Ruuka 6:2 - Eriiraghano Eriihë

² Mbe, Amabharisaayo abhamu bhakamobhoorera Yesu bhakabhugha, “Kana neke moghuköra hangʼu orosiko ro Riikane? Orosiko ruyo, emeghiro ghiito ngeghoturëki ghuköra omoremo wowoose!”

Ruuka 6:2 ပူးပေါင်းရင်းမြစ်များ

Mataayo 12:2

Amare Amabharisaayo hano bhagharooche ghayo, bhakamobhoorera Yesu bhakabhugha, “Mööhi, abhaanabheegha bhaacho mbaghuköra emeremo orosiko ro Riikane, na ghano ghataakwëndëru ghuköru orosiko ruyo!”

Mataayo 15:2

“Neke gheghughëri abhaanabheegha bhaacho bhataaghutambana chaasughara che bhasookoro bhiito chino bhatotighiire? Gho kubha mbaakurë ebhiinyakurë ino bhatishaabhiri amabhökö ghaabho!”

Maariko 2:24

Niho Amabharisaayo bhakamobhoorera Yesu, “Mööhi, bhano mbaghuköra emeremo orosiko ro Riikane, na ghano ghataakwëndëru ghuköru orosiko ruyo!”

Ruuka 5:33

Abhaato bhayo bhakamobhoorera Yesu bhakabhugha, “Abhaghëndi bha Yohana eriibhagha ryaru mbahiiyima ebhiinyakurë, bharasabha Eryobha. Koru abhaghëndi bha Mabharisaayo, bhoose mbahaaköra hangʼu hangʼu. Amare bhano bhabhaacho, neke gheghughëri bhataakwiyima, mbakwëndërëra kuraaghëra na kunyo?”

Yohana 5:16

Niho abhakangati bha Bhayahuuti bhaghasëëma komwirighori Yesu gho kubha naare arahöri abhaato orosiko ro Riikane.