Yohana 14:17 - Eriiraghano Eriihë

¹⁷ Akörö iyo nekobhahunyurera abhaato obhuhëënë. Abhaato bhano bhakwanga Eryobha bhataaghotora ghosongʼaana Akörö iyo, gho kubha bhataakoyerighi, wiiki bhatayeeche. Amare inyu moyeeche Akörö iyo gho kubha neghwikara haghirohamu na niinyu, wiiki neekubha moose yaanyu.

Yohana 14:17 ပူးပေါင်းရင်းမြစ်များ

Mataayo 10:20

Motanyaaka gho kubha taanyi inyu abheene moghosiikëra, amare n‑Akörö e Taata waanyu ino moose yaanyu niyo eghosiikëra.

Yohana 14:16

Mbe, na neeni nekomusabha Taata kubha abhahë Omotoorereri owonde, kubha ikare na niinyu emiishe ghyose.

Yohana 14:23

Yesu akamugharokeri akabhugha, “Omooto wowoose uno ansiighiri, naghughööta angʼana yaane. Taata waane nakomosiigha, wiiki eni na Taata ntookuucha ghokooche na ghwikara haghirohamu nawe.

Yohana 15:26

“Hano akuucha ghokoonyu Omotoorereri, uno nekomotoma ghokoonyu koru o‑Taata, niyo Akörö Ahörëëru e hëënë ino ekoru o‑Taata, neghungambëra obhuhëënë ighoro yaane.

Yohana 16:13

Amare Akörö e bhuhëënë, hano ekuucha ghokoonyu, nekobhakangata kobhumënya obhuhëënë bhoose. Teekobhugha kwo bhotoro bhooche ayeene, amare nekobhugha ghano yoghwire na kobhabhoorera ghano ghakuucha.

Yohana 6:40

Amiigha gha Taata n‑ghano, omooto woose uno akumënya kubha eni n‑Omoona waache na ghonkumi, abhe no obhuhöru bho miishe ghyose. Eni nekuucha komoryoki mo‑rosiko ro ntenero.”

1 Abhakorinto 14:15

Ibheere nekwëndëru ghuköra ke? Neghusabha mo‑körö gho ghighambo ekende, wiiki neghusabha kwo bhongo, nekwemba mo‑körö gho ghighambo ekende, wiiki nekwemba kwo bhongo.

1 Abhakorinto 2:14

Amare omooto uno ataanyi na Akörö e Ryobha, taaghosongʼaana ghano ghaakoru mo‑Körö e Ryobha. Ghokooche ghayo n‑gha ghitaraaho, wiiki taaghotora ghoghamënya, gho kubha ngakumënyu kwo bhotoorereri bho Körö e Ryobha.

1 Abhakorinto 3:16

Kana, moteeche kubha inyu n‑Erisëngërö re Ryobha moonyi, na kubha Akörö e Ryobha neghwikara moose yaanyu?

1 Abhakorinto 6:19

Moteeche kubha, emebhere gheenyu n‑Erisëngërö re Körö Ahörëëru ino enyi moose yaanyu, ino Eryobha rebhaheere? Mbe, inyu emebhere ghiyo taanyi ghe gheenyu, amare n‑ghe Ryobha,

2 Abhakorinto 13:5

Ibheere mwirëngi inyu bheene, kubha mumënyë aribha moonyi no obhokumi. Mwimööhërëri inyu bheene. Moteeche kubha Yesu Kirisito naanyi moose yaanyu? Aribha moteeche, hayo mokinduru kohikera ekirëngërë ke bhokumi.

2 Abhakorinto 6:16

Erisëngërö re Ryobha ndeghotora kubha no obhumu na chasanaamu che misambu? Itu n‑Erisëngërö re Ryobha rino reenyi ihöru! N‑kinya bhuno Eryobha eryene ꞉reebhughiri kubha, “Neghwikara ghokoobho na ghughënda haghirohamu nabho. Neekubha Eryobha reebho, nabho mbaakubha abhaato bhaane.”

Abhagharatiya 4:6

Eryobha ꞉ndeetomiri Akörö e Moona waache mo‑metema ghiito, gho kubha itu ntoonyi abhaana bha Ryobha. Akörö iyo niyo eghotuköra torebherekere Eryobha “Abha,” egheteemoro keeche “Taata.”

Abhaebheeso 2:22

Gho ghughöötana nawe, inyu bhoose mokwabhëku mubhe obhwikari bho Ryobha, gho nchëra e Körö yaache.

Abhaebheeso 3:17

kubha gho nchëra e bhokumi, Kirisito abhe ariikara mo‑metema gheenyu. Hayo niho obhosiighi bhooche, bhookubha bhorabhaha changuru che kwimeerera muköngʼiiri kinya omote uno osimiri emerya haase chwee, hamu kinya anyumba ino yabhëkuru ighoro e bhoroso bhuchömu.

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

2 Timotewo 1:14

Angʼana e bhuhëënë ino uhaabhuru na Yesu, oyighöötërërë gho changuru che Körö Ahörëëru ino enyi moose yiito.

1 Yohana 2:27

Inyu motakongʼiinu, gho kubha Kirisito nabhaheere Akörö Ahörëëru, ino eghwikara moose yaanyu. Iyo niyo ekobheeghi ghoose, ameeghi ghaache n‑gha mahëënë, ghataanyi gha bhuröngö. Gho ghayo, teekwëndëru kubha omooto abheeghi. Kinya bhuure Akörö ebheeghiri, ibheere mwëndërërë kubha no obhumu na Kirisito.

1 Yohana 3:24

Omooto wowoose uno aghosooka emeghiro ghe Ryobha, naanyi no obhumu naryo. Eryobha ryose ndeenyi haghirohamu nawe. Ntweche kubha Eryobha ndeenyi haghirohamu na niitu, gho kubha ntoonyi na Akörö Ahörëëru ino retoheere.

1 Yohana 4:4

Amare abhaana bhaane abhasiighani, inyu n‑abhaato bha Ryobha moonyi na mobhakindiri abhaato bhayo bha bhuröngö. Motoriri kobhakinda gho kubha, Akörö e Ryobha neenyi moose yaanyu. Iyo neenyi no obhotoro ghokera akörö e Rishambu, ino eghukangata abhaato bhano bhataakorekumi Eryobha.

1 Yohana 4:6

Amare itu n‑abhaato bha Ryobha toonyi. Wowoose uno aryeche Eryobha, naghotutëghëërëra, amare uno ataanyi o Ryobha, taaghotutëghëërëra. Hangʼu niho tokumënya obhwahukani bho bhaato bhano bhaghukangatu na Akörö e hëënë, na bhano bhaghukangatu na akörö e bhuröngö.

1 Yohana 5:7

Wiiki Akörö Ahörëëru neghoghaghambera ghayo kubha n‑nga hëënë, gho kubha Akörö Ahörëëru niyo obhuhëënë.

Obhohunyurëru 2:17

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomuha eribhaara re bhiinyakurë bhe mana ino ere ebhisuru. Wiiki nekomuha eriibhohe eryero, ighoro e riibhohe riyo ndeekubha ryandëkuru eriina eriihë. Taanyi‑ho omooto uno akumanya eriina riyo nanyinga iwe uno ahaabhuru eriibhohe riyo.’”