Ruuka 9:18 - Eriiraghano Eriihë

¹⁸ Orosiko rumu, Yesu na abhaanabheegha bhaache mbaare haghirohamu, bhiiyahwire. Yesu naare arasabha Eryobha. Akamara, akabhabhoori akabhugha, “Abhaato mbakobhugha kubha, eni neeni we?”

Ruuka 9:18 ပူးပေါင်းရင်းမြစ်များ

Mataayo 14:23

Hano amariri koriragha erikinda riire re bhaato, Yesu aghatiira omwene chiri mo‑gheghoro, kubha asabhe Eryobha. Hano bhwiriri, naare akeere anyi iyo mo‑gheghoro omwene chiri.

Mataayo 26:36

Akamara Yesu aghaye na abhaanabheegha bhaache mo‑kinyaweera kino ghekobherekeru Ghetesemaani, akabhabhoorera akabhugha, “Mwikare singa hano, eni neeghuye iyo ghusabha Eryobha.”

Ruuka 11:1

Orosiko rumu, Yesu naare arasabha Eryobha ahaghiro nyarebhe. Hano amariri ghusabha, umu o bhaanabheegha bhaache akamobhoorera akabhugha, “Oo Omutëmi, notweghi ghusabha Eryobha, kinya Yohana Omubhatisaachi ꞉eghiri abhaghëndi bhaache.”

Ruuka 3:21

Hano abhaato bhayo bhoose bhamariri kubhatiisu, Yesu woose akaacha akabhatiisu. Hano are arasabha Eryobha, erishaaro reghiighoka.

Ruuka 6:12

Orosiko rumu, Yesu aghaye ghusabha Eryobha a‑gheghoro, aghasabha obhotiko bhoghima.

Ruuka 9:19

Bhakamugharokeri bhakabhugha, “Abhande, mbakobhugha kubha, iye niiye Yohana Omubhatisaachi. Wiiki abhande mbakobhugha, iye n‑omurööti Eriya na abhande mbakobhugha kubha, iye n‑omurööti o kare uno aryokiri.”

Ruuka 9:28

Chaasiko inyaanye chiiche koheta korwera hano asiikiire amangʼana ghayo, Yesu akabhiimoki Bheetero, na Yohana, na Yakobho, aghatiira nabho mo‑gheghoro, gho ghiri asabhe Eryobha iyo.

Ruuka 9:29

Hano ahikiri mo‑gheghoro, aghasëëma ghusabha Eryobha. Hano are arasabha, eghisösö ke bhosho bhooche gheghiigharura. Amaghööti ghaache, ghaakabha meero chayi, ghararëngaari chwee.