Tiito 3:3 - Eriiraghano Eriihë

³ Koru itu bheene eriibhagha riire toore tokeere komokumi Yesu, ntoore bharaghaanu, na abhiigharori, wiiki ntongʼiinuru chwee. Ntoore abhasësë bha miigha amabhe gha manga maaru gha se ino. Eriimanya riito ndeere re bhobhe ne eriihari. Abhaato mbaare bhaturëghiri, na niitu ntoore tobharëghiri.

Tiito 3:3 ပူးပေါင်းရင်းမြစ်များ

Mataayo 21:29

Omoona uyo akamugharokeri akabhugha, ‘Nteeghuye.’ Amare akamara aghagharura amiihëëbhö ghaache, aghaye aghaköra.

Ruuka 21:8

Akabhagharokeri akabhugha, “Ibheere mubhe miisho, motaacha kongʼiinu. Abhaato bhaaru mbakuucha kwo riina reene bharabhugha, ‘N‑eni wuure wuure.’ Wiiki, mbakobhugha, ‘Eriibhagha riire, ˆreghatingʼi.’ Abhaato bhayo, motabhatambana!

Yohana 8:34

Yesu akabhagharokeri akabhugha, “Mahëënë ˆnekabhabhoorera, omooto wowoose uno akwëndërëra ghuköra amasari, n‑omusësë o masari.

Abharuumi 11:30

Kare, inyu motaare moraresooka Eryobha, amare ibheere mosongʼaaniri ebheghongi bhe Ryobha, gho kubha Abhiisiraeri bhataresookiri.

Abharuumi 6:12

Gho ghayo, motiishereri amasari ghakangate emebhere gheenyu ghino ghehaaku. Motiishereri korutu na amiigha amabhe gha mebhere gheenyu.

Abharuumi 6:17

Kare, inyu moore abhasësë bha masari. Amare nekoriitabheri Eryobha, gho kubha ibheere mwisheriiri kwo metema gheenyu ghyose ghosooka ameeghi gha bhuhëënë ghano ꞉moosongʼaaniri.

Abharuumi 6:22

Ibheere Eryobha ndebharuusiri koru mo‑kibhöhö ke masari, kubha motabha abhasësë bha masari wiiki. Amare ndebhaköriri kubha abhasësë bhaache, na kurëngʼaana na ghayo mobhwine obhwëra. Obhwëra bhuyo n‑korihökëri Eryobha gho körö imu na antenero yaache n‑ghosongʼaana obhuhöru bho miishe ghyose.

Abharuumi 6:6

Ntweche kubha eriimanya riito re kare ꞉ndiimamburu haghirohamu na Kirisito mo‑musarabha, kubha changuru che masari chetatukangata wiiki, na ghotuköra tubhe abhasësë bha masari.

2 Abhakorinto 12:20

Ibheere neghotiina kubha, eriibhagha rino nekuucha bhowaanyu, nekobhabhöna moonyi na atëëmö ino etaaghunchömëri eni. Riyo ndeghughëri nikörë ghano ghataakobhachömëri inyu. Neghotiina kubha neghotora kobhabhöna moonyi ne eriireghe, no obhusööhu, no oghukarara, no obhunyawumu, no obhori bho bhaato, na kwibhora amangʼana, no obhwihachi na amahë.

Abhagharatiya 6:3

Mbe, omooto wowoose uno akwirighi kubha no obhwëra ghokera bhaghëndi bhaache, uyo taanyi no obhwëra bhobhoose, nakwingʼiina.

Abhakorosaayi 1:21

Hayo ekeenyuma inyu bhoose moore kurë ne Eryobha wiiki moore abhabhisa bhaache, gho ghiri e miihëëbhö na chatëëmö cheenyu chambe. Amare ibheere Eryobha ndebhaghöötiini nawe

Abhakorosaayi 3:7

Inyu hayo ekeenyuma moore moraköra ghayo hano moore mumanyiri kurëngʼaana na ghayo.

2 Timotewo 3:13

Amare abhaköri bha masari na abharöngö mbakwëndërëra kubha abhaköri bha masari chwee, mbaakubha bharangʼiina na kongʼiinu.

2 Timotewo 3:6

Ghate yaabho mbaanyi‑mu bhano bhaghusöha kwo mukörö mobhe mo‑chaaka che bhaato, na kobhangʼiina abhakari abharaghaanu. Abhakari bhayo mbakeyuru na amasari, mbaghukangatu na amiigha gha manga maaru.

Tiito 1:16

Abheene mbakobhugha kubha mbeeche Eryobha, amare amaköri ghaabho ngakwërëki kubha, mbakoryanga. Bhayo mbaghukarari, na m‑bhiigharori, na bhataakurëngʼaanera kwo ngʼana yoyoose anchömu.

Tiito 2:12

Aghareeya iyo, neghotweghi kwanga amabhe na amiigha gha mo‑se. Gho ghayo, eriibhagha tokeere mo‑se ino, tubhe ne ekirëngërë, na abhahëënë, na tubhe abhaato bhano bhamanyiri eriimanya rino Eryobha rekwënda.

Yakobho 1:26

Aribha omooto ariirighi kubha naanyi na atiini, amare ataakoruhööchërëra ororeme rooche, uyo nakwingʼiina mo‑motema waache, ghutambana kooche atiini ghotaanyi no obhwëra ambërë e Ryobha.

1 Bheetero 1:14

Inyu n‑abhaana bha Ryobha moonyi. Ibheere moresooke, motiishereri ghutambana wiiki amiigha ghano moore nagho hayo ekeenyuma, eriibhagha riire moore mokeere korimënya Eryobha.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Obhohunyurëru 13:14

Kwo bhyërëkërëri bhino rihaabhuru ghuköra gho ghiri e ghotyenyi ghuure o ghumbërë, ghokabhangʼiina bhano bhataare bharakumi mo‑se. Ghokabhabhoorera abhaato bhabhaache asanaamu e ghosooka oghotyenyi ghuure o ghumbërë ghuno ghunyahaaruru ne ekinyamiino, amare ghökëëndërëra kubha ghuhöru.

Obhohunyurëru 18:2

Aghatiiri eriiraka ikoro chwee, arabhugha, “ˆOghagho! Omoghya omokoro o Bhabheeri ˆoghagho! Ibheere nubheere obhwikari bho misambu ghe manga ghoose, na ahaghiro haabho ha kwibhisa. Nubheere ahaghiro ha kwibhisa, ebhinyönyi bhe manga ghoose, ebheghonchu ne ebhesineenu.