Yohana 14:13 - Eriiraghano Eriihë

¹³ Aribha morasabha egheghiro ghyokyose kwo riina reene, eni neghuköra kebhuno moghusabha. Gho nchëra iyo, nekwërëki obhokumi obhokoro bho Taata kebhuno bhoonyi gho kohetera eni, Omoona.

Yohana 14:13 ပူးပေါင်းရင်းမြစ်များ

Mataayo 21:22

Aribha moonyi no obhokumi, ghyokyose kino moghusabha Eryobha, ndekobhaha.”

Mataayo 7:7

“Musabhe Eryobha na niinyu mokuhaabhu. Mutabhare na niinyu mokubhöna, moraköngʼööta eghisëku moghwighoreru,

Maariko 11:24

Gho hayo ˆnekabhabhoorera kubha, hano moghusabha ghyokyose, mubhe no obhokumi kubha mokebhwine, na moghokibhöna.

Ruuka 11:9

“Mbe, na neeni ˆnekabhabhoorera, musabhe Eryobha na niinyu mokuhaabhu. Mutabhare na niinyu mokubhöna, moraköngʼööta eghisëku moghwighoreru,

Yohana 10:30

Eni na Taata m‑bhamu toonyi.”

Yohana 12:44

Mbe, Yesu aghatiiri amaraka akabhugha, “Omooto uno aghonkumi eni, taaghonkumi eni omwene chiri, amare nakomokumi na uno antomiri.

Yohana 13:31

Mbe, eriibhagha Yuuta ꞉ahorokiri anche, Yesu akabhabhoorera abhaanabheegha bhaache akabhugha, “Ibheere obhokumi bhoone obhokoro eni Omoona o Mooto ˆbhoghatingʼi korighibhu haheero. Wiiki, mbokorighibhu haheero obhokumi obhokoro bho Ryobha kohetera mo‑maköri ghaane.

Yohana 14:14

Morasabha egheghiro ghyokyose kwo riina reene, neghuköra.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 15:16

Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

Yohana 15:7

Aribha moghwikara moose yaane na amangʼana ghaane ghiikare moose yaanyu, mbe, musabhe Taata ghyokyose kino mokwënda, na niinyu mokuhaabhu.

Yohana 16:23

Wiiki eriibhagha riyo reraacha kohika, motaakomboori angʼana yoyoose. “Mahëënë ˆnekabhabhoorera, ghyokyose kino morasabha kohetera eriina reene, Taata nakobhaha.

Yohana 16:26

Kwo riibhagha riyo, moghusabha Eryobha kwo riina reene. Nteekobhugha kubha eni nekobhasabhera gho Taata.

Yohana 16:7

“Nekobhabhoorera inyu obhuhëënë kubha, ngʼoni ghokoonyu eni neghi o‑Taata, neraanga ghuye, Omotoorereri wuure taaghotora kuucha ghokoonyu. Amare aribha neraghe, nekomotoma ghokoonyu.

Yohana 4:10

Yesu akamugharokeri akabhugha, “Aribha ongamënyiri atuho e Ryobha na kubha n‑niwe aghoghusabha amanche gha kunyo, nongamusabhiri iwe, nawe nangakoheere amanche ghano ghakobhaha abhaato obhuhöru bho miishe ghyose.”

Yohana 4:14

Amare omooto aranyo amanche ghano nekomuha eni, taakooghu anyööta emiishe ghyose. Amanche ghano nekomuha eni ngaakubha kinya ekerika ke manche moose yaache, ghataakooma naabha, ngaakubha gharamuha obhuhöru bho miishe ghyose.”

Yohana 5:19

Yesu akabhabhoorera abhakangati bhaare akabhugha, “Mahëënë ˆnekabhabhoorera, Omoona taaghotora ghuköra ghyokyose gho changuru cheeche. Naghotora ghuköra ghano arooche Ishe araghaköra, wiiki ghoose ghano Ishe aghuköra, nigho ghayo ghayo Omoona aghuköra.

