Ruuka 7:16 - Eriiraghano Eriihë

¹⁶ Abhaato bhayo bhoose, bhaghatiina chwee. Bhaghasëëma koreghongi Eryobha, bharabhugha, “Omurööti omokoro, akarwera ghate yiito!” Wiiki bhakabhugha, “Eryobha, ndiichiri ghotoori abhaato bhaache!”

Ruuka 7:16 ပူးပေါင်းရင်းမြစ်များ

Mataayo 15:31

Abhaato bhayo bhakaroghoora chwee hano bharooche amamuumu ˆghaghasiikëra, abharëma ˆbhakahöra na abhabhëëru ˆbhaghaghënda na abhahuku ˆbhakarighi. Bhaghasëëma koreghongi Eryobha rino Abhiisiraeri bhaghusëngëra.

Mataayo 21:11

Erikinda riire re bhaato rekabhagharokeri rerabhugha, “Uyo n‑Yesu, omurööti wuure o mo‑moghya o Nasareeti, mo‑mukööwa o Ghariraaya.”

Mataayo 28:8

Niho abhakari bhayo bhaghatanura bhwango koru mo‑mbeehera kwo haho na ghuchömëru ghokoro. Bhakayaara ghuye kobhaha amangʼana abhaanabheegha bha Yesu ghano marayika ꞉abhabhooriire.

Mataayo 9:8

Hano abhaato bhano ꞉bhaare hayo bhagharooche ghayo, bhakahagha na ghotiina chwee. Bhakareghongi Eryobha rino reheere abhaato obhotoro bhonga bhuyo.

Ruuka 1:65

Abhaatani bhaache bhoose bhakahagha chwee. Amangʼana ghayo, ghaghasancha chwee mo‑bheghoro bhyose bhe Yuteya.

Ruuka 1:68

“Omutëmi Waryobha o Bhiisiraeri aghongibhu, gho kubha, niichiri kobhatoori abhaato bhaache bhatighooroku.

Ruuka 19:44

Abhabhisa bhayo, mbakobhaghwishi haase iye na abhaato bhaacho bhoose. Retaanyi‑ho eriibhohe rino reghusaagha ighoro e riibhohe erende! Bhano bhamanyiri moose mbaghosireekerera, gho kubha eriibhagha Eryobha ꞉reekurëëtiire obhotoori, tobhumënyiri.”

Ruuka 2:20

Bhakamara, abhariishi bhayo bhaghagharuka ino bharareghongi Eryobha, na korekumi gho ghano ghoose ꞉bhooghwire na ghogharighi. Kinya bhuure ꞉bhaabhooriiru na marayika, hangʼu ghoose ꞉ghaabheere.

Ruuka 24:19

Yesu woose akabhoori akabhugha, “Mangʼana ke ghayo?” Bhakamugharokeri bhakabhugha, “Itu ntoghosiikëra ighoro e ghano ꞉ghaakörëkiine o‑Yesu o Nasareeti. Eryobha na abhaato bhoose ꞉mbaarooche kubha, iwe m‑murööti are, wiiki naare no obhotoro bho ghuköra na ghosiikëra.

Ruuka 5:26

Abhaato bhoose bhano ꞉bhaare hayo, bhakahagha chwee na ghughöötu no obhotiini. Wiiki, mbaare bharareghongi Eryobha, bharabhugha “Reero ntorooche amangʼana gha koroghoori!”

Ruuka 5:8

Hano Simiyooni arooche ghano gharweriire hayo, akahighama ambërë e Yesu, akamobhoorera akabhugha, “Oo Omutëmi, otiikara na neeni, gho kubha eni n‑omooto o masari neenyi!”

Ruuka 7:15

Omobhureni uno are akuure, hayo hayo akabhooka, aghiikara, aghasëëma ghosiikëra wiiki. Yesu akamuhaana kwo nyina.

Ruuka 7:39

Omubharisaayo uyo, hano arooche ghayo, akiihëëbha mo‑metema waache akabhugha, “Omooto uno, nangabheere murööti are, nangamanyiri kubha, omukari uno akomughöötaghööta, n‑omooto o ngabhu. Nangamënyiri kubha, iwe n‑omooto o masari, omusöngörëëri!”

Ruuka 8:37

Abhaato bhoose bha mo‑se e Bhagheraasi, bhaghaghöötu no obhotiini chwee. Bhakamusabha Yesu kubha aru hayo mo‑se yaabho. Mbe, aghatiira obhwato ghugharuka Ghariraaya.

Ruuka 9:19

Bhakamugharokeri bhakabhugha, “Abhande, mbakobhugha kubha, iye niiye Yohana Omubhatisaachi. Wiiki abhande mbakobhugha, iye n‑omurööti Eriya na abhande mbakobhugha kubha, iye n‑omurööti o kare uno aryokiri.”

Yohana 1:21

Bhakamobhoori wiiki bhakabhugha, “Mbe, iye niiye we? Kana, iye n‑omurööti Eriya?” Yohana akabhagharokeri akabhugha, “Tiyaanyi, eni taanyi Eriya.” Ibho bhakamobhoori wiiki bhakabhugha, “Kana, iye n‑omurööti wuure toghughanya koru kwo Waryobha?” Yohana akabhagharokeri arabhugha, “Tiyaanyi, taanyi eni.”

Yohana 1:25

bhakamobhoori wiiki bhakabhugha, “Aribha iye taanyi Kirisito, hamu omurööti Eriya, hamu omurööti owonde o Ryobha, ngwake okubhatiisa?”

Yohana 4:19

Omukari uyo akamugharokeri akabhugha, “Omutëmi, ibheere ˆnekarighi kubha iye m‑murööti onyi.

Yohana 6:14

Hano abhaato bhayo bharooche ekyërëkërëri kiyo Yesu ꞉aköriri, bhakabhugha, “Mahëënë omooto uno n‑omurööti o Ryobha, niwe uno twitëngʼiire kubha nakuucha mo‑se.”

Yohana 9:17

Amabharisaayo bhakamobhoori wiiki bhakabhugha, “Omooto uno akuhöriri amiisho ghaacho, obhugha bhu ighoro yaache?” Iwe akabhagharokeri akabhugha, “Eni ndighi omooto uyo n‑omurööti o Ryobha.”

Amaköri gha Bhatomu 5:5

Ananiya hano oghwire amangʼana ghayo gha Bheetero, hayo hayo aghagho haase, aghaku. Bhoose bhano ꞉bhooghwire amangʼana ghayo bhaghatiina chwee.

Amaköri gha Bhatomu 7:37

“Musa uyo niwe are abhabhooriire Abhiisiraeri bhayo, ‘Ghate yaanyu, Eryobha nakobhaahurera omurööti kinya eni.’

Abhagharatiya 1:24

Mbe, bhakareghongi Eryobha gho ghiri e ghano rinköriire.