Yohana 12:32 - Eriiraghano Eriihë

³² Eni eriibhagha neghotiiribhu, nekobharuta abhaato bhoose bhaache ghokoone.”

Yohana 12:32 ပူးပေါင်းရင်းမြစ်များ

Yohana 1:7

Yohana ꞉niichiri ghughambera obhwero bhuyo, kubha kwo bhwibhateri bhooche abhaato bhoose bhatore kobhokumi.

Yohana 12:34

Mbe, erikinda re bhaato bhakamugharokeri Yesu bhakabhugha, “Ntooghwire mo‑Mandëkö Amatööbhiyu kubha, Kirisito naakubha muhöru emiishe ghyose. Mbe, ngwake okobhugha abhaato mbakomotiiri Omoona o Mooto? Kana, Omoona o Mooto n‑niwe?”

Yohana 18:32

Ghayo ꞉ngaaköruru hangʼu, kubha amangʼana ghano Yesu ꞉abhughiri ghahikeerane kwërëki kebhuno aghoku.

Yohana 19:17

Akaru mo‑moghya aghëghiri omusarabha waache, aghaye ahaghiro hano hakobherekeru gho Kebhuraaniya, “Ghorighööta,” egheteemoro keeche Ahaghiro ha Kehoore ke Mutu.

Yohana 3:14

“Hano Abhiisiraeri ꞉bhaare mwibhara, Musa ꞉naaköriri asanaamu e nchöka ino ꞉iköruru gho shabha na koyetiiri a‑mote, kubha abhatoori. Hangʼu hangʼu eni Omoona o Mooto nekuucha ghotiiribhu,

Yohana 6:44

Taanyi‑ho omooto uno aghotora kuucha ghokoone, aribha Taata uno antomiri atamurahuuniri. Eni nekuucha komoryoki omooto uyo mo‑rosiko ro ntenero.

Yohana 8:28

Mbe, Yesu akabhabhoorera akabhugha, “Hano mookubha momotiiriri Omoona o Mooto kubha momwite, niho mokuucha kumënya kubha ‘Eni Neeni.’ Wiiki mokuucha kumënya kubha ghoose ghano neghuköra, nteeghuköra gho changuru cheene, amare neghoghasiikëra ghano Taata anyeeghiri.

Abhagharatiya 3:13

Kirisito natotingwiri koru mo‑riihiimo re meghiro gho kwimoki eriihiimo riyo gho ghiri yiito. Amandëkö Amatööbhiyu ngakobhugha, “Wowoose uno amamburu mo‑musarabha, niihiimuru.”

1 Timotewo 2:6

Iwe ꞉naaruusiri eriimanya reeche omwene, kubha abhatingori abhaato bhoose. Bhuno nibho obhwibhateri bhuno Kirisito atoheere kwo riibhagha rino Eryobha retooriri.

Abheebhuraaniya 2:9

Amare ntokomorighi Yesu uno kwo riibhagha ighuhe hangʼu, Eryobha ꞉ndeemuköriri abhe mosuuhu ghokera bhamarayika. Uyo niwe uno Eryobha remoheere obhokumi obhokoro na asooko inkoro gho ghiri e kunyaakibhu na ghoku kooche. Eryobha ꞉ndeemuköriri hangʼu, kubha gho nchëra e ghareeya yaache, Yesu aku gho ghiri e bhaato bhoose.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

1 Yohana 2:2

Iwe niwe amaruusi gha ghosinchu na gho nchëra iyo, naruusiri amasari ghiito na ghotutëmëërani ne Eryobha. Wiiki ghataanyi amasari ghiito agheene, amare na amasari gha bhaato bhoose bha mo‑se ino.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.