Yohana 15:26 - Eriiraghano Eriihë

²⁶ “Hano akuucha ghokoonyu Omotoorereri, uno nekomotoma ghokoonyu koru o‑Taata, niyo Akörö Ahörëëru e hëënë ino ekoru o‑Taata, neghungambëra obhuhëënë ighoro yaane.

Yohana 15:26 ပူးပေါင်းရင်းမြစ်များ

Ruuka 24:49

“Mutëghëërërë! Nekobharëëtëra ighoro yaanyu eriiraghano re Taata waane, eriiraghano riyo n‑Akörö Ahörëëru. Amare, mughanye mo‑moghya uno o Yerusareemu, mbagha muhaabhu obhotoro koru Mwishaaro.”

Yohana 14:26

Amare Omotoorereri uyo, egheteemoro keeche n‑Akörö Ahörëëru, ino Taata akoyetoma ghokoonyu kwo riina reene, nekobheeghi na kobhahiiti ghoose ghano neere nebhabhooriire.

Yohana 16:7

“Nekobhabhoorera inyu obhuhëënë kubha, ngʼoni ghokoonyu eni neghi o‑Taata, neraanga ghuye, Omotoorereri wuure taaghotora kuucha ghokoonyu. Amare aribha neraghe, nekomotoma ghokoonyu.

Yohana 8:42

Yesu akabhagharokeri akabhugha, “Aribha Eryobha rengabheere Taata waanyu, mbe, mongabheere moransiigha, gho kubha neeni neruure kwo Waryobha ni ibheere hano neenyi. Eni ntiichiri gho changuru cheene, amare n‑Eryobha niryo rentomiri.

Amaköri gha Bhatomu 1:4

Orosiko rumu, hano Yesu atëmëriine haghirohamu na abhatomu bhaache, akabharaghereri akabhugha, “Motaru mo‑moghya o Yerusareemu, mwikare‑mu, mbagha hano mokuhaabhu Akörö ino Taata ꞉abharaghiire inyu, kinya bhuno neere nebhabhooriire.

Amaköri gha Bhatomu 15:8

Eryobha niryo ryeche ghoose ghano ghaanyi mo‑metema ghe bhaato, ndyërëkiri kubha abhaato bha matöngö bhoose ndebhiisheriiri, gho kubha bhoose mbahaabhuru Akörö Ahörëëru, bhuure bhuure kinya itu Abhayahuuti tuhaabhuru.

Amaköri gha Bhatomu 5:32

Itu n‑abhiibhatereri bha mangʼana ghayo ghoose, na Akörö Ahörëëru ino Eryobha rebhaheere bhano bhakoresooka, neghoghaghambera haghirohamu na niitu.”

1 Abhakorinto 1:6

Ghano ngakwërëki kubha amangʼana ghano tobharaghaniiri ighoro e Kirisito n‑gha hëënë.

Abheebhuraaniya 2:4

Eryobha ryose ndeere rerahëënëhi obhotoori bhuyo gho kobhaha abhaato bhayo obhotoro bho ghuköra ebhyërëkërëri ne ebhiraghe ne ebheroghooro bhe manga maaru. Wiiki ꞉ndeebhahööhiri abhakumi ebhihaano bhe Körö Ahörëëru kurëngʼaana na amënda ghaache.

Obhohunyurëru 22:1

Akamara marayika uyo akanyëërëki orooche ro manche gha bhuhöru, ndoore rorabhari kinya ekiröri na ndorweriire irungu re ghetumbe ghe ghitëmi ke Ryobha no Omoona o Ngʼöndu.