Tiito 2:4 - Eriiraghano Eriihë

⁴ Gho ghuköra hangʼu, bhabhe bhareeghi abhasubhaati kubha bhabhasiighe abhasubhe bhaabho na abhaana bhaabho.

Tiito 2:4 ပူးပေါင်းရင်းမြစ်များ

1 Timotewo 5:11

Amare abhasino abhasubhaati, otabhiisherereri ghusöha mo‑mubharo o bhasino, gho kubha amiigha gha mobhere ngakobhakinda, mbaghutabhara ghokwiru ghokera kwiruuseri ghuköra emeremo ghe Kirisito.

1 Timotewo 5:14

Ibheere, nekwënda abhasino bhano bhakeere abhasubhaati, bhabhe bharakwiru, bhiibhore abhaana na kumööhi chaaka cheebho, kubha abhabhisa bhiito bhatighe ghotughamba kobhe.

1 Timotewo 5:2

abhakari abhakungu obharwache kinya bhaanyako, na abhaakë obharwache kinya abhasubhaati bhaacho. Ukörë hangʼu amare ukabhaahe otabhiighomba.

Tiito 2:3

Bhuure bhuure abhaghiikoro abhakungu, obhabhoorere kubha bhabhe no orughëndö runo rokoreghongi Eryobha. Bhatabha abhitaamereri bha bhaato, na bhanyo bha maro, amare mbakwëndëru kweghi amangʼana amachömu.

Tiito 2:5

Wiiki, bhabhe ne ekirëngërë, na bhaghöröröku, bhakörë bhoheene emeremo mo‑chanyumba cheebho, na bhabhe abhaato abhahöriicho, na bhano bhaghosooka abhasubhe bhaabho. Obhabhoorere bhakörë hangʼu, kubha Angʼana e Ryobha etataraahu.