Yohana 14:23 - Eriiraghano Eriihë

²³ Yesu akamugharokeri akabhugha, “Omooto wowoose uno ansiighiri, naghughööta angʼana yaane. Taata waane nakomosiigha, wiiki eni na Taata ntookuucha ghokooche na ghwikara haghirohamu nawe.

Yohana 14:23 ပူးပေါင်းရင်းမြစ်များ

Yohana 10:30

Eni na Taata m‑bhamu toonyi.”

Yohana 14:15

“Aribha monsiighiri, moghughööta amaraghereri ghaane.

Yohana 14:17

Akörö iyo nekobhahunyurera abhaato obhuhëënë. Abhaato bhano bhakwanga Eryobha bhataaghotora ghosongʼaana Akörö iyo, gho kubha bhataakoyerighi, wiiki bhatayeeche. Amare inyu moyeeche Akörö iyo gho kubha neghwikara haghirohamu na niinyu, wiiki neekubha moose yaanyu.

Yohana 14:21

Omooto wowoose uno aghosongʼaana amaraghereri ghaane na ghoghaghööta, uyo niwe ansiighiri. Omooto uno aghonsiigha, Taata nakomosiigha, na neeni nekomosiigha na kwiyërëkani ghokooche.”

Yohana 14:24

Amare omooto wowoose uno atansiighiri, taaghughööta amangʼana ghaane. Wiiki, angʼana ino mokooghu taanyi yaane, amare n‑e Taata uno antomiri ghokoonyu.

Yohana 15:10

Aribha moraghööta amaraghereri ghaane, mokwëndërëra ghwikara mo‑bhosiighi bhoone, kinya bhuure eni nighöötiri amaraghereri gha Taata waane na ghwikara mo‑bhosiighi bhooche.

Yohana 16:27

Taata omwene nabhasiighiri inyu, gho kubha inyu monsiighiri eni, wiiki moghokumi kubha neruure o‑Taata.

Yohana 6:56

Omooto wowoose uno akurë omobhere waane na kunyo amasaahë ghaane naakubha arëëndërëra ghwikara moose yaane na neeni neghwikara moose yaache.

Yohana 8:51

Mahëënë ˆnekabhabhoorera, omooto wowoose uno aghoghatambana ameeghi ghaane, taaghoku naabha.”

Yohana 8:52

Mbe, Abhayahuuti bhakamobhoorera Yesu bhakabhugha, “Ibheere ˆtokamënya kubha iye noonyi no omusambu! Abhurahamu ꞉naakuure, abharööti bhoose mbakuure, amare iye nokobhugha, ‘Omooto wowoose uno aghoghatambana ameeghi ghaane, taaghoku naabha.’

2 Abhakorinto 6:16

Erisëngërö re Ryobha ndeghotora kubha no obhumu na chasanaamu che misambu? Itu n‑Erisëngërö re Ryobha rino reenyi ihöru! N‑kinya bhuno Eryobha eryene ꞉reebhughiri kubha, “Neghwikara ghokoobho na ghughënda haghirohamu nabho. Neekubha Eryobha reebho, nabho mbaakubha abhaato bhaane.”

Abhaebheeso 3:17

kubha gho nchëra e bhokumi, Kirisito abhe ariikara mo‑metema gheenyu. Hayo niho obhosiighi bhooche, bhookubha bhorabhaha changuru che kwimeerera muköngʼiiri kinya omote uno osimiri emerya haase chwee, hamu kinya anyumba ino yabhëkuru ighoro e bhoroso bhuchömu.

1 Yohana 2:24

Ibheere, mwëndërërë ghoghatoora mo‑metema gheenyu amangʼana ghano mweghuru korwera hano mokumiri Kirisito. Moraköra hangʼu, niho na niinyu mokwëndërëra kubha no obhumu no Omoona, na Taata Waryobha.

1 Yohana 2:5

Amare uno aghosooka angʼana yaache, hëënë nasiighiri Eryobha. Hangʼu nibhu tokumënya kubha ntoonyi no obhumu ne Eryobha.

1 Yohana 4:4

Amare abhaana bhaane abhasiighani, inyu n‑abhaato bha Ryobha moonyi na mobhakindiri abhaato bhayo bha bhuröngö. Motoriri kobhakinda gho kubha, Akörö e Ryobha neenyi moose yaanyu. Iyo neenyi no obhotoro ghokera akörö e Rishambu, ino eghukangata abhaato bhano bhataakorekumi Eryobha.

1 Yohana 5:3

Koresiigha Eryobha niko ghosooka emeghiro gheeche. Wiiki ghughööta emeghiro gheeche ghotaanyi ghuköngʼu,

2 Yohana 1:6

Ghosiighana n‑kwëndërëra ghosooka emeghiro ghe Ryobha. Omoghiro uno ꞉mooghwire korwera hano mokumiri n‑kubha, mumanye kwo bhosiighi.

Obhohunyurëru 21:22

Nterooche Erisëngërö re Ryobha mo‑moghya uyo, gho kubha Omutëmi Waryobha o Bhotoro Bhoose, haghirohamu no Omoona o Ngʼöndu niryo Erisëngërö reeche. Gho ghayo, hataanyi na amënda ha haghiro ha ghusëngëra.

Obhohunyurëru 21:3

Nekooghu eriiraka ikoro koru mo‑ghetumbe ghe ghitëmi, rerabhugha, “Mutëghëërëra! Obhwikari bho Ryobha n‑haghirohamu na abhaato. Ndeghuköra obhwikari bhooche haghirohamu na abhaato, nabho mbaakubha abhaato bhaache, naryo ndeekubha Eryobha reebho.

Obhohunyurëru 22:3

Omoghya uyo tookubha ne egheghiro ghyokyose kino kiihiimuru ne Eryobha. Eghetumbe kiire ghe ghitëmi ke Ryobha no Omoona o Ngʼöndu ngeekubha‑mu. Abhatamishi bha Ryobha mbakorisëngëra.