Yohana 15:2 - Eriiraghano Eriihë

² Eghisaghe ghyokyose moose yaane kino ghetaaghusönga amakorobhese, Taata nahaakenunga. Amare eghisaghe ghyokyose kino ghetaaghusönga amakorobhese, Taata nahaaghiköngöörëra kubha kyëngërë ghusönga.

Yohana 15:2 ပူးပေါင်းရင်းမြစ်များ

Mataayo 13:12

gho kubha uno anyi ne egheghiro nakuhaabhu, na kwëngëru bhyaru. Amare uno ataanyi ne egheghiro nakuhöku koru kiire are ararighi kubha naanyi nakyo.

Mataayo 13:33

Yesu akabhabhoorera eghetuubhaani ekende akabhugha, “Obhutëmi bho Mwishaaro mbotuubhiine no obhotu bho kimëra bhuno omukari ꞉imokiri aghasangerani mo‑matebhe atato gha bhotu, kerende obhotu bhuyo bhoose bhoghatöta.”

Mataayo 15:13

Yesu aghagharokeri akabhugha, “Omumërö wowoose uno Taata waane anyi Mwishaaro ataweemiri, nakowiiha.

Mataayo 21:19

Niho akarighi omote umu uno okobherekeru omotiini rubhareka mo‑nchëra, aghiishuka haghuhe, akabhöna otaanyi ni ikorobhese ryoryose, onyi na amato agheene chiri. Niho akawobhoorera omote uyo akabhugha, “Korwera reero otasönga amakorobhese wiiki!” Hayo hayo, omote uyo okanyaara.

Mataayo 25:29

“Gho ghayo, mooto wowoose uno anyi ne egheghiro nakuhaabhu, na kwëngëru bhyaru. Amare uno ataanyi ne egheghiro nakuhöku koru kiire are ararighi kubha naanyi nakyo.

Mataayo 3:10

Ahaache nimariri ghotooru mo‑matina gha mete. Omote wowoose uno otaaghusönga amakorobhese amachömu nokonungu na kurëkëru mo‑mororo.

Mataayo 3:12

Ibheere Kirisito nakuucha, kwahukani abhaato bhano bhatuukuniri, na bhano bhaanyi na amasari, kinya omooto uno aghöötëriire orohongo mo‑mabhökö ghaache. Angano iyo nakoyekomera mo‑ghitara keeche, amare omokoonyo nakowute mo‑mororo, no omororo uyo tookorima naabha!”

Mataayo 7:19

Mbe, omote woose uno otaaghusönga amakorobhese amachömu, nokonungu na kurëkëru mo‑mororo.

Maariko 4:20

Na abhande mbatuubhiine ne eriiröbhë ichömu. Bhano mbakooghu angʼana e Ryobha na koyesongʼaana na ghusönga, imu miröngö etato, ayende miröngö esaasabhe na ayende eriighana rimu.”

Ruuka 8:13

“Chambusuru chino ꞉cheeghweriire mwitare, nchekwërëki abhaato bhano bhaghuchömëru kooghu angʼana e Ryobha, bhayekumi kwo riibhagha isuuhu. Hano bhaghusakibhu, bhayetigha, gho kubha mbatuubhiine no omote uno otaamara ohira emerya kurë.

Yohana 15:1

Yesu akëëndërëra kobheeghi arabhugha, “Eni n‑omusabhiibhu o hëënë, na Taata waane niwe omoremi.

Yohana 15:16

Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

Yohana 15:3

Inyu mumariri ghuköngööru, gho kubha moghokumi ameeghi ghaane.

Yohana 15:6

Omooto wowoose araanga ghwikara moose yaane natuubhiine ne eghisaghe kino ghekurëkëru na kunyaara. Mbe, abhaato mbaghoghitööra na ghokirëkëra mo‑mororo, kehi.

Yohana 15:8

Abhaanabheegha bhaane bha hëënë mbahaasönga amakorobhese maaru. Gho ghiri iyo abhaato mbakumënya kinya Taata anyi mokoro.

Yohana 17:12

Eriibhagha nibheere haghirohamu nabho nebhachongiri kwo bhotoro bho riina reecho rino oheere. Nebhachongiri bhoheene kubha netamorumeeri koru umu mo‑bhaare, nanyinga wuure omorumeeri, kubha ghahikeerane ghano ghaandëkuru mo‑Mandëkö Amatööbhiyu.

Abharuumi 11:17

Ibheere, ebhisaghe ebhimu mbenunguru, na niinyu bhano moonyi kinya ebhisaghe bhe miseyituuni ghi ibhara moghaghöötanibhu moghasanga haghirohamu ne ebhisaghe bhe museyituuni uno otaanyi wi ibhara. Ebhisaghe bhyose mbekubhöna ebhiinyakurë koru mo‑merya ghe museyituuni o kare.

Abharuumi 11:22

Mumööhi kebhuno Eryobha rekobhakörëra obhuchömu abhaato abhande, na kebhuno rekobharööna abhaato abhande kwo bhororo. Ndekobharööna bhano bhaangiri komokumi Kirisito, na ndeghoghukörëra obhuchömu iye, aribha okwëndërëra komokumi. Amare aribha oratigha komokumi, iye woose nokonungu.

Abharuumi 8:28

Ntweche kubha, mo‑ghoose Eryobha ndehaabhakörëra amachömu abhaato bhoose bhano bharesiighiri, bhano rebhabherekiire kurëngʼaana na amënda ghaache.

1 Abhakorinto 13:1

Koru nengasiikiire gho ghighambo ke bhaato hamu ke bhamarayika, amare aribha nteenyi no obhosiighi, nengabheere kinya amareghe gha riitëbhë rino retaanyi ne egheghiro, hamu kinya amareghe gha membe ino eghutëmu bhoowa.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abheebhuraaniya 12:15

Mubhe amiisho kubha ataacha kubha‑ho omooto wowoose uno aghokindu kubhöna aghareeya e Ryobha. Wiiki eriitina re bhosongo retasebhoka rebhanyaaki, reghonchi chaakörö che bhaato bhaaru.

1 Yohana 2:19

Abhaato bhayo ꞉mbaaruure mo‑makanisa ghiito, amare bhataare no obhumu bho hëënë na niitu, gho kubha aribha bhangabheere bha wiito mbangasaaghiri na niitu. Amare kohoroka koobho, n‑kwërëkiri haheero kubha, bhataare no obhumu na niitu kimu kimu.

Obhohunyurëru 3:19

Abhaato bhano eni nesiighiri, nehaabhahiinya na kobhahööcha. Mbe, mubhe moriiköngʼi na ghotuukuunera amasari ghaanyu.