Yakobho 5:7 - Eriiraghano Eriihë

⁷ Mbe, abhahiiri bhaane, mubhe moraghumereri mbagha rehike eriibhagha rino Omutëmi akuucha. Mumööhi omoremi kebhuno ahaaghanya emimërö gheeche gheruusi omunöghö omuchömu, iwe nahaaghanya gho ghoghumereri ambura a yimbërë na a yenyuma.

Yakobho 5:7 ပူးပေါင်းရင်းမြစ်များ

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”

Mataayo 24:27

Nekobhugha hangʼu gho kubha, kuucha koone uno neenyi Omoona o Mooto ngookubha gho ghutakani kinya bhuno orunanehi rohaarighibhu korwera roghoro, hayo hayo rohika anyancha.

Mataayo 24:44

Gho ghiri iyo, na niinyu mubhe mwisëëmiri eriibhagha ryose, gho kubha eni Omoona o Mooto nekuucha kwo riibhagha rino motitëngʼiire.”

Ruuka 18:8

ˆNekabhabhoorera kubha, ndekobhaha obhuhëënë bhoobho bhwango. Amare, hano eni Omoona o Mooto nekuucha ghugharuka mo‑se ino, nekubhöna abhaato bharankumi?”

Ruuka 21:27

“Hayo niho abhaato bhakondighi eni Omoona o Mooto, neraacha mwishaaro, neenyi na changuru no obhokumi obhokoro.

Ruuka 8:15

“Chambusuru chino ꞉cheeghweriire mo‑riiröbhë ichömu, nchekwërëki abhaato bhano bhakooghu angʼana e Ryobha. Hano bhakumara kooghu, bhayighöötërëra mo‑metema gheebho kwo bhughöröröku. Wiiki bhëëngëra ghoghiihëëbha, bhayo mbahaaghumereri mbagha bharuusi amakorobhese amachömu.

Yohana 21:22

Yesu akamugharokeri akabhugha, “Aribha nekwënda kubha abhe muhöru mbagha hano neghugharuka, ngwake ghayo ghaghokunyaaki? Iye nuntambane eni.”

Yohana 21:23

Gho ghiri iyo, amangʼana ghayo ghaghasancha mo‑bhaghëndi kubha, omoonamwegha uyo taaghoku naabha. Amare Yesu tamobhooriire kubha omoonamwegha uyo taaghoku naabha, ꞉naabhughiri, “Aribha nekwënda kubha abhe muhöru mbagha hano neghugharuka, ngwake ghayo ghaghokunyaaki?”

Abharuumi 15:4

Ghoose ghano ꞉ghaandëkuru kare mo‑Mandëkö Amatööbhiyu, ꞉ngaandëkuru gho ghiri e ghotweghi itu. Amandëkö ghayo ngaghotusakeri ghoghumereri mo‑nyaako yiito na ghotughambisani, kubha tubhe na amiitëngʼërö.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

1 Abhakorinto 1:7

Ibheere motaaghotora ghosuuheru koru hasuuhu ekihaano ghe Körö Ahörëëru, hano mookubha moraghanya kwo miigha ghugharuka kwo Mutëmi wiito Yesu Kirisito.

Abhagharatiya 5:5

Amare itu, kino toghwitëngʼëra kwo bhotoro bho Körö Ahörëëru n‑kubha, Eryobha ndeghotubhara kubha abhaato abhahëënë, gho kubha ntokomokumi Yesu.

Abhagharatiya 6:9

Gho ghayo, totatamu ghuköra amaköri amachömu! Aribha toraghumereri ghuköra amachömu, ntoghughësa bhoheene eriibhagha re mughësö rerahika.

Abhakorosaayi 1:11

Ntoghusabha kubha Eryobha ryëndërërë kobhatoori gho changuru cheeche chino chetaanyi ne ekirëngërë, kubha motore ghoghumereri. Mbe, muchömëru

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

1 Abhatesaronike 2:19

꞉Ntwëëndiri kuucha bhowaanyu wiiki gho kubha, inyu niinyu abhatangi bha riitëngʼërö riito. Wiiki m‑bhawe abhatangi bha ghuchömëru na atuho yiito e bhokindi kwo Mutëmi Yesu araacha kuucha? Taanyi inyu?

1 Abhatesaronike 3:13

Wiiki aköngʼi emetema gheenyu, kubha mubhe abhatööbhiyu, motabha ni isörö ambërë e Waryobha Taata wiito, eriibhagha akuucha Omutëmi wiito Yesu haghirohamu na abhatööbhiyu bhaache bhoose.

Abheebhuraaniya 6:15

Mbe, Abhurahamu ꞉naaghanyiri na ghoghumereri mbagha akabhöna kino Eryobha reere remuraghiire.

Yakobho 4:11

Abhahiiri bhaane, motabha moratëmana amasörö, gho kubha, omooto woose uno aghutëma amasörö mughëndi waache, hamu komotenera ekiina, naakubha ataraahiri emeghiro ghe Ryobha. Aribha oraghitaraaha emeghiro, nekwërëki kubha toghesookiri emeghiro, amare nubheere omoteni o kiina o kobhiihera meghiro ghiyo.

Yakobho 5:10

Abhahiiri bhaane, morighi abharööti bhano ꞉bhaasiikiire kwo riina re Mutëmi Waryobha, bhabhe eghetuubhaani ghe ghoghumereri anyaako yaanyu.

Yakobho 5:3

Chasahaabhu na chambiiri cheenyu, nchirötiire, no okwiröötëra kuyo ngokobhaghambera inyu kebhuno mokuhökëri kobhe obhwame bhoonyu. Gho ghayo, Eryobha ndekobharööna kinya bhuno omororo ohasireekereri egheghiro. Ibheere inyu mwitooriire amamba gho chaasiko che ntenero.

2 Bheetero 3:4

bharabhugha kubha, “Kirisito ꞉naaraghiri kubha naghugharuka! Ibheere hayi anyi? Korwera bhasookoro bhiito bhaku, amangʼana m‑bhuure bhuure ghaanyi kinya bhuno ꞉ghaare korwera simoka e se!”