Ruuka 7:40 - Eriiraghano Eriihë

⁴⁰ Yesu akamobhoorera akabhugha, “Oo Simiyooni, neenyi na angʼana e ghokobhoorera.” Akamugharokeri akabhugha, “Oo Omweghi waane, nomboorere.”

Ruuka 7:40 ပူးပေါင်းရင်းမြစ်များ

Yohana 16:30

Ibheere tokamënya kubha nogheeche ghoose, wiiki tookwënda omooto akobhoori ghyokyose. Gho ghayo, toghakumi kubha noruure kwo Waryobha.”

Yohana 16:19

Yesu akamënya kubha ꞉mbëëndiri komobhoori ghano abhughiri, akabhabhoori akabhugha, “Kana, mokobhoorani ghano nebhughiri kubha, ‘Rekeere eriibhagha isuuhu hangʼu na niinyu motaakondighi, wiiki rekeere eriibhagha isuuhu hangʼu na niinyu mokondighi?’

Yohana 13:13

Inyu mokomberekera eni kubha, ‘Omweghi,’ wiiki mokomberekera, ‘Omutëmi.’ Moghosiikëra gha hëënë, kubha eni n‑Omweghi, wiiki n‑Omutëmi, gho kubha hangʼu neenyi.

Yohana 3:2

Orosiko rumu obhotiko, aghaye o‑Yesu akamobhoorera akabhugha, “Oo Omweghi, ntweche kubha iye n‑Omweghi uno otomuru ne Eryobha, gho kubha taanyi‑ho omooto uno aghotora ghuköra ebhyërëkërëri bhino oghuköra, aribha Eryobha retaanyi haghirohamu nawe.”

Ruuka 18:18

Wiiki omukangati umu omwame, akaacha komobhoori Yesu akabhugha, “Omweghi omuhëënë, nikörë ke, kubha mo‑rosiko ro ntenero nibhönë obhuhöru bho miishe ghyose?”

Ruuka 6:8

Ibheere, Yesu akamënya amiihëëbhö ghaabho amabhe. Niho, akamobhoorera omooto uno anyi no okubhökö kuno ghokuure akabhugha, “Nuuche, wimeerere hano ghateghate.” Omooto uyo akaacha, akiimeerera ghateghate yaabho.

Ruuka 5:31

Yesu akabhagharokeri akabhugha, “Abhaato abhahöru, bhataakwënda omughabho, amare abhabhabharu nibho bhakwënda omughabho!

Ruuka 5:22

Yesu aghaghamënya ghano ꞉bhaare bhariihëëbha, akabhabhoori akabhugha, “Neke mokwihëëbha mo‑metema gheenyu?

Mataayo 7:22

Mo‑rosiko ro ghoteneru ekiina runo rokuucha, abhaato bhaaru mbakomboorera bharabhugha, ‘Oo Omutëmi, oo Omutëmi! Kana, teenyi kwo riina reecho ꞉ntooruusiri obhurööti, na kuhëëbha emisambu na ghuköra ebheroghooro bhyaru?’

Mataayo 26:49

Hayo hayo, Yuuta aghaye o‑Yesu, akamobhoorera akabhugha, “Oo Omweghi, mbwiriri!” Akamara akamutahata.

Ruuka 7:39

Omubharisaayo uyo, hano arooche ghayo, akiihëëbha mo‑metema waache akabhugha, “Omooto uno, nangabheere murööti are, nangamanyiri kubha, omukari uno akomughöötaghööta, n‑omooto o ngabhu. Nangamënyiri kubha, iwe n‑omooto o masari, omusöngörëëri!”

Ruuka 7:41

Ibheere, Yesu akamobhoorera akabhugha, “Mbaare‑ho abhaato bhabhere, ꞉bhaare na asiire e chambiiri kwo uno are abhaheere asiire iyo. Umu o bhayo, naare aghëghiri chatinaari amaghana ataano. Omughëndi nawe, ꞉naaghëghiri chatinaari miröngö etaano.