Yohana 14:20 - Eriiraghano Eriihë

²⁰ Eriibhagha riyo, inyu mokumënya kubha eni neenyi moose e Taata, na niinyu moonyi moose yaane, na neeni neenyi moose yaanyu.

Yohana 14:20 ပူးပေါင်းရင်းမြစ်များ

Yohana 10:38

Amare aribha neghuköra emeremo ghino Taata aghoghiköra, koru nangabha motaaghonkumi eni, moghekumi emeremo ghiyo. Gho nchëra iyo, niho mokumënya kubha Taata naanyi moose yaane, na neeni neenyi moose yaache.”

Yohana 14:10

Kana, toghokumi kubha eni neenyi moose e Taata, na Taata naanyi moose yaane? Amangʼana ghano nekobhabhoorera ghataakoru mo‑miihëëbhö ghaane, amare Taata, uno anyi moose yaane, naghuköra emeremo gheeche.

Yohana 14:11

Mokumi ghano neghosiikëra kubha neenyi moose e Taata, na kubha iwe naanyi moose yaane. Amare erabha inyu motaaghokumi ghano neghosiikëra, mokumi gho ghiri e meremo ghino neghuköra.

Yohana 16:23

Wiiki eriibhagha riyo reraacha kohika, motaakomboori angʼana yoyoose. “Mahëënë ˆnekabhabhoorera, ghyokyose kino morasabha kohetera eriina reene, Taata nakobhaha.

Yohana 16:26

Kwo riibhagha riyo, moghusabha Eryobha kwo riina reene. Nteekobhugha kubha eni nekobhasabhera gho Taata.

Yohana 17:11

Eni nteekubha wiiki mo‑se ino, amare ibheere ˆnekaacha ghokoocho. Amare ibho mbakwëndërëra kubha mo‑se ino. Oo Taata Omutööbhiyu, ˆneghaghusabha obhachonge kwo bhotoro bho riina reecho rino oheere, kubha bhabhe egheghiro kimu kinya bhuno itu toonyi.

Yohana 17:26

Eni nebheeghiri kebhuno iye onyi, wiiki nekwëndërëra ghuköra hangʼu, kubha bhasiighane kinya bhuno onsiighiri eni, wiiki nibhe moose yaabho.”

Yohana 17:7

Mbe, mbamënyiri kubha ebheghiro bhyose bhino oheere, mberuure ghokoocho,

Yohana 6:56

Omooto wowoose uno akurë omobhere waane na kunyo amasaahë ghaane naakubha arëëndërëra ghwikara moose yaane na neeni neghwikara moose yaache.

Abharuumi 16:7

Momukëëri Andironiko na Yuuniya. Bhayo n‑Abhayahuuti abhaghëndi bhaane bhano ꞉bhaabhöhuru haghirohamu na neeni mwighërëcha. ꞉Mbaankangatiri komokumi Kirisito, wiiki m‑bha sooko chwee ghate e bhatomu.

Abharuumi 8:1

Mbe, ibheere Eryobha retaakobharööna abhaato bhano bhaghöötiine na Kirisito Yesu.

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

2 Abhakorinto 12:2

Nemweche omooto umu Omokirisito, uno mo‑meeka ikomi ne ene ghino ghehetiri, ꞉niimokiibhu mbagha Mwishaaro ri ighoro chwee. Ntyeche aribha are mo‑mobhere uno, hamu aribha taare mo‑mobhere uno. Eryobha niryo ryeche.

2 Abhakorinto 13:5

Ibheere mwirëngi inyu bheene, kubha mumënyë aribha moonyi no obhokumi. Mwimööhërëri inyu bheene. Moteeche kubha Yesu Kirisito naanyi moose yaanyu? Aribha moteeche, hayo mokinduru kohikera ekirëngërë ke bhokumi.

2 Abhakorinto 5:17

Omooto wowoose uno akubha aghöötiine na Kirisito, naakubha omooto omuhë, gha kare ngahetiri, ibheere ngabheere amahë!

2 Abhakorinto 5:19

Niko kobhugha, gho kohetera gho Kirisito, Eryobha ꞉ndiitëmëëriini abhaato na ryo, na retabhabhariire abhaato obhobhe bhoobho. Wiiki Eryobha ndetoheere emeremo ghe kobhabhoorera abhaato amangʼana gha bhoghwani bhuyo.

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

Abhaebheeso 2:10

Itu ne emeremo ghe mabhökö gha Ryobha toonyi. ꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu, ghano ꞉reetusëëmiire tubhe toraköra.

Abhakorosaayi 1:19

Gho kubha Eryobha ꞉ndeerooche n‑kumangi kubha, obhohikeerani bhooche bhoose bhwikare mo‑Moona waache.

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

Abhakorosaayi 2:9

gho kubha, obhohikeerani bhoose bho Ryobha mboonyi mo‑mobhere o Kirisito.

1 Yohana 4:12

Taanyi‑ho wowoose uno arerooche Eryobha naabha. Amare torasiighana, nekwërëki kubha Eryobha ndeenyi no obhumu na niitu, obhosiighi bhooche mbohikeriine ghokwito.