Yohana 7:37

Orosiko ro kumareereri anyangi e bhebhuru ndoore orosiko rokoro chwee. Mbe, Yesu akiimeerera mo‑riigho re Risëngërö, aghatiiri eriiraka akabhugha, “Omooto arooghu anyööta, ache ghokoone, anyo.

1 Abhakorinto 14:13

Gho ghayo, omooto uno aghosiikëra eghighambo ekihë, asabhe Eryobha kubha remusakeri ghugharura kino aghosiikëra.

Abhaebheeso 2:18

Gho ghayo, gho kohetera iwe, itu bhoose Abhayahuuti na abhaato bha matöngö ntoghotora komwishukerera Taata gho nchëra imu, gho kohetera Akörö Ahörëëru.

Abhaebheeso 3:12

Mbe, gho ghughöötana kwito na Kirisito gho nchëra e komokumi, ntoonyi no obhosubhesubhe no obhotoro bho koriishukerera Eryobha kwo miitëngʼërö amakoro.

Abhaebheeso 3:14

Gho ghayo, nekohighama ambërë e Taata Waryobha,

Abhabhiribhi 4:13

Neghotora ghuköra ghoose ghayo, gho kubha Kirisito niwe akuuha changuru.

Abhakorosaayi 3:17

Gho ghoose ghano moghosiikëra, hamu ghuköra, mukörë kwo riina re Mutëmi Yesu, na komwitabheri Taata Waryobha kohetera ghokooche.

Abheebhuraaniya 13:15

Mbe, twëndërërë koreghongi Eryobha gho kohetera Yesu ino totaaghutamu, gho kubha amangʼana ghiito gha koreghongi eriina reeche ngatuubhiine na amaruusi ghano tokomoruuseri.

Abheebhuraaniya 4:15

Omuchaama Omokoro uyo niwe abhweche obhutöbhu bhwito, gho kubha woose Erishambu ꞉ndeemusakiri gho chanchëra haghare haghare kinya itu, amare iwe taaköriri amasari.

Abheebhuraaniya 7:25

Gho ghiri iyo, iwe naanyi na changuru che kobhatoori kimu kimu abhaato bhoose bhano bhaaghuye kwo Waryobha kohetera ghokooche, gho kubha iwe muhöru emiishe ghyose, nakobhasabhera kwo Waryobha eriibhagha ryose.

Yakobho 1:5

Amare uno aghosuuheru na amangʼiini, nakwëndëru arisabhe Eryobha naryo ndekomuha, gho kubha ndehaabhaha abhaato bhoose, kwo bhosiighi, koru iryo retaanyi na anyaanyi.

Yakobho 5:16

Mbe, mubhe moratuukuunerana amasari ghaanyu na ghusabherana kwo Waryobha, kubha mubhönë kuhöribhu amabhabharu ghaanyu. Amasabhi gha mooto omuhëënë ngaanyi no obhotoro bho ghuköra amangʼana amarito.

1 Bheetero 2:5

Mbe, mumënyë kubha koru inyu n‑kinya amabhohe ghano ghaanyi amahöru, mokwabhëku ne Eryobha mubhe erikindahaase re körö. Wiiki ndekobhaköra mubhe abhachaama bhaache bhano bhaahwiru koruusi amaruusi gha mo‑chaakörö gho nchëra e Yesu Kirisito.

1 Yohana 3:22

Wiiki ghyokyose kino tokorisabha ndeghotuha, gho kubha ntoghoghesooka emeghiro gheeche na ghuköra ghano ghakorichömëri.

1 Yohana 5:14

Itu ntoonyi no obhosubhesubhe ambërë e Ryobha, gho kubha ntweche kubha ndeghotooghu aribha torarisabha ghyokyose kiire kurëngʼaana na amënda ghaache.