Tiito 1:3 - Eriiraghano Eriihë

³ Ibheere, n‑eriibhagha rino Eryobha ryëndiri kwërëki haheero Angʼana yaache Anchömu. Eryobha Omotoori wiito ꞉ndiihatëkiri kuuha omoremo o koyiraghani angʼana iyo.

Tiito 1:3 ပူးပေါင်းရင်းမြစ်များ

Maariko 1:15

Eriibhagha are araraghani, naare arabhugha, “Eriibhagha rino rirööturu, ˆrekahika. Wiiki, obhutëmi bho Ryobha ˆbhoghatingʼi. Mbe, motuukuunere amasari ghaanyu, na koyekumi Angʼana Anchömu iyo.”

Maariko 13:10

Angʼana Anchömu nekwëndëru kuraghanu singa mo‑bhaato bha chaase choose.

Maariko 16:15

Niho akabhabhoorera akabhugha, “Mughëndë mo‑se yoose, muraghani Angʼana Anchömu kwo bhaato bhoose.

Ruuka 1:47

na noghosiigherasiighera Waryobha, Omotoori waane,

Amaköri gha Bhatomu 10:36

Iwe ꞉naatomiri amangʼana ghaache kwo Abhiisiraeri arabharaghaneri Angʼana Anchömu e murëmbë gho nchëra e Yesu Kirisito. Yesu uyo niwe Omutëmi o bhaato bhoose.

Amaköri gha Bhatomu 17:26

Kwo mooto umu, nimu aruusiri amatöngö ghoose gha abhaato, kubha bhamanye mo‑chaase choose. Korwera hayo kare rekabhatoorera eriibhagha re kumanya, na chambebhe che haghiro hano bhaakubha bhariikara.

Abharuumi 15:19

꞉Mbaaruturu koresooka, gho kubha kohetera ghokoone mbarooche changuru che Kirisito mo‑bhyërëkërëri ne ebhiraghe. ꞉Neetoriri ghoghaköra gho changuru che Körö e Ryobha. Gho ghayo, ꞉niinaariri ahaghiro hoose kuraghani Angʼana Anchömu ighoro e Kirisito, korwera mo‑moghya o Yerusareemu mbagha mo‑mukööwa o Iririiko.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

Abharuumi 16:26

na kohetera mo‑Mandëkö Amatööbhiyu gha abharööti, angʼana iyo nimënyuru kwo bhaato bha amatöngö ghoose mo‑se. Eryobha re miishe ghyose niryo rihatëkiri angʼana iyo iraghanibhu mo‑bhaato bhoose, kubha bhayo bhoose bhatore komokumi na komosooka Omutëmi Yesu.

Abharuumi 5:6

Mbe, hano itu toore tokeere totaanyi ni inguru, Kirisito ꞉niichiri. Hano eriibhagha rehikiri, aghaku gho ghiri yiito abhabhe.

1 Abhakorinto 9:17

Aribha nengabheere neraköra emeremo ghino kwo miigha ghaane eni omwene, nengiitëngʼiire kubhöna atuho. Amare taanyi hangʼu ghokoone, gho kubha Eryobha ndeheere emeremo ghino kwo mënda ghaache, kubha neghikörë.

Abhagharatiya 4:4

Amare eriibhagha rino rirënguru hano rehikiri, Eryobha rekamotoma Omoona waache mo‑se ino. Omoona waache akiibhoru no omukari kinya itu, akamanya haase e meghiro ghe Musa.

Abhaebheeso 1:10

Amangʼana ghano ndeghoghahikeerani kwo riibhagha reeche, ndekobhetoora ebheghiro bhyose bhe Mwishaaro na bhe mo‑se mo‑bhukangati bho Kirisito.

Abhaebheeso 2:17

Mbe, Kirisito ꞉niichiri akaraghani Angʼana Anchömu e murëmbë ghokoonyu inyu abhaato bha matöngö bhano moore kurë ne Eryobha, na kwo Bhayahuuti bhano ꞉bhaare haghuhe ne Eryobha.

Abhabhiribhi 1:13

Abhachongi bhoose bha nyumba e ghitëmi, haghirohamu na abhande bhoose bhano bhaanyi hano, mbeeche kubha nibhöhuru gho kubha nekomuhökëri Kirisito.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

Abhakorosaayi 1:6

Angʼana Anchömu ino ꞉ehikiri bhowaanyu, nisanchiri mo‑se ingima. Nekobhagharura abhaato kinya ꞉ebhagharwire inyu korwera orosiko runo ꞉mooghwire na kumënya aghareeya e Ryobha no obhuhëënë bho ghareeya yaache kebhuno enyi.

1 Abhatesaronike 2:4

Amare ntokuraghani gho kubha Eryobha ndetorooche kubha nturëngʼaaniire, reghatuha omoremo o kuraghani Angʼana Anchömu. Totaaghwitëngʼëra ghuchömëri abhaato, amare ntokwënda korichömëri Eryobha, rino rekorighi ghoose ghano ghaanyi moose e metema ghiito.

1 Timotewo 1:1

Anyaarubha ino neyandëkiri eni Bhawuro. Eni netomuru kubha omotomu o Kirisito Yesu gho kuhatëku ne Eryobha Omotoori wiito na Kirisito Yesu uno anyi eriitëngʼërö riito.

1 Timotewo 1:11

Ameeghi ghayo gha hëënë ngahaabhönëka mo‑Ngʼana Anchömu, ino ekwërëki obhokumi obhokoro bho Ryobha rino reghoghongibhu. Angʼana iyo niyo ꞉niihaabhuru ne Eryobha neyiraghani.

1 Timotewo 2:3

Angʼana ino n‑inchömu, wiiki neghotegheri Waryobha Omotoori wiito.

1 Timotewo 4:10

Riyo niryo reghughëri toriiköngʼi ghuköra emeremo gho ghwiköngʼi, gho kubha ntokoriitëngʼëra Eryobha rino reenyi ihöru. Iryo niryo Omotoori o bhaato bhoose, ahanene kwo bhano bhaghokumi.

2 Timotewo 4:17

Amare Omutëmi Yesu naare haghirohamu na neeni. ꞉Naaheere changuru che kuraghani Angʼana Anchömu kwo bhohikeeranu, kubha abhaato bhoose bha matöngö bhayooghu. ꞉Naantooriri mo‑tabhaaribhaari e roko, gho kubha neere kinya uno anyi mo‑monu o ka.

Tiito 2:10

Wiiki bhatabha abhiibhi, amare bhabhe abhahëënë inkongʼorimu, kubha emeremo gheebho ghyose, ghighëri abhande bharutu na ameeghi gha Waryobha Omotoori wiito.

Tiito 2:13

Tughöötë amangʼana ghano, toraghanya na ghwitëngʼëra orosiko ruure oruchömu ro ghugharuka kwo Kirisito Yesu. Orosiko ruyo nakorighibhu mo‑bhokumi bhooche obhokoro. Iwe niwe Eryobha riito Eriikoro no Omotoori wiito.

Obhohunyurëru 14:16

Niho uno are ikeere ighoro e rishaaro akarëkëra eriighësö reeche mo‑se, aghaghësa omunöghö uyo o se ingima.