Yohana 12:34 - Eriiraghano Eriihë

³⁴ Mbe, erikinda re bhaato bhakamugharokeri Yesu bhakabhugha, “Ntooghwire mo‑Mandëkö Amatööbhiyu kubha, Kirisito naakubha muhöru emiishe ghyose. Mbe, ngwake okobhugha abhaato mbakomotiiri Omoona o Mooto? Kana, Omoona o Mooto n‑niwe?”

Yohana 12:34 ပူးပေါင်းရင်းမြစ်များ

Mataayo 16:13

Eriibhagha Yesu ꞉ahikiri ahaghiro hano haare harabherekeru Kayisaariya‑Bhiribhi, akabhabhoori abhaanabheegha bhaache akabhugha, “Abhaato mbakobhugha kubha, eni uno neenyi Omoona o Mooto, neeni we?”

Mataayo 21:10

Hano Yesu asöhiri mo‑moghya o Yerusareemu, omoghya woose okarighitera. Abhaato bhaghasëëma kobhoorani bharabhugha, “N‑niwe uyo?”

Mataayo 8:20

Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”

Yohana 10:34

Yesu akabhagharokeri akabhugha, “Kana, tyandëkuru mo‑bhitabhu bheenyu bhe meghiro kubha Eryobha ꞉ndeebhughiri, ‘Inyu n‑emisambu?’

Yohana 12:32

Eni eriibhagha neghotiiribhu, nekobharuta abhaato bhoose bhaache ghokoone.”

Yohana 15:25

Amare ghano ngarweriire kubha ghahikeerane amangʼana ghano ghaandëkuru mo‑Mandëkö Amatööbhiyu kubha, ‘꞉Mbaandëghiri bhoowa.’

Yohana 8:28

Mbe, Yesu akabhabhoorera akabhugha, “Hano mookubha momotiiriri Omoona o Mooto kubha momwite, niho mokuucha kumënya kubha ‘Eni Neeni.’ Wiiki mokuucha kumënya kubha ghoose ghano neghuköra, nteeghuköra gho changuru cheene, amare neghoghasiikëra ghano Taata anyeeghiri.

Abharuumi 3:19

Mbe, itu ntweche kubha, hano Amandëkö Amatööbhiyu ghakwërëkërëri egheghiro ghyokyose, ngakwërëkërëri abhaato bhano ꞉bhaahaabhuru Amandëkö ghayo. Hano Amandëkö ghakobhugha hangʼu, n‑kubha abhaato bhoose, Abhayahuuti na abhaato bha matöngö bhatabha na angʼana e ghwitachura hano Eryobha reghotenera ekiina ase, wiiki erighibhu haheero kubha, mbarëngʼaaniire ghoteneru ekiina.

Abharuumi 5:18

Gho ghayo, kinya bhuno abhaato bhoose ꞉bhaateniiru ekiina kurëngʼaana ne eriisari rimu re mooto, hangʼu hangʼu abhaato bhoose mbakubhareru kubha mbaanyi no obhuhëënë ambërë e Ryobha, gho kohetera obhuhëënë bhuno aköriri omooto umu. Gho ghuköra hangʼu, abhaato bhoose bhakahaabhu obhuhöru bho miishe ghyose.

Abheebhuraaniya 7:24

Yesu n‑Omuchaama emiishe ghyose gho kubha iwe m‑muhöru emiishe ghyose.