Ruuka 9:1 - Eriiraghano Eriihë

¹ Orosiko rumu Yesu akabhabherekera abhatomu bhaache ikomi na bhabhere. Akabhaha obhotoro bho kuhëëbha emisambu ghyose koru mo‑bhaato, no obhotoro bho kuhöri amabhabharu ghoose.

Ruuka 9:1 ပူးပေါင်းရင်းမြစ်များ

Mataayo 16:19

Eni neghokuha iye chahunguru che bhutëmi bho Mwishaaro. Gho ghayo, ghoose ghano oghwishereri abhaato bhakörë mo‑se ino, Eryobha ryose ndeghoghiishereri. Wiiki, ghoose ghano otaaghoghiishereri, Eryobha ryose retaaghoghiishereri.”

Mataayo 4:24

Mbe, amangʼana ghaache ghaghasancha chwee mo‑chambaara choose che mukööwa o Siiriya. Abhaato bhakahira abhabhabharu bhoose bha mashaagha haghare haghare. Ghate yaabho, mbaare‑mu abhabhabharu chwee, bhano bhaghööturu ne emisambu, na bhano ꞉bhaare na amarimo, na bhano ꞉bhaare bhakuure eribhaara. Yesu akabhahöri bhayo bhoose.

Mataayo 8:9

Koru eni woose neenyi haase e bhukangati. Wiiki, neenyi na abhaashirikare bhano bhaanyi haase yaane. Neramobhoorera umu kubha, ‘Nooghi,’ hayo hayo aghi. Wiiki, neramobhoorera owonde kubha, ‘Nuuche,’ hayo hayo acha. No omusësë waane neramobhoorera, ‘Ukörë hangʼu,’ woose nibhu aghuköra.”

Ruuka 10:1

Achekumara ghayo, Omutëmi Yesu akaahura abhaghëndi abhande, miröngö mohungate na bhabhere. Akabhatoma bhabhere bhabhere, bhakangate mo‑meghya na ahaghiro hoose, hano are ëndiri ghuye omwene.

Ruuka 10:19

Mbe, mumënyë kubha, nebhaheere obhotoro bho ghokera changuru choose che mobhisa. Kwo bhotoro bhuyo, moghutacha koru chanchöka ne ebhitaamooni, na ghetaanyi‑ho egheghiro ghyokyose kino ghekobhanyahaara.

Yohana 14:12

Mahëënë ˆnekabhabhoorera, omooto wowoose uno aghonkumi, naghuköra emeremo ghiire ghiire eni neghuköra. Wiiki naghuköra emeremo mekoro ghokera ghino niköriri, gho kubha ˆneeghaye o‑Taata.

Amaköri gha Bhatomu 1:8

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Amaköri gha Bhatomu 3:16

Omooto uno mokomorighi hano, momweche bhoheene. Iwe naahöruru gho nchëra e ghotoora obhokumi bhooche kwo riina re Yesu. Eriina riyo, haghirohamu no okomokumi, nibhyo bhighëriri akabha muhöru, kinya mokomorighi anyi ibheere.

Amaköri gha Bhatomu 4:30

Taata, ughöröröki okubhökö koocho otukörë totore kuhöri abhaato, otusakeri ghuköra ebhyërëkërëri ne ebhiraghe kwo eriina re Yesu, omutamishi waacho Omutööbhiyu!”

Amaköri gha Bhatomu 9:34

Bheetero akamobhoorera Ayineya akabhugha, “Yesu Kirisito ˆaghakuhöri. Bhooka! Waare obhorere bhoocho.” Hayo hayo Ayineya akiimeerera.