Yohana 12:20 - Eriiraghano Eriihë

²⁰ ꞉Haare na abhaato bhano bhataare Abhayahuuti ghate e bhano ꞉bhaaghiire Yerusareemu korisëngëra Eryobha mo‑nyangi e Bhaasaka.

Yohana 12:20 ပူးပေါင်းရင်းမြစ်များ

Maariko 7:26

Omukari uyo m‑mwikari o Bhoyinike mo‑mukööwa o Siiriya, iwe taare Omuyahuuti. Akamusabha amoruusi omoona waache omusambu.

Yohana 12:1

Hano cheere chisaaghiri chaasiko ishaasabhe anyangi e Bhaasaka ehike, Yesu akahika wiiki Bhetaniya ahaghiro hano Rasaaro amanyiri uno Yesu aryokiri koru mo‑bhaku.

Yohana 12:19

Amare Amabharisaayo bhakabhoorani bhakabhugha, “Mokorighi? Totaaghotora ghuköra ghyokyose! Mööhi, abhaato bhoose mbakomutambana iwe.”

Yohana 7:35

Niho abhaato bha rikinda riire bhakabhoorani bhakabhugha, “Kana, omooto uno naaghuye hayi hano itu totaaghotora komubhöna? Kana, nakwënda ghuye mo‑Bhayahuuti bhano bhasanchiri mo‑Bhayunaani na kobheeghi iyo?

Amaköri gha Bhatomu 14:1

Hano Bhawuro na Bharinaabha ꞉bhaare mo‑moghya o Ikoniyo, bhaghasöha mo‑risinaghooghi re Bhayahuuti, kinya bhuure ꞉bhaare bhanariri. Bhakeeghi‑mu abhaato ighoro e Yesu kwo bhotoro bhokoro, koru Abhayahuuti bhaaru haghirohamu na abhaato abhande bhaaru bha matöngö bhakamokumi Yesu.

Amaköri gha Bhatomu 16:1

Bhawuro aghaye mo‑meghya ghe Teeribhe na Risitura. Iyo Risitura naare‑ho omoonamwegha umu o Yesu, eriina reeche Timotewo. Nyina Muyahuuti are, woose naare amokumiri Yesu, amare ishe m‑Moyunaani are.

Amaköri gha Bhatomu 17:4

Amangʼana ghano Bhawuro abhughiri, Abhayahuuti abhamu bhaghaghakumi, haghirohamu na abhaato bhaaru bha matöngö bhano ꞉bhaare bhararesooka Eryobha. Koru na abhakari bhaaru bha sooko, bhoose bhaghakumi. Bhayo bhoose bhaghaghöötana na Bhawuro na Siira.

Amaköri gha Bhatomu 20:21

Neere nerabhabhoorera Abhayahuuti haghirohamu na abhaato bha matöngö kubha bhatuukuunere amasari ghaabho kwo Waryobha, wiiki bhamokumi Omutëmi wiito Yesu Kirisito.

Amaköri gha Bhatomu 21:28

Bhaghaköra eriireghe bharabhugha, “Abhiisiraeri bhaghëndi bhiito, mototoori! Kana omooto uno niwe are areeghi abhaato bhoose bha ahaghiro hoose kubha bhabhe bharatutaraaha, bharataraaha ne emeghiro, koru ne Erisëngërö rino. Wiiki ghokera ghayo, nahaghonchiri ahaghiro hano ahatööbhiyu gho ghusöhi‑mu abhaato bha matöngö aghande.”

Amaköri gha Bhatomu 8:27

Niho Bhiiribho akabhanura, aghasëëma orughëndö rooche. Hano are mo‑nchëra, aghatëmëërana no omochigharu umu omontomonkoro o mo‑se e Esiyobhiya. Omontomonkoro uyo naare omwimeerereri o bheghiro bhyose bhe Kandake, marikiya o se e Esiyobhiya. Omochigharu uyo naare aghiire Yerusareemu ghusëngëra Eryobha.

Abharuumi 1:16

Eni nteekorighi chaasoni kuraghani Angʼana Anchömu iyo, gho kubha nibho obhotoro bho Ryobha bhuno bhoghotoori abhaato bhoose bhano bhakomokumi Yesu, korwera mo‑Bhayahuuti mbagha mo‑bhaato bha matöngö.

Abharuumi 10:12

Amangʼana ghayo ngakwërëki kubha bhotaanyi‑ho obhwahukani ghate e Abhayahuuti hamu abhaato bha matöngö. Naanyi‑ho Omutëmi umu hangʼu kwo bhaato bhoose. Iwe m‑muhaani chwee kwo bhaato bhoose bhano bhakomusabha.

Abhagharatiya 2:3

Bhaghiishererani na neeni. Koru mughëndi waane Tiito nangabha are Omoyunaani, tahameriiru ghusaaru.

Abhagharatiya 3:28

Gho ghayo, bhotaanyi‑ho obhwahukani ghate e Muyahuuti no omooto o matöngö, hamu omusësë no omooto huuru, hamu omosubhe no omukari. Bhoose murëngʼiine, gho kubha mughöötiine na Kirisito Yesu.

Abhakorosaayi 3:11

Gho ghayo, bhotaanyi‑ho bhwahukani bho Muyahuuti hamu omooto o matöngö, uno asaaruru, hamu uno atasaaruru, uno aghutaraahu na uno atasömiri, omusësë hamu uno ataanyi omusësë. Amare Kirisito niwe akohikeerani ghoose, wiiki naanyi moose e bhoose.