Ruuka 8:16 - Eriiraghano Eriihë

¹⁶ “Taanyi‑ho omooto uno akumara ghughööti oromore, arohunya na anyongo, hamu korotoora irungu re bhorere. Amare nakorotoora ighoro e ghesungo, gho ghiri bhano bhaghusöha, bhatore korighi emirëngaari gheeche.

Ruuka 8:16 ပူးပေါင်းရင်းမြစ်များ

Ruuka 11:33

“Taanyi‑ho omooto uno aghughööti oromore, amara arobhisa hamu arohunya na anyongo. Mbe, nahaarotoora ighoro e ghesungo, kubha hano abhaato bhaghusöha mo‑nyumba, bhatore korighi emirëngaari gheeche.

Ruuka 8:15

“Chambusuru chino ꞉cheeghweriire mo‑riiröbhë ichömu, nchekwërëki abhaato bhano bhakooghu angʼana e Ryobha. Hano bhakumara kooghu, bhayighöötërëra mo‑metema gheebho kwo bhughöröröku. Wiiki bhëëngëra ghoghiihëëbha, bhayo mbahaaghumereri mbagha bharuusi amakorobhese amachömu.

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Obhohunyurëru 1:20

꞉Noorooche chanchöta mohungate mo‑kubhökö koone gho kwiro, ne ebheghiro bhe sahaabhu bhe ghotoorera‑mu ebhemore. Nekweghi ebheteemoro bhe bhebhisere bhino. Ebheghiro mohungate bhe sahaabhu bhe ghotoorera‑mu ebhemore, n‑amakanisa ghaare mohungate, na chanchöta mohungate m‑bhamarayika bhaabho.”

Obhohunyurëru 11:4

Abhiibhateri bhayo bhabhere n‑emete ebhere ghe miseyituuni ne ebheghiro bhibhere bhe ghotoorera ebhemore bhino bhehaabha ambërë e Mutëmi Waryobha uno aghukangata ase.