Yohana 10:28 - Eriiraghano Eriihë

²⁸ Eni neghochiha obhuhöru bho miishe ghyose, koru chetaakobhora naabha. Wiiki taanyi‑ho omooto uno aghotora ghochisara koru mo‑mabhökö ghaane.

Yohana 10:28 ပူးပေါင်းရင်းမြစ်များ

Maariko 13:22

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri ne ebhiraghe, kubha bhasaki kobhangʼiina bhano bhaahwiru ne Eryobha.

Ruuka 23:46

Yesu aghakuura kwo riiraka ikoro akabhugha, “Oo Taata! Akörö yaane ˆnekayetoora mo‑mabhökö ghaacho.” Hano amariri kobhugha ghayo, aghatena akörö.

Yohana 10:29

Taata waane uno aheere changʼöndu chiyo m‑mokoro ghokera bhoose. Mbe, taanyi‑ho omooto uno aghotora ghochisara mo‑mabhökö ghaache.

Yohana 11:25

Yesu akamugharokeri akabhugha, “Eni neeni obhoryoki bhuyo, no obhuhöru. Omooto wowoose uno aghonkumi eni, koru nangabha akuure, naakubha muhöru.

Yohana 14:19

Rekeere eriibhagha isuuhu abhaato bha mo‑se ino bhataakondighi wiiki. Amare inyu mokondighi, gho kubha eni m‑muhöru, na niinyu mookubha abhahöru.

Yohana 17:2

Noheere obhotoro bho kobhakangata abhaato bhoose, kubha nebhahë abhaato bhano oheere obhuhöru bho miishe ghyose.

Yohana 18:9

Yesu ꞉naabhughiri hangʼu kubha ghahikeerane ghano ꞉asiikiire kubha, “Bhaare oheere nterumeeriri koru umu.”

Yohana 3:36

Omooto wowoose uno akomokumi Omoona o Ryobha naanyi no obhuhöru bho miishe ghyose. Amare omooto wowoose uno akomwanga taanyi no obhuhöru, gho kubha ghukarara kwo Waryobha ngokwëndërëra kubha ighoro yaache.

Yohana 4:14

Amare omooto aranyo amanche ghano nekomuha eni, taakooghu anyööta emiishe ghyose. Amanche ghano nekomuha eni ngaakubha kinya ekerika ke manche moose yaache, ghataakooma naabha, ngaakubha gharamuha obhuhöru bho miishe ghyose.”

Yohana 5:24

“Mahëënë ˆnekabhabhoorera, abhaato bhoose bhano bhaghoghooghu amangʼana ghaane na korekumi Eryobha rino rentomiri mbaanyi no obhuhöru bho miishe ghyose. Bhataaghoteneru ekiina kwo masari ghaabho, amare mbatëënyiri koru mo‑roko na ghusöha mo‑bhuhöru bho miishe ghyose.

Yohana 6:27

Motakörëra emeremo ebhiinyakurë bhino bheghusarëka, amare mubhe moraköra gho ghiri e kubhöna ebhiinyakurë bhino bhetaaghusarëka, bhino bhekobhaha abhaato obhuhöru bho miishe ghyose. Eni Omoona o Mooto nekobhaha abhaato ebhiinyakurë bhiyo, gho kubha Taata Waryobha naaheere obhotoro ghuköra ghayo.”

Yohana 6:37

Abhaato bhoose bhano Taata aheere, mbakuucha ghokoone na ghonkumi. Wiiki nteekomwanga naabha koru umu uno akuucha ghokoone.

Yohana 6:47

“Mahëënë ˆnekabhabhoorera, omooto wowoose uno aghonkumi eni, naanyi no obhuhöru bho miishe ghyose.

Yohana 6:68

Simiyooni Bheetero akamugharokeri akabhugha, “Oo Omutëmi, toghi waawe? Iye omwene noonyi na amangʼana ghano ghaghotuha obhuhöru bho miishe ghyose.

Amaköri gha Bhatomu 7:59

Hano bhaare bharamurasa amabhohe, Siteebhano aghasabha Eryobha, arabhugha, “Oo Omutëmi Yesu, osongʼaane akörö yaane!”

Abharuumi 5:17

Eriisari re mooto umu, ꞉ndiighëriri oroko rukangate abhaato bhoose gho kohetera omooto uyo umu. Amare hëënë ibheere, abhaato bhoose bhano mbaghosongʼaana atuho e ghareeya e Ryobha ino etaanyi ne ekirëngërë, mbakubhareru kubha mbaanyi no obhuhëënë ambërë e Ryobha. Bhayo mbaghukangata mo‑bhuhöru bho miishe ghyose, kohetera omooto umu, Yesu Kirisito.

Abharuumi 5:2

Gho nchëra e komokumi Omutëmi Yesu, Eryobha ꞉ndeetoheere aghareeya yaache. Koru ibheere ntokwëndërëra ghosongʼaana aghareeya iyo. Ntoghuchömëru chwee, gho kubha ntoghwitëngʼëra kubha ntoghusanga haghirohamu ne Eryobha mo‑bhokumi bhooche obhokoro.

Abharuumi 5:21

Mbe, eriisari ndeere na changuru che ghukangata abhaato na kobharëëtëra oroko. Hangʼu hangʼu, aghareeya e Ryobha nehaakangata abhaato, gho kobhabharera kubha mbaanyi no obhuhëënë, na kobhaha obhuhöru bho miishe ghyose, kohetera kwo Mutëmi wiito Yesu Kirisito.

Abharuumi 5:9

Ibheere, aribha tubhariiru kubha m‑bha hëënë, toonyi ambërë e Ryobha gho nchëra e masaahë gha Yesu Kirisito, hëënë ntoghotooribhu nawe koru mo‑nchagho e Ryobha.

Abharuumi 6:23

Omooto wowoose uno anyi omusësë o masari, amareho ghaache n‑oroko ro miishe ghyose. Amare itu, Eryobha ndeghotuha obhuhöru bho miishe ghyose. Obhuhöru bhuyo taanyi amareho, amare n‑atuho ino toghosongʼaana kohetera Kirisito Yesu, Omutëmi wiito.

Abharuumi 8:1

Mbe, ibheere Eryobha retaakobharööna abhaato bhano bhaghöötiine na Kirisito Yesu.

Abharuumi 8:29

Eryobha ꞉ndiimënyiri abhaato bhaache korwera hano ase ere ekeere ghutëëmu. Bhayo nibho Eryobha ꞉ryaahwire korwera kare bhabhe kinya Omoona waache Yesu Kirisito. ꞉Ndiiköriri hangʼu kubha Omoona waache abhe omutange ghate e bhahiiri bhaaru.

Abhabhiribhi 1:6

Neenyi no obhuhëënë kubha Eryobha rino ꞉riisëëmiri emeremo mimangi mo‑metema gheenyu, ndekwëndërëra ghoghiköra mbagha reghehikeerani mo‑rosiko ruure Kirisito Yesu aghugharuka.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

1 Timotewo 1:16

Koru hangʼu, Yesu Kirisito ꞉naandoochiire changori eni! ꞉Naanyëërëkiri obhoghumereri bhooche bhokoro chwee ghokoone eni uno neenyi na amasari ghokera bhoose, kubha kinya angumeriire eni ibhe ekyërëkërëri kwo bhaare bhakuucha komokumi na ghosongʼaana obhuhöru bho miishe ghyose.

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

Abheebhuraaniya 7:25

Gho ghiri iyo, iwe naanyi na changuru che kobhatoori kimu kimu abhaato bhoose bhano bhaaghuye kwo Waryobha kohetera ghokooche, gho kubha iwe muhöru emiishe ghyose, nakobhasabhera kwo Waryobha eriibhagha ryose.

1 Bheetero 1:5

Eryobha ndekobhachonga inyu gho changuru cheeche, gho nchëra e komokumi Yesu Kirisito. Moghochongu mbagha hano mokubhöna obhotoori bhuno bhokorighibhu mo‑chaasiko che ntenero.

1 Yohana 1:2

Ibheere obhuhöru bhuyo mbohikeriine, itu tokabhorighi. Ibheere ntokobhabhoorera obhuhëënë na kobharaghaneri angʼana ighoro e uyo anyi obhuhöru bho miishe ghyose. Iwe naare o‑Taata Waryobha, akëërëkibhu ghokwito.

1 Yohana 2:19

Abhaato bhayo ꞉mbaaruure mo‑makanisa ghiito, amare bhataare no obhumu bho hëënë na niitu, gho kubha aribha bhangabheere bha wiito mbangasaaghiri na niitu. Amare kohoroka koobho, n‑kwërëkiri haheero kubha, bhataare no obhumu na niitu kimu kimu.

1 Yohana 2:25

Rino aturaghiri Omoona o Ryobha niryo rino, kubha no obhuhöru bho miishe ghyose.

1 Yohana 5:11

Obhuhëënë bhuyo nibho bhuno, Eryobha ndetoheere obhuhöru bho miishe ghyose. Obhuhöru bhuyo ntokobhubhöna gho nchëra e ghokumi Omoona waache.

Yuuta 1:1

Anyaarubha ino neyandëkiri eni Yuuta, omutamishi o Yesu Kirisito, no omonyi waache Yakobho. ˆNekabhaandëkëra inyu bhano mosiighiru na kobherekeru na Taata Waryobha, na ghochongu bhoheene na Yesu Kirisito.

Yuuta 1:21

Mwichonge mo‑bhosiighi bho Ryobha, ino mörëëndërëra ghughanya ebheghongi bhe Mutëmi wiito Yesu Kirisito uno akobhaha obhuhöru bho miishe ghyose.

Yuuta 1:24

Eryobha niryo reenyi no obhotoro bho kobhachonga motaacha kobhora. Wiiki ndeenyi no obhotoro bho kobharëëta ambërë yaache mo‑bhokumi bhooche obhokoro, moonyi no oghuchömëru, motaanyi no obhobhe bhobhoose.