Yakobho 4:6 - Eriiraghano Eriihë

⁶ Amare, aghareeya ino tokuhaabhu ne Eryobha neenyi na changuru chwee, kinya Amandëkö Amatööbhiyu ghakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”

Yakobho 4:6 ပူးပေါင်းရင်းမြစ်များ

Mataayo 13:12

gho kubha uno anyi ne egheghiro nakuhaabhu, na kwëngëru bhyaru. Amare uno ataanyi ne egheghiro nakuhöku koru kiire are ararighi kubha naanyi nakyo.

Mataayo 23:12

Omooto wowoose uno aghwitiiri, Eryobha ndekomwiki haase. Amare omooto wowoose uno aghwitoora haase, Eryobha ndekomotiiri ighoro.

Ruuka 1:52

Na bhano ꞉bhaare bharatëmi kwo bhotoro bhwaru, akabharuusi mo‑bhutëmi bhoobho, amare abhaato bhano bhaanyi ne eriimanya re haase, bhabhe abhaato abhakoro.

Ruuka 14:11

Wiiki, omooto woose uno aghwitiiri, Eryobha ndekomwiki haase. Omooto woose uno aghwitoora haase, Eryobha ndekomotiiri ighoro.”

Ruuka 18:14

Niho Yesu akëëndërëra akabhugha, “ˆNekabhabhoorera kubha, omutöbhi uyo o righööti ꞉naagharokiri awaache, amariri kwabhëru ne Eryobha. Amare uyo owonde, tiyaanyi! Omooto woose uno aghwitiiri, Eryobha ndekomwiki haase. Wiiki omooto woose uno aghwitoora haase, Eryobha ndekomotiiri ighoro.”

Yakobho 4:10

Mwinyööhi ambërë e Mutëmi, nawe nakobhaghongi.

1 Bheetero 5:5

Bhuure bhuure na niinyu abhabhureni, mokwëndëru mobhasooke abhagharuka bha riikanisa. Na niinyu bhoose mubhe abhaato abhanyööhu na mubhe moratoorani. Mukörë hangʼu, gho kubha Amandëkö Amatööbhiyu ngakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”