Yohana 11:47 - Eriiraghano Eriihë

⁴⁷ Mbe, abhakoro bha bhachaama na Amabharisaayo bhakabherekera ekiina ke riibharacha eriikoro bhakabhoorani bharabhugha, “Tukörë bhu? Omooto uno naghuköra ebhyërëkërëri bhyaru.

Yohana 11:47 ပူးပေါင်းရင်းမြစ်များ

Mataayo 26:3

Eriibhagha riyo, abhakoro bha bhachaama na abhagharuka bha Bhayahuuti bhaghiikomana mo‑nyumba ankoro e Muchaama Omokoro uno eriina reeche akobherekeru Kayabha.

Mataayo 5:22

Amare eni nekobhabhoorera, wowoose uno akomukararera mughëndi waache naghoteneru ekiina. Wiiki uno akomotoka mughëndi waache kubha mughëëghë, nakwëndëru ahiru mwibharacha. Uno akobherekera mughëndi waache kubha m‑muraghaanu nakurëngʼaanera ghusöha mwiribha re mororo.

Maariko 14:1

Mbe, ꞉nchisaaghiri chaasiko ibhere hangʼu, anyangi e Bhaasaka ne emighaate ghino ghetaaghotooreru eghetondori ehike. Abhakoro bha bhachaama na abheeghi bha meghiro mbaare bharatabhara anchëra e komughööta Yesu gho kebhisere, kubha bhamwite.

Ruuka 22:2

Eriibhagha riyo abhakoro bha bhachaama, haghirohamu na abheeghi bha meghiro, mbaare bharatabhara kebhuno bhakomwita Yesu. Amare bhaakabha bharatiina abhaato.

Yohana 11:57

Abhakoro bha bhachaama na Amabharisaayo mbaare bhahatëkiri kubha, omooto wowoose uno eche hano Yesu anyi, arëëtë amangʼana kubha bhamughöötë.

Yohana 12:19

Amare Amabharisaayo bhakabhoorani bhakabhugha, “Mokorighi? Totaaghotora ghuköra ghyokyose! Mööhi, abhaato bhoose mbakomutambana iwe.”

Yohana 2:11

Yesu ꞉naaköriri ekyërëkërëri kino mo‑moghya o Kana mo‑mukööwa o Ghariraaya. Ekyërëkërëri kiyo nikyo keere e kimbërë ghuköru kwërëki obhokumi bhooche obhokoro mo‑bhaato. Gho ghayo, abhaanabheegha bhaache bhakamokumi.

Yohana 6:2

Erikinda ikoro re bhaato rekamutambana Yesu, gho kubha mbaare bharooche ebhyërëkërëri bhino are araköra gho kobhahöri abhabhabharu.

Yohana 7:32

Amabharisaayo bhakooghu erikinda re bhaato bharingʼunyera ighoro yaache, ibho haghirohamu na abhakoro bha bhachaama bhakabhatoma abhaashirikare kubha bhamughöötë Yesu.

Yohana 7:45

Mbe, abhaashirikare bhaare bhaghagharuka wiiki kwo bhakoro bha bhachaama na Amabharisaayo. Nabho bhakabhabhoori bhakabhugha, “Ngwake motamughöötiri Yesu na komurëëta ghokwito?”

Amaköri gha Bhatomu 5:21

Abhatomu bhayo bhaghiishereri, bhaaghaye Mwisëngërö atabhoori moomake, bhaghasëëma kweghi abhaato. Eriibhagha riyo riyo Omuchaama Omokoro, haghirohamu na abhaghëndi bhaache, bhaghaköra ekiina ghekoro, bhakabhabherekera abhakoro bhoose bha riibharacha eriikoro re Bhayahuuti bhatëmëërane. Bhakabhatoma abhachongi bha mo‑riighërëcha riyo, kubha bhabharëëtë abhatomu bhayo.

Amaköri gha Bhatomu 5:24

Omokoro o bhachongi na abhakoro bha bhachaama hano bhooghwire ghayo, bhaghaghöötu na ahaho, bhaakabha bharabhoorani, “Kana woori! Amangʼana ghano nibhu ghaanyi?”