Ruuka 9:7 - Eriiraghano Eriihë

⁷ Ghoose ghano Yesu are araköra, omukangati Herote Antibha naare arooghu amangʼana ghaache. Ibheere ghakamuköra aghatiina, gho kubha, abhaato abhande mbaare bharabhugha kubha, Yesu niwe Yohana uno aryokiri koru mo‑bhaku.

Ruuka 9:7 ပူးပေါင်းရင်းမြစ်များ

Mataayo 11:2

Eriibhagha riyo Yohana Omubhatisaachi are abhöhuru mwighërëcha. Hano oghwire ghano Kirisito are araköra, akabhatoma abhaanabheegha bhaache abhamu,

Maariko 8:28

Bhakamugharokeri bhakabhugha, “Abhande mbakobhugha iye n‑Yohana Omubhatisaachi, abhande mbakobhugha iye n‑omurööti Eriya, abhande mbakobhugha n‑umu ghate e bharööti abhande bha Ryobha.”

Ruuka 13:31

Eriibhagha riyo riyo, Amabharisaayo abhande ꞉mbaamutambiine Yesu bhakamobhoorera bhakabhugha, “Nooru hano, oghi ahaghiro ahande, gho kubha Herote Antibha nakwënda ghoghwita.”

Ruuka 21:25

“Wiiki haakubha ne ekyërëkërëri koru mo‑ryobha, na mo‑mwëri, na mo‑chanchöta. Wiiki hano mo‑se, chanyancha neekubha cheraruma ne emekunda mihaari chwee. Ibheere kurëngʼaana na amangʼana ghayo, ngaghughëri abhaato bha chaase bhabhe na ahaho na kobhori omurëmbë.

Ruuka 23:7

Hano amënyiri kubha iwe m‑Mughariraaya o mo‑bhutëmi bho Herote Antibha, akamohira ghokooche. Mo‑chaasiko chiyo, Herote Antibha naare hayo Yerusareemu.

Ruuka 3:1

Neere omooka wi ikomi na ghataano o bhukangati bhooche Kayisaari Tibheeriyo o Bharuumi. Eriibhagha riyo Bhontiyo Bhiraato, naare omukangati mo‑mukööwa o Yuteya, na Herote Antibha, naare omukangati mo‑mukööwa o Ghariraaya. Bhiiribho nawe, ömööbhö Herote, naare omukangati mo‑mukööwa o Itureya, na Tirakoniti. Wiiki Riisaniya, naare omukangati mo‑mukööwa o Abhireene.

Ruuka 9:19

Bhakamugharokeri bhakabhugha, “Abhande, mbakobhugha kubha, iye niiye Yohana Omubhatisaachi. Wiiki abhande mbakobhugha, iye n‑omurööti Eriya na abhande mbakobhugha kubha, iye n‑omurööti o kare uno aryokiri.”