Tiito 1:2 - Eriiraghano Eriihë

² na mbokobhaha amiitëngʼërö gha bhuhöru bho miishe ghyose. Eryobha ꞉ndiiraghiri obhuhöru bhuyo, koru rekeere ghutëëma ase, na retaaghosiikëra obhuröngö.

Tiito 1:2 ပူးပေါင်းရင်းမြစ်များ

Mataayo 25:34

“Niho eni uno neenyi Omutëmi nekobhabhoorera abhaato bhaare bhaanyi okubhökö koone gho kwiro nebhughe, ‘Muuche, inyu bhano Taata waane abhitabhiiri. Musöhë mo‑bhutëmi bhuno Eryobha rebhasëëmiire korwera ghutëëmu gho se ino.

Mataayo 25:46

“Niho abhaköri bha masari bhaare bhaghutanura na ghuye ghoteneru ekiina ke miishe ghyose. Amare bhaare abhahëënë, mbaghusöha mo‑bhuhöru bho miishe ghyose.”

Maariko 10:17

Hano Yesu na abhaanabheegha bhaache bhasëëmiri ghutanura, omooto umu akamuyaarera, akabhuna ebheru ambërë yaache. Akamobhoori Yesu akabhugha, “Omweghi omuhëënë, nikörë ke, kubha mo‑rosiko ro ntenero nibhönë obhuhöru bho miishe ghyose?”

Maariko 10:30

Eryobha ndekomuha bhyaru chwee ghokera bhiyo. Mo‑se ino yi ibheere naghosongʼaana anyumba, bhaömööbhö bha ghesubhe, na bha ghikari, na nyina, na abhaana ne emeghondo. Haghirohamu na ghayo, mokunyaakibhu na abhaato. Mo‑se ino ekuucha, naghosongʼaana obhuhöru bho miishe ghyose.

Yohana 10:28

Eni neghochiha obhuhöru bho miishe ghyose, koru chetaakobhora naabha. Wiiki taanyi‑ho omooto uno aghotora ghochisara koru mo‑mabhökö ghaane.

Yohana 17:2

Noheere obhotoro bho kobhakangata abhaato bhoose, kubha nebhahë abhaato bhano oheere obhuhöru bho miishe ghyose.

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Yohana 5:39

“Inyu moghwiköngʼi chwee ghusöma Amandëkö Amatööbhiyu gho kubha mokwihëëbha kubha moghotora kubhöna muyo obhuhöru bho miishe ghyose. Amandëkö ghayo ghayo nigho ghaghungambëra eni.

Yohana 6:54

Omooto wowoose uno akurë omobhere waane na kunyo amasaahë ghaane naanyi no obhuhöru bho miishe ghyose, na neeni nekomoryoki mo‑rosiko ro ntenero.

Yohana 6:68

Simiyooni Bheetero akamugharokeri akabhugha, “Oo Omutëmi, toghi waawe? Iye omwene noonyi na amangʼana ghano ghaghotuha obhuhöru bho miishe ghyose.

Amaköri gha Bhatomu 15:18

wiiki nigho ghayo ghayo ꞉ghaamënyuru korwera kare.’”

Abharuumi 1:2

Angʼana Anchömu iyo, niyo ino Eryobha ꞉riiraghiri korwera kare, kohetera mo‑bharööti bhaache mo‑Mandëkö Amatööbhiyu.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Abharuumi 5:2

Gho nchëra e komokumi Omutëmi Yesu, Eryobha ꞉ndeetoheere aghareeya yaache. Koru ibheere ntokwëndërëra ghosongʼaana aghareeya iyo. Ntoghuchömëru chwee, gho kubha ntoghwitëngʼëra kubha ntoghusanga haghirohamu ne Eryobha mo‑bhokumi bhooche obhokoro.

Abharuumi 5:21

Mbe, eriisari ndeere na changuru che ghukangata abhaato na kobharëëtëra oroko. Hangʼu hangʼu, aghareeya e Ryobha nehaakangata abhaato, gho kobhabharera kubha mbaanyi no obhuhëënë, na kobhaha obhuhöru bho miishe ghyose, kohetera kwo Mutëmi wiito Yesu Kirisito.

Abharuumi 5:4

Obhoghumereri nibho bhoghoturëëtëra obhosubhesubhe, no obhosubhesubhe mboghughëri tubhe na amiitëngʼërö.

Abharuumi 6:23

Omooto wowoose uno anyi omusësë o masari, amareho ghaache n‑oroko ro miishe ghyose. Amare itu, Eryobha ndeghotuha obhuhöru bho miishe ghyose. Obhuhöru bhuyo taanyi amareho, amare n‑atuho ino toghosongʼaana kohetera Kirisito Yesu, Omutëmi wiito.

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

1 Abhatesaronike 2:15

Abhayahuuti bhayo, nibho bhamwitiri Omutëmi Yesu na abharööti bha kare. Wiiki nibho bhatunyaakiri itu. Abhaato bhayo, mbakorikarari Eryobha, wiiki nibho abhabhisa bha bhaato bhoose,

1 Abhatesaronike 5:8

Amare itu, gho kubha ntoonyi abhaato bha mwishe, tubhe ne ekirëngërë. Tubhe no obhokumi no obhosiighi, bhiyo mbeekubha kinya angubha mo‑ghekubha. Wiiki toriitëngʼërë Eryobha ghototoori, niho tookubha kinya tobheekiri eriihima re kyoma a‑mutu.

1 Timotewo 6:12

Wiköngʼi kurööna eriihë ichömu re bhokumi bhwito, ughöötërërë obhuhöru bho miishe ghyose. Obhuhöru bhuyo, Eryobha ndebhabherekiire mobhubhönë, na moruusiri obhwibhateri bho mahëënë ambërë e bhiibhateri bhaaru kubha, moghwitëngʼëra kobhubhöna.

1 Timotewo 6:19

Gho ghuköra hangʼu, mbaghwitoorera agharinga kinya obhoroso bhuköngʼu gho chaasiko chino chekuucha. Hangʼu nibhu bhakuucha ghosongʼaana obhuhöru bho hëënë.

2 Timotewo 1:1

Anyaarubha ino neyandëkiri eni Bhawuro. Eni netomuru kwo mënda gha Ryobha kubha omotomu o Kirisito Yesu, kubha niraghani angʼana e bhuhöru. Eryobha ꞉ndiiraghiri kubha, obhuhöru bhuyo mbokubhönëka gho komokumi Kirisito Yesu.

2 Timotewo 1:9

Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

2 Timotewo 2:10

Gho ghayo, neghoghumereri ghoose gho ghiri e bhaato bhano bhaahwiru ne Eryobha bhabhe abhaato bhaache. Neghuköra hangʼu, kubha bhoose bhasongʼaane obhotoori kohetera Kirisito Yesu, na ghusanga obhokumi bhooche obhokoro bho emiishe ghyose.

2 Timotewo 2:13

Nangabha itu totaanyi abhahëënë ghokooche, iwe naghusaagha kubha omuhëënë, gho kubha iwe taaghotora kwiyanga omwene.”

2 Timotewo 2:15

Wiköngʼi kweghi angʼana e hëënë, kinya bhuno ekwëndëru kwo Ryobha. Hayo nookubha omuhöki o meremo uno ataanyi na chaasoni gho ghiri e meremo gheeche. Ghuköra hangʼu niko Eryobha reghwishereri.

Tiito 2:13

Tughöötë amangʼana ghano, toraghanya na ghwitëngʼëra orosiko ruure oruchömu ro ghugharuka kwo Kirisito Yesu. Orosiko ruyo nakorighibhu mo‑bhokumi bhooche obhokoro. Iwe niwe Eryobha riito Eriikoro no Omotoori wiito.

Tiito 2:7

Iye woose, mo‑mangʼana ghaacho ghoose, ubhe eghetuubhaani ghe kweghu gho ghuköra amachömu. Mo‑meeghi ghaacho, wërëki asooko no obhuhëënë.

Tiito 3:7

꞉Ndiiköriri hangʼu, na ghotubhara kubha m‑bha bhuhëënë gho nchëra e ghareeya yaache, kubha tubhönë ghughabha obhuhöru bho miishe ghyose, kebhuno toghwitëngʼëra.

1 Yohana 2:25

Rino aturaghiri Omoona o Ryobha niryo rino, kubha no obhuhöru bho miishe ghyose.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

Yuuta 1:21

Mwichonge mo‑bhosiighi bho Ryobha, ino mörëëndërëra ghughanya ebheghongi bhe Mutëmi wiito Yesu Kirisito uno akobhaha obhuhöru bho miishe ghyose.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

Obhohunyurëru 17:8

Oghotyenyi ghuno orooche, ekimbërë ngoore ghuhöru amare ibheere ngokuure. Ibheere haghuhe ghoonyi koru mwirooma re mashambu, amare Eryobha ndeghoghosireekereri. Abhaato bhoose bha se bhano amariina ghaabho ghataandëkuru mo‑Ghitabhu ke Bhuhöru korwera ghutëëmu gho se, mbakoroghoora korighi oghotyenyi ghuyo gho kubha ngoore‑ho, ghokamara ghoghaku, amare ghoghagharuka wiiki.”