Ruuka 7:47 - Eriiraghano Eriihë

⁴⁷ Gho ghayo, ˆngakobhoorera kubha, obhosiighi bho mukari uno m‑bhokoro, mbokwërëki kubha amasari ghaache maaru, ngaabhiiru. Amare wowoose uno abhiiru amasari amasuuhu, uyo, nahaabha no obhosiighi bhosuuhu wiiki.”

Ruuka 7:47 ပူးပေါင်းရင်းမြစ်များ

Mataayo 10:37

Omooto wowoose uno amosiighiri ishe hamu nyina ghonkera eni, uyo taakundëngʼaanera. Wiiki, wowoose uno amosiighiri omoona waache, hamu omuukë waache, ghonkera eni, uyo woose taakundëngʼaanera.

Ruuka 7:39

Omubharisaayo uyo, hano arooche ghayo, akiihëëbha mo‑metema waache akabhugha, “Omooto uno, nangabheere murööti are, nangamanyiri kubha, omukari uno akomughöötaghööta, n‑omooto o ngabhu. Nangamënyiri kubha, iwe n‑omooto o masari, omusöngörëëri!”

Ruuka 7:46

Wiiki twërëkiri asooko gho kuhaka omutu waane amaghuta. Amare iwe, naahakiri amaghoro ghaane amaghuta gha keneeso.

Ruuka 7:48

Hayo hayo, Yesu akamobhoorera omukari uyo akabhugha, “Amasari ghaacho, ngamariri kwabhëru.”

Amaköri gha Bhatomu 5:31

Rekamoghongi na komuha omweya gho komotoora eribhaara reeche re kwiro, abhe Omukangati no Omotoori. Eryobha ꞉ndiiköriri hangʼu kubha retukörë itu Abhiisiraeri totighe inkongʼorimu amasari ghiito, twabhëru.

Abharuumi 5:20

Hano emeghiro ghe Musa ghiichiri, gheghaghëri amasari ghakiyëngëra. Koru hangʼu, hano amasari ghëëngiire, aghareeya e Ryobha yoose ëkëëndërëra kwiyëngëra chwee.

2 Abhakorinto 5:14

Obhosiighi bho Kirisito mboghotukangata itu, gho kubha ntweche kubha omooto umu ꞉naakuure gho ghiri e bhaato bhoose, ne ekebhune keeche n‑kubha, abhaato bhoose mbaghusanga oroko rooche.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Abhaebheeso 6:24

Aghareeya e Ryobha, ibhe na bhoose bhano bhamosiighiri Omutëmi wiito Yesu Kirisito, kwo bhosiighi bhuno bhotaanyi na antenero. Hawubhaabha.

Abhabhiribhi 1:9

Mbe, nekobhasabhera kwo Ryobha kubha, obhosiighi bhoonyu bhwëndërërë kwiyëngëra chwee, wiiki mubhe na amangʼiini no obhongo,

1 Timotewo 1:14

Mahëënë Omutëmi wiito Kirisito Yesu ꞉naansakiiri aghareeya yaache kwo bhwaru, gho kuuha obhokumi no obhosiighi gho ghughöötana nawe.

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.

1 Yohana 3:18

Abhaana bhaane abhasiighani, totabhasiigha bhaghëndi bhiito kwo mangʼana agheene, amare tosiighane kwo bhuhëënë gho nchëra e ghukörërana amachömu.

1 Yohana 4:19

Ibheere itu ntosiighiri bhaghëndi bhiito ne Eryobha ntoresiighiri, gho kubha Eryobha niryo ꞉riishamiri ghotosiigha.

1 Yohana 5:3

Koresiigha Eryobha niko ghosooka emeghiro gheeche. Wiiki ghughööta emeghiro gheeche ghotaanyi ghuköngʼu,