Yohana 14:3 - Eriiraghano Eriihë

³ Eriibhagha neeghuye na kobhasëëmëra obhwikari, nekuucha wiiki kobhiimoki kubha ahaghiro hano neekubha, na niinyu mubhe‑ho.

Yohana 14:3 ပူးပေါင်းရင်းမြစ်များ

Yohana 12:26

Omooto wowoose uno akwënda kuuhökëri eni, nekwëndëru antambane. Wiiki hohoose hano neekubha, hayo niho no omutamishi waane akubha. Taata nakomosooka omooto wowoose uno akuuhökëri eni.

Yohana 14:28

Mooghwire ghano nebhabhooriire kubha, ‘Neeghuye, amare nekuucha wiiki ghokoonyu.’ Aribha mahëënë monsiighiri, mongabheere morachömëru kooghu kubha neeghuye o‑Taata, gho kubha Taata m‑mokoro ghonkera eni.

Yohana 14:4

Inyu moyeeche anchëra e kohika hano neeghuye.”

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Amaköri gha Bhatomu 1:11

Bhakabhabhoorera bhakabhugha, “Inyu abhaato bha Ghariraaya, ngwake mwimeeriire hano ino mugharameriiri Mwishaaro? Yesu uno aghëghuru koru ghokoonyu ghuye Mwishaaro, nakuucha wiiki, kinya bhuno momorooche araghe.”

Abharuumi 8:17

Mbe, aribha itu n‑abhaana bha Ryobha toonyi, ntubheere abhaghabhi bhaache. Ntoghosongʼaana aghabho yiito haghirohamu na Kirisito. Amare kino ghekwëndëru ghokwito ibheere n‑kubha, tusange anyaako haghirohamu na Kirisito, kubha na niitu tusange haghirohamu nawe mo‑bhokumi bhooche obhokoro.

Abhabhiribhi 1:23

Nekorutu ghate e mangʼana abhere. Neghwighomba koru mo‑se ino, niikare haghirohamu na Kirisito. Rino niryo nekorighi ichömu chwee ghokoone.

2 Abhatesaronike 1:12

Ntoghusabha hangʼu kubha eriina re Mutëmi wiito Yesu ribhe reraghongibhu gho ghiri yaanyu. Wiiki na niinyu mubhe moraghongibhu gho ghiri yaache, kurëngʼaana na aghareeya e Ryobha riito, ne e Mutëmi Yesu Kirisito.

2 Timotewo 2:12

Aribha toghoghumereri, ntoghutëmi haghirohamu nawe. Aribha toramwanga, woose naghotwanga.

Abheebhuraaniya 9:28

Hangʼu hangʼu Eryobha ꞉ndeemoruusiri Kirisito kubha aku na kubha amaruusi mara rimu hangʼu kubha Eryobha rebhaabhërë abhaato bhaaru amasari ghaabho. Wiiki Kirisito nakuucha mara e kabhere. Amare eriibhagha riyo, taakuucha kwabhëra abhaato amasari ghaabho, amare nakuucha kobhaha obhotoori abhaato bhano bhaghwiköngʼi komughanya.

Obhohunyurëru 3:21

Omooto wowoose uno aghokinda amasaki, nekomwisherereri ghwikara na neeni mo‑ghetumbe keene ghe ghitëmi, kinya bhuure na neeni ꞉neekindiri, neghiikara na Taata mo‑ghetumbe keeche ghe ghitëmi.