Ruuka 9:2 - Eriiraghano Eriihë

² Akabhatoma, bhaghëndë kuraghaneri abhaato angʼana e bhutëmi bho Ryobha, na kobhahöri abhabhabharu na koruusi emisambu.

Ruuka 9:2 ပူးပေါင်းရင်းမြစ်များ

Mataayo 10:5

Yesu akabhatoma bhayo ikomi na bhabhere, akabharaghereri akabhugha, “Motaheta mo‑chaase che bhaato bha matöngö, wiiki motasöha mo‑moghya wowoose o Bhasamaariya.

Mataayo 13:19

Omooto wowoose uno akooghu angʼana e bhutëmi bho Ryobha amare atayimënya, Erishambu ndekuucha na koyisara angʼana ino Eryobha ryemiri mo‑motema waache. Omooto uyo natuubhiine na chambusuro chino ꞉cheeghweriire mo‑nchëra.

Mataayo 24:14

Wiiki Angʼana Anchömu e bhutëmi bho Mwishaaro nekuraghanibhu mo‑matöngö ghoose kubha abhaato bhoose bhayimënyë. Kwo riibhagha riyo, niho antenero e se ekuucha.

Mataayo 3:2

“Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

Maariko 16:15

Niho akabhabhoorera akabhugha, “Mughëndë mo‑se yoose, muraghani Angʼana Anchömu kwo bhaato bhoose.

Maariko 6:12

Abhaanabheegha bhaare bhaghatanura, bhaghasëëma kobharaghaneri abhaato kubha bhatuukuune na ghotigha amasari ghaabho.

Ruuka 10:1

Achekumara ghayo, Omutëmi Yesu akaahura abhaghëndi abhande, miröngö mohungate na bhabhere. Akabhatoma bhabhere bhabhere, bhakangate mo‑meghya na ahaghiro hoose, hano are ëndiri ghuye omwene.

Ruuka 10:11

‘Koru orotu ro moghya waanyu runo roonyi mo‑maghoro ghiito, ˆtokarokongʼoota, ibhe ekyërëkërëri ghe koryanga Eryobha. Koru hangʼu, mumënyë obhuhëënë kubha, obhutëmi bho Ryobha ˆbhoghatingʼi!’

Ruuka 10:9

Wiiki abhabhabharu bhano bhaanyi mo‑moghya uyo, mobhahöri. Mobhabhoorere abhiikari bhayo kubha, obhutëmi bho Ryobha ˆbhoghatingʼi.

Ruuka 16:16

“Emeghiro na Amandëkö gha bharööti, mbeere bhighööturu na abhaato mbagha eriibhagha re Yohana. Korwera eriibhagha riyo, Angʼana Anchömu e bhutëmi bho Ryobha ekabha arasanchibhu, na abhaato bhaaru mbaghwiköngʼi ghusöha.

Ruuka 9:11

Abhaato hano bhamënyiri kubha naghiire iyo, bhakamotumbana. Akabhaghënëhi bhoheene, aghasëëma kobheeghi amangʼana gha bhutëmi bho Ryobha. Abhabhabharu bhano ꞉bhaare ghate yaabho akabhahöri.