Yohana 15:21 - Eriiraghano Eriihë

²¹ Amare mbakobhakörëra ghoose ghayo, gho ghiri e ghuntambana eni, gho kubha bhatamweche uno antomiri.

Yohana 15:21 ပူးပေါင်းရင်းမြစ်များ

Mataayo 10:18

Mbakobhahira ambërë e bhakangati na abhatëmi bha mo‑se ino gho ghiri yaane, kubha mubhe abhiibhateri bhaane ambërë yaabho na ambërë e bhaato bha matöngö.

Mataayo 10:22

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

Mataayo 10:39

Omooto wowoose uno akwënda kobhuhöni obhuhöru bhooche, nakobhori obhuhöru bho miishe ghyose. Wiiki wowoose uno akobhobhori obhuhöru bhooche gho ghiri yaane, nakobhubhöna obhuhöru bho miishe ghyose.

Mataayo 24:9

Kwo riibhagha riyo, abhaato mbaakubha bharabhanyaaki na kobhiita, na abhaato bha matöngö ghoose mbakobharëgha, gho kubha moghuntambana eni.

Mataayo 5:11

“Ngʼoni inyu abhaato bharabhatoka na kobhanyaaki, na kobhaghamba kobhe kwo manga maaru gho ghiri yaane,

Maariko 13:13

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

Ruuka 21:12

“Amare, hano ghaakubha ghayo ghoose ghakeere kwiyërëkani, abhaato mbakobhaghööta na kobhahira mo‑masinaghooghi, na mbakobhabhöha mo‑maghërëcha, bharabhanyaaki. Wiiki mokohiru ambërë e bhatëmi na abhakangati, gho kubha inyu m‑bhaghëndi bhaane moonyi.

Ruuka 21:17

Abhaato bha matöngö ghoose mbakobharëgha, gho kubha moghuntambana eni.

Ruuka 6:22

Ngʼoni inyu, bhano abhaato bhakobharëgha, gho ghiri yaane eni Omoona o Mooto, na kobhaahura, bharabhatoka, na kobhaghamba kubha inyu m-bhabhe moonyi.

Yohana 15:24

Niköriri ebheroghooro bhekoro bhino bhetaamara bhiköru no omooto owonde. Erabha bhatangabherooche, mbangabheere bhataanyi na amasari. Amare ibheere, mbagharooche ghoose ghano ꞉niiköriri, koru hangʼu bhakeere bhandëghiri eni na Taata waane.

Yohana 16:3

Mbakobhakörëra hangʼu, gho kubha bhatamweche Taata, wiiki bhatanyeche eni.

Yohana 17:25

Oo Taata uno onyi no obhuhëënë, abhaato bha se ino bhatakweche. Amare eni nekweche, wiiki abhaanabheegha bhaane mbeeche kubha n‑iye ontomiri.

Yohana 8:19

Niho Amabharisaayo bhakamobhoori Yesu bhakabhugha, “Kana, Iso hayi anyi?” Yesu akabhagharokeri akabhugha, “Inyu motanyeche eni, koru Taata waane motamweche. Erabha mongamënyiri eni, mongamumënyiri na Taata waane woose.”

Yohana 8:54

Yesu akabhagharokeri akabhugha, “Erabha nekwihacha eni mwene, kwihacha koone ghotaghöötë ekebhune ghyokyose. Amare Taata, uno inyu mokobhugha n‑Eryobha reenyu, niwe uno aghuntöghösi eni.

Yohana 8:55

Inyu motaryeche Eryobha, amare eni neryeche. Erabha neghosiikëra kubha nteryeche Eryobha, mbe, neekubha muröngö kinya inyu. Amare eni neryeche Eryobha, wiiki ghano rekobhugha, neghoghatambana.

Amaköri gha Bhatomu 17:23

Hano neere neraheta mo‑moghya uno, ꞉neerooche ebheghiro bhino moore morasëngëra. Nekarighi koru ahaghiro ha koruuseri amaruusi hano haandëkiri amangʼana ghano, ‘kwo ryobha rino retamënyëkiine.’ Eryobha rino moore morasëngëra ino motaryeche, niryo riyo eni nekobhamënyi inyu.

Amaköri gha Bhatomu 26:9

“Koru eni woose eriibhagha riire neere nerarighi kubha, nekwëndëru nibhe neraryanga eriina re Yesu o Nasareeti gho nchëra yoyoose yiire.

Amaköri gha Bhatomu 3:17

“Ibheere bhahiiri bhaane, ghayo ghoose ꞉moomuköriire Yesu, inyu na abhakoro bhaanyu, nimënyiri kubha ꞉mooghaköriri gho kwanga kumënya koonyu.

Amaköri gha Bhatomu 4:17

Ibheere tobhashaangʼi kubha, bhatasiikëra wiiki no omooto wowoose ighoro e riina re Yesu, kubha tuhööchërërë amangʼana ghano ghatasancha bhobhe mo‑bhaato.”

Amaköri gha Bhatomu 5:41

Abhatomu bhayo bhakahoroka mo‑riibharacha riyo bharasiighasiigha, kinya Eryobha rebhaheere asooko e ghutaraahu gho ghiri e riina re Yesu.

Amaköri gha Bhatomu 9:14

Ibheere hano anyi, niishereriiru na abhakoro bha bhachaama kubha, abhaghöötë bhoose bhano bhakorisabha Eryobha kwo riina reecho.”

Amaköri gha Bhatomu 9:16

Eni mwene nekomwërëki kebhuno akwëndëru kunyaaka gho ghiri e riina reene.”

Abharuumi 1:28

Mbe, gho kubha abhaato mbaangiri korimënya Eryobha, ryose ndebhatighiri bhabhe bharatambana amiihëëbhö ghaabho ghano ghakobharumeeri. Ibheere mbaghuköra amangʼana ghano ghataakurëngʼaanera ghuköru.

1 Abhakorinto 15:34

Musëëmë kuhökëri obhongo bhoonyu wiiki kinya bhuno mokwëndëru, na ghotigha ghuköra amasari, gho kubha abhamu ghate yaanyu bhataryeche Eryobha. Neghosiikëra ghayo, kubha nebhasooki.

1 Abhakorinto 2:8

Taanyi‑ho koru umu mo‑bhakangati bha se ino uno amënyiri amangʼiini ghayo, gho kubha mbangabheere bhaghamënyiri, bhatangamumambiri mo‑musarabha Omutëmi o bhokumi obhokoro.

2 Abhatesaronike 1:8

Yesu niwe akobharööna bhoose bhano bhakoryanga Eryobha na bhano bhataaghosooka Angʼana yaache Anchömu.

1 Yohana 3:1

Mbe, morighi kebhuno Taata Waryobha atosiighiri chwee, kubha itu tobherekeru abhaana bhaache! Mahëënë hangʼu toonyi. Abhaato bhano bhataakoresooka Eryobha bhateeche kubha itu n‑abhaana bha Ryobha toonyi, gho kubha bhataryeche iryo.

3 Yohana 1:7

Abhaato bhayo ꞉mbaasëëmiri orughëndö ro komuhökëri Yesu Kirisito, bhatahaabhuru obhotoorereri bhobhoose koru mo‑bhaato bhano bhataamokumiri Yesu.

Obhohunyurëru 2:3

Wiiki, nyeeche munyaakiru chwee gho ghiri e riina reene, amare moghumeriiri na koru ibheere motaamara mutamu.