Ruuka 7:22 - Eriiraghano Eriihë

²² Niho, Yesu akabhagharokeri akabhugha, “Mughëndë momobhoorere Yohana ghoose ghano morooche, na ghoghooghu. Kubha, abhahuku ˆbhakarighi, na abhabhëëru ˆbhaghaghënda, na abhabhabharu bha mbiti ˆbhakahöra, na abhakiro ˆbhakooghu, na abhaku ˆbhakaryoka. Wiiki, abhahabhe ˆbhakaraghaneru Angʼana Anchömu e Ryobha.

Ruuka 7:22 ပူးပေါင်းရင်းမြစ်များ

Mataayo 11:5

Kubha, abhahuku ˆbhakarighi, na abhabhëëru ˆbhaghaghënda, na abhabhabharu bha mbiti ˆbhakahöra, na abhakiro bhakooghu, na abhaku ˆbhakaryoka. Wiiki, abhahabhe ˆbhakaraghaneru Angʼana Anchömu e Ryobha.

Mataayo 21:14

Mbe, eriibhagha Yesu anyi mo‑riigho re Mwisëngërö, abhahuku na abhabhëëru bhakaacha ghokooche, iwe akabhahöri.

Ruuka 4:18

“Akörö e Mutëmi Waryobha, neenyi haghirohamu na neeni. Wiiki, nimariri konyaahura kobhamënyi, abhahabhe Angʼana Anchömu. Nentomiri kwo bhabhöhu, nebhabhoorere kubha mbaghotighooroku. Abhahuku, bhatore korighi wiiki, na bhano bhakunyaakibhu, nebhatoori.

Ruuka 7:21

Kwo riibhagha riyo riyo, Yesu naare arahöri abhaato bhaaru amabhabharu ghaabho. Naare ahöriri koru bhano bhatiiruru ne emisambu. Wiiki ꞉naaghëriri abhahuku bhaaru bhatore korighi.

Ruuka 7:23

Ngʼoni, omooto wowoose uno ataanyi na kemboori ighoro yaane!”

Yohana 1:46

Amare Natanaheri akamobhoori akabhugha, “N‑gheghiro ke ghichömu gheghotora koru mo‑moghya omosuuhu o Nasareeti?” Bhiiribho akamugharokeri arabhugha, “Nuuche, orighi.”

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Amaköri gha Bhatomu 8:7

Naare arahëëbha emisambu koru mo‑bhaato bhaaru, ino gherakuura kwo riiraka ikoro. Wiiki akabhahöri abhaato bhaaru bhano ꞉bhaare bhakuure eribhaara na abhabhëëru.

Yakobho 2:5

Abhahiiri bhaane abhasiighani, muntëghëërërë bhoheene! Eryobha ndebhahwire abhaato abhahabhe mo‑se ino kubha bhatore kubha abhaame mo‑bhokumi na ghosongʼaana obhutëmi bhuno rebharaghiire bhaare bharesiighiri.