Yohana 10:32 - Eriiraghano Eriihë

³² Amare iwe akabhabhoorera akabhugha, “Nëbhëërëkiri ebhiraghe bhyaru ebhichömu, bhino ꞉niiköriri gho changuru che Taata. N‑ngʼana ke mo‑ghayo ino eghughëri mwëndë kundasa na amabhohe?”

Yohana 10:32 ပူးပေါင်းရင်းမြစ်များ

Mataayo 11:5

Kubha, abhahuku ˆbhakarighi, na abhabhëëru ˆbhaghaghënda, na abhabhabharu bha mbiti ˆbhakahöra, na abhakiro bhakooghu, na abhaku ˆbhakaryoka. Wiiki, abhahabhe ˆbhakaraghaneru Angʼana Anchömu e Ryobha.

Yohana 10:25

Amare Yesu akabhagharokeri akabhugha, “Eni nimariri kobhabhoorera, amare inyu mokwanga ghonkumi. Ebhiraghe bhino neghuköra gho changuru che Taata, nibhyo bheghungambëra kubha eni n‑niwe.

Yohana 10:31

Mbe, Abhayahuuti abhamu hano bhooghwire ghayo, bhaghasëëma wiiki kwimoki amabhohe, kubha bhamurase na komwita Yesu.

Yohana 10:33

Abhayahuuti bhaghagharokeri bhakabhugha, “Totaakwënda ghokurasa na amabhohe gho ghiri e ghuköra amachömu, amare n‑gho kubha nokwirëngʼaani ne Eryobha. Iye n‑omooto hangʼu, amare noghwiköri kubha Eryobha!”

Yohana 10:37

Aribha nteeghuköra emeremo ghe Taata ghino aghoghiköra, mbe, motankumi.

Yohana 5:36

Amare eni neenyi no obhwibhateri bhokoro chwee ghokera bhuure bho Yohana. Gho ghayo, emeremo ghino Taata aheere ghuköra nighyo ghino gheghungambëra kubha Waryobha Taata niwe antomiri.

Amaköri gha Bhatomu 10:38

Mweche kubha, Eryobha ꞉ndeemwahwire Yesu o Nasareeti gho komuha Akörö Ahörëëru no obhotoro. Yesu ꞉naaghiire ino na ino, araköra amachömu na kuhöri bhoose bhano ꞉bhaare bharanyaakibhu na changuru che Rishambu, gho kubha Eryobha ndeere haghirohamu nawe.

Amaköri gha Bhatomu 2:22

Bheetero akëëndërëra kobhugha, “Inyu abhaato bha Isiraeri, muntëghëërërë bhoheene! Eryobha eryene ndëbhëërëkiri obhokoro bho Yesu o Nasareeti ghokoonyu, gho nchëra e bhiraghe, ne ebheroghooro, ne ebhyërëkërëri bhe manga maaru bhino Eryobha ꞉reemoheere ghuköra ghate yaanyu. Ghayo, inyu mogheeche bhoheene.

1 Yohana 3:12

Totabha kinya Kaayini, iwe n‑omoona o Rishambu are, akamwita omonyi waache. Ngwake amwitiri? Namwitiri gho kubha amaköri gha Kaayini ngaare mabhe, amare gha monyi waache ngaare gha bhuhëënë.