe, usëngërë Eryobha eryene chiri! Gho kubha, obhuhëënë bhuno Yesu ërëkiri, nibho bhoghughëri abhaato bhararuusi obhurööti.”