Yohana 1:16 - Eriiraghano Eriihë

¹⁶ Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha.

Yohana 1:16 ပူးပေါင်းရင်းမြစ်များ

Mataayo 13:12

gho kubha uno anyi ne egheghiro nakuhaabhu, na kwëngëru bhyaru. Amare uno ataanyi ne egheghiro nakuhöku koru kiire are ararighi kubha naanyi nakyo.

Mataayo 3:11

“Eni nekobhabhatiisa kwo manche kwërëki kubha motuukuuniri amasari ghaanyu. Amare uno akuucha anyuma yaane, iwe nakobhabhatiisa gho Körö Ahörëëru na kwo mororo. Omooto uyo naanyi na changuru ghonkera, koru nteekurëngʼaanera ghughëgha ebhekwera bheeche.

Mataayo 3:14

Amare Yohana aghakiibhi komurëki, akamobhoorera akabhugha, “Ningaahe iye ˆokaacha ghokoone? Eni neeni nekwëndëru kubhatiisu na niiye.”

Ruuka 21:15

Eni mwene, nekobhaha amangʼiini na amangʼana ghano moghosiikëra, koru abhabhisa bhaanyu bhataaghotora ghoghaanga hamu kobhakinda.

Yohana 3:34

Eryobha ꞉ndeemotomiri kubha asiikërë amangʼana ghaache, nikyo remoheere Akörö Ahörëëru etaanyi ne ekirëngërë.

Abharuumi 5:17

Eriisari re mooto umu, ꞉ndiighëriri oroko rukangate abhaato bhoose gho kohetera omooto uyo umu. Amare hëënë ibheere, abhaato bhoose bhano mbaghosongʼaana atuho e ghareeya e Ryobha ino etaanyi ne ekirëngërë, mbakubhareru kubha mbaanyi no obhuhëënë ambërë e Ryobha. Bhayo mbaghukangata mo‑bhuhöru bho miishe ghyose, kohetera omooto umu, Yesu Kirisito.

Abharuumi 5:2

Gho nchëra e komokumi Omutëmi Yesu, Eryobha ꞉ndeetoheere aghareeya yaache. Koru ibheere ntokwëndërëra ghosongʼaana aghareeya iyo. Ntoghuchömëru chwee, gho kubha ntoghwitëngʼëra kubha ntoghusanga haghirohamu ne Eryobha mo‑bhokumi bhooche obhokoro.

Abharuumi 5:20

Hano emeghiro ghe Musa ghiichiri, gheghaghëri amasari ghakiyëngëra. Koru hangʼu, hano amasari ghëëngiire, aghareeya e Ryobha yoose ëkëëndërëra kwiyëngëra chwee.

Abharuumi 8:9

Amare ibheere, inyu motaaghukangatu na simoka yaanyu e masari, amare moghukangatu na Akörö e Ryobha, gho kubha neghwikara moose yaanyu. Omooto wowoose uno ataanyi na Akörö e Kirisito, uyo taanyi omooto o Kirisito.

Abhaebheeso 1:23

Eriikanisa n‑omobhere o Kirisito, iryo n‑obhohikeerani bho Kirisito uno akohikeerani ebheghiro bhyose.

Abhaebheeso 3:19

Hëënë mokohikera kumënya obhosiighi bho Kirisito bhuno bhoghokera amangʼiini ghoose gha bhaato, mwichoribhu mbagha mohikere obhohikeerani bhuno bhookoru kwo Waryobha.

Abhakorosaayi 1:19

Gho kubha Eryobha ꞉ndeerooche n‑kumangi kubha, obhohikeerani bhooche bhoose bhwikare mo‑Moona waache.

Abhakorosaayi 2:3

Moose yaache neebhisuru agharinga yoose e mangʼiini no obhumënyi.

1 Bheetero 1:11

Akörö e Kirisito neere moose yaabho, ꞉niiröötiri kubha Kirisito nakunyaakibhu, ne eramara koheta anyaako iyo, nakubhöna obhokumi obhokoro. Abharööti bhayo ꞉mbiiköngʼiri chwee ghwisuncha bhamënyë kubha, amangʼana ghayo ngaakubha nyingake, na nibhu ghakomubhöna.

1 Bheetero 1:2

Korwera kare, Taata Waryobha nabhamënyiri na kobhaahura gho ghiri yaache. Akörö yaache nebhaköriri mubhe abhatööbhiyu, kubha momosooke Yesu Kirisito na komusu kwo masaahë ghaache. Nëköbhëëndëra aghareeya no omurëmbë kwo bhwaru, ghibhe na niinyu.