Tiito 2:3 - Eriiraghano Eriihë

³ Bhuure bhuure abhaghiikoro abhakungu, obhabhoorere kubha bhabhe no orughëndö runo rokoreghongi Eryobha. Bhatabha abhitaamereri bha bhaato, na bhanyo bha maro, amare mbakwëndëru kweghi amangʼana amachömu.

Tiito 2:3 ပူးပေါင်းရင်းမြစ်များ

Abharuumi 1:29

Mbiichwire amasari gha manga maaru, mbaghuköra amabhe haghare haghare, wiiki m‑bhiighombi bha bheghiro, na mbaanyi ne eriihari. Mbasiighiri eriihë, obhwiti no obhokobhooshani. Mbaghosiikëra obhuröngö na mbaanyi no omukörö mobhe. M‑bhari bha bhaato,

Abharuumi 16:2

Neghusabha momughënëhi bhoheene, gho kubha woose n‑omokumi o Mutëmi Yesu. Momughënëhi kinya bhuno ekwëndëru ghate e bhakumi bha Yesu Kirisito. Wiiki, neghusabha kubha, momusakeri ghyokyose kino akwënda, gho kubha iwe woose ꞉naabhasakiiri abhaato bhaaru, koru eni woose.

Abhaebheeso 5:3

Ibheere inyu motaköra obhutaari, koru obhoghonchu bhobhoose bhuure hamu obhwighombi bho bheghiro, gho kubha amangʼana ghanga ghayo ghataakwëndëru mo‑bhaato abhatööbhiyu.

1 Timotewo 3:11

Abhakari bhaabho nabho, bhabhe bhano bhaanyi na atëëmö inchömu, bhatabha abhitaamereri bha bhaato, bhabhe ne ekirëngërë, wiiki bhabhe abhahëënë mo‑mangʼana ghoose.

1 Timotewo 3:8

Amashemaasi hangʼu hangʼu, bhabhe abhaato bhano bhaanyi na atëëmö inchömu, bhatabha chaghughuuti, bhatabha abharëëbhi, bhatiighomba kwibhönëra chambiiri gho nchëra ambe.

1 Timotewo 5:23

Korwera ibheere, iye otanyo amanche agheene, amare ubhe oranyo na amaro masuuhu gho ghiri e obhubhabharu bho nda yaacho na amabhabharu aghande ghano ghaghokunyaaki.

Tiito 1:7

Ibheere asikoofu, nakwëndëru abhe omooto uno ataanyi ni isörö, gho kubha nahaabhuru emeremo ghe Ryobha. Atabha omooto uno anyi no omutu muköngʼu, na atabha mwango o ghukarara, na atabha omurëëbhi, na atabha omurööni, wiiki atiighomba kwibhönëra chambiiri gho nchëra ambe.

Tiito 2:4

Gho ghuköra hangʼu, bhabhe bhareeghi abhasubhaati kubha bhabhasiighe abhasubhe bhaabho na abhaana bhaabho.

Abheebhuraaniya 5:12

Kwo riibhagha rino mongabheere mumariri kubha abheeghi bha bhaghëndi bhaanyu, amare inyu mokeere mörëënda omooto ache abheeghi ameeghi a mambërë gha ngʼana e Ryobha! Mbe, inyu moonyi kinya ebhengʼwerere bhino bheghughööka okwene, bhetaaghotora kurë ebhiinyakurë ebhiköngʼu.

Obhohunyurëru 2:20

Amare neenyi na angʼana imu ino ekunyaaki ighoro yaanyu. Inyu motaaghoghanga amangʼana gha mukari wuure Yesebheeri. Iwe nakwibherekera kubha m‑murööti, amare tiyaanyi. Mokomwisherereri angʼiine abhatamishi bhaane gho kobheeghi bhakörë obhutaari, na kurë ebhiinyakurë bhino ꞉bhiihëriinu amaruusi gho sanaamu